Jɔɔŋ Wʋnaalaa 1:4 - WƖA TENIŊ

⁴ Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 1:4 ပူးပေါင်းရင်းမြစ်များ

WƖA YƖƖLAA 90:2

Ka dɩ ŋ-na ŋaa peelee, koo a ŋaa tinteeŋ arɩ dʋnɩa bʋa-la kala lɛ, ŋ nɛ Wɩa a kaa mʋ wuu.

MOSIS KƐŊ IZIRAL TƖŊŊAA LƖƖ 3:14

Ŋɩɩ nɛ Wɩa bʋla pɩ Mosis, “MƖ NƐ ŊAA NƖƖ-LA MƖ SƖ ŊAA. Bʋl ŋ-la pɩ Iziral tɩŋŋaa, MƖ-NA NƖƖ-LA MƖ SƖ ŊAA nɛ tɩmmɛ ma teeŋ.”

AZAAYA 11:2

Wɩa Dɩma jaŋ hɛ ʋ lɛ dɩ ʋ kɛŋ wʋjɩmɩŋ a wuo jɩjɩŋ wɩaa bʋbʋɔŋ, a jɩŋ nɩaa chagɩlɩŋ, a kɛŋ doluŋ a jɩŋ wɩaa sɩaa a zizil La TƖƖNA.

AZAAYA 41:4

Kʋbɛɛ nɛ leŋe wɩaa deemba kala ŋaa? Dɩ-suomuŋ kala, kʋbɛɛ nɩɩ beŋ nuhuobiinee doho wʋkɛnɛɛ nyuŋ? Mɩ-na ma TƖƖNA nɛ fa hɛ nɩmɛ dɩ-suomuŋ kala, mɩ saa jaŋ hɛ nɩmɛ a kaa mʋ dɩdɛrɩŋ.”

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

ZƐKARƖYA 3:9

Má beŋ tabɩɩ-la mɩ sɩ joŋo bil Josua sɩpaaŋ, tabɩɩ-bala nɛ aŋ kɛŋ sɩaa balɩpɛ. Mɩ jaŋ tuuri kʋŋ a hɛ ʋ lɛ, aŋ lɩɩsɛ tinteeŋ deeŋ nɩaa wʋbɔŋŋɔɔ ta tapʋl-bala. Mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 4:10

Má sɩ́ bee gʋʋnɛ wɩaa dɩ-suomuŋ sɩ muuro. Nɩaa tʋɔŋ jaŋ tɔrɛ dɩ ba nɛ na Zerubabɛl kori dɩɩsaarɩ-ŋmɛnɩŋ. Chaaŋ ŋmɛsɩ-la balɩpɛ nɛ ŋaa mɩ-na Wɩa sɩaa mɩ kaa bibeŋ dʋnɩa kala.”

ZƐKARƖYA 6:5

Ʋ bʋla pɩmɛ, “Dɩnsɩŋ banɛsɛ sɩ hɛ Wɩa-jaŋ lɛ nɛ ŋɩɩ. Ba lɩɩ La TƖƖNA sɩ tɩɩ dʋnɩa kala sɩpaaŋ nɛ a kʋkɔ ŋɩɩ.

Jɔɔŋ 1:1

Ka dɩ Wɩa-na ŋaa dʋnɩa, wɩɩ-la fa hɛ nɩmɛ nɛ, ʋ fa hɛ Wɩa teeŋ nɛ. Ʋ dɩ Wɩa kala fa ŋaa kʋbala nɛ.

Tɩntɩŋŋaa 19:10

Ba vɛnɛɛ ŋaa ŋɩɩ a yi jɩsɩŋ balɩa nɛ. Juu tɩŋŋaa arɩ Giriik tɩŋŋaa kala sɩ hɛ Esia tinteeŋ lɛ wuo nɩɩ La Tɩɩna Yesu wɩaa.

Tɩntɩŋŋaa 2:9

La dɔnsʋŋ lɩɩ Paatɩa, dɔnsʋŋ lɩɩ Miidia, dɔnsʋŋ lɩɩ Ɩlam. La dɔnsʋŋ lɩɩ Mesopotemia, dɔnsʋŋ lɩɩ Judiya, dɔnsʋŋ lɩɩ Kapadoosia, dɔnsʋŋ lɩɩ Pɔntɔs, dɔnsʋŋ ma lɩɩ Esia.

Rom Tɩŋŋaa 1:7

Ŋɩɩ wɩaa mɩ ŋmʋnsɛ teniŋ deeŋ pɩpɩ ma nɩalɩŋ kala sɩ hɛ Rom tinteeŋ lɛ, ma nɩalɩŋ Wɩa sɩ cho a lɩɩsɛma dɩ ma ŋaa tʋɔpʋl tɩŋŋaa. La Nyɩmma Wɩa arɩ La Tɩɩna Yesu lahɔrɩmɔ lɛ, ba jaŋ pɛ ma lɛ dɩ ma hɔŋ arɩ fɩɛlɩŋ.

1 Kɔrɩntɩ Nɩaa 1:3

La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ fɩɛlɩŋ.

2 Kɔrɩntɩ Nɩaa 1:2

La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ fɩɛlɩŋ.

Hiburu TƖŊŊAA 13:8

Yesu Kirisito sɩ nagɛ ŋɩɩ, ʋ bɩ jaŋ kɔ dɩ ʋ bɩrɩma. Faafaa ʋ sɩ nagɛ ŋɩɩ, ŋɩɩ nɛ ʋ haa nagɛ arɩ jɩnɩŋ kala. Ʋ jaŋ nagɛ ŋɩɩ a kaa mʋ wuu.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.

Jɔɔŋ Wʋnaalaa 1:20

Wʋkpuŋkpere-la ŋ sɩ na a mʋ tɩgɛ chɛnwʋla-la balɩpɛ ŋ sɩ na mɩ na-diiŋ lɛ arɩ chaaŋ daasɩ-la balɩpɛ bʋbʋɔŋ nɛ: Chɛnwʋlaa balɩpɛ-la nɛ ŋaa Wɩa tɩndaara-la sɩɩ beŋ nɩalɩŋ sɩ laa Yesu wɩaa dii a hihilimi a hɛ tasɩ-la balɩpɛ-la sɩ hɛ Esia tinteeŋ lɛ. Chaaŋ daasɩ-la balɩpɛ nɛ ŋaa nɩalɩŋ sɩ laa Yesu wɩaa dii a hihilimi tasɩŋ balɩpɛ-la sɩ hɛ Esia tinteeŋ lɛ.

Jɔɔŋ Wʋnaalaa 1:8

La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 16:5

Ŋɩɩ nɛ Wɩa tɩndaarʋ-la sɩ kɛŋ lɩɩŋ doluŋ ma bʋl wɩaa. Ʋ sɩ, “La Tɩɩna Wɩa, ŋ kɩaa sɩma nɛ dɩ ŋ dɔgɩsɛ dʋnɩa nɩaa. Ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ hɛ nɩmɛ lɛɛlɛ.

Jɔɔŋ Wʋnaalaa 2:12

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Pɛgamɔm lɛ. Mɩ-na nɩɩ-la sɩ kori tokobiiŋ niiriŋ balɩa kala sɩɩ dii nyagaga nɩɩ bʋl wɩaa deemba.

Jɔɔŋ Wʋnaalaa 2:18

Bɩra ŋmʋnsɛ wɩaa deemba nɛ a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Taataya lɛ. Mɩ-na Wɩa Bie nɛ bʋl wɩaa deemba. Mɩ sɩaa nagɛ nyiŋgeliŋ nɛ, ka mɩ naasɩŋ ma nagɛ kɔlɩɩŋ ba sɩ chɛsɛ ʋ faasa tʋtʋl.

Jɔɔŋ Wʋnaalaa 2:8

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Sɩmɩɩna lɛ. Wɩaa deemba lɩɩ mɩ-na Nɩɩ-la fa sɩ hɛ nɩmɛ bumbuŋ kala teeŋ nɛ, aŋ ha jaŋ hɛ nɩmɛ dʋnɩa dɩdɛrɩŋ. Mɩ sʋba nɛ, aŋ bɩra sii sʋʋŋ lɛ.

Jɔɔŋ Wʋnaalaa 22:16

Mɩ-na Yesu nɛ tɩŋ mɩ tɩndaara dɩ ʋ kɔ ma teeŋ a bʋl wɩaa deemba pɩ nɩalɩŋ sɩ laa mɩ wɩaa dii a hihilimi lee na-kala. Mɩ ŋaa Devit dɩa nɩaa gentine nɛ, a ŋaa ʋ doho nʋʋ. Mɩ nɛ ŋaa nanyʋɔlʋŋ.”

Jɔɔŋ Wʋnaalaa 22:8

Mɩ-na Jɔɔŋ, mɩ nɛ nɩɩ wɩaa deemba aŋ pɛ na ma. Mɩ sɩ nɩɩba aŋ pɛ na ŋɩɩ, mɩ tuu kpirimi Wɩa tɩndaarʋ-la sɩɩ dagɛmɛ wɩaa deemba sɩpaaŋ dɩ mɩ chʋɔlʋ.

Jɔɔŋ Wʋnaalaa 3:1

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Saadɩs lɛ. Bʋla pɩba: Mɩ-na Nɩɩ-la sɩ kori Wɩa Dɩnsɩŋ balɩpɛ-la aŋ pɛ kɛŋ chɛnwʋlaa balɩpɛ-la nɛ bʋl wɩaa deemba pɩba. Mɩ jɩŋ ma Saadɩs nɩaa tɩntɩŋŋaa kala nɛ. Ma laa yɩrɩŋ arɩ ma weye nɛ, ama ma sʋba nɛ.

Jɔɔŋ Wʋnaalaa 3:14

Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.

Jɔɔŋ Wʋnaalaa 4:5

Ŋɩɩ nɛ taŋ lɩlɩgɩsɛ aŋ pɛ kpɩkpɩa kuoru kpasa-la leriŋ. Ka chaanaa balɩpɛ ma chɩŋ kuoru kpasa-la sɩpaaŋ a didii. Chaanɩa-la nɛ ŋaa Wɩa Dɩnsɩŋ balɩpɛ-la.

Jɔɔŋ Wʋnaalaa 4:8

Kɩalɩŋ kʋŋkala kɛŋ kɩŋkɛnsɩŋ balɩdʋ balɩdʋ nɛ, sɩaa ma hɛ ba lee-kala arɩ ba kɩŋkɛnsɩŋ bʋbʋɔŋ ma kala. Tɩtaŋɩŋ arɩ wɩɩhɛyɛ kala ba yie yɩyɩɩ yɩɩlaa, ba bɩ tɔrɛ, a bʋbʋl: “Ŋ bɩ disiniŋ kɛnɛ, ŋ bɩ disiniŋ kɛnɛ, La Tɩɩna Wɩa doluŋ kala Tɩɩna, ŋ bɩ disiniŋ kɛnɛ, ŋ nɛ Nɩɩ-la fa sɩ hɛ nɩmɛ faafaa kala, arɩ Nɩɩ-la ha sɩ hɛ nɩmɛ, arɩ Nɩɩ-la ha sɩ jaŋ kɔ.”

Jɔɔŋ Wʋnaalaa 5:6

Ŋɩɩ nɛ mɩ beŋ a na Pie-bie dɩ ʋ chɩŋ kuoru kpasa-la arɩ kɩalɩŋ banɛsɛ-la sɩ weye arɩ nɩhɩasɩ-la tʋtʋɔbaanɩŋ. Pie-bie-la fa naga ba sɩ kpʋa nɛ. Ʋ fa kɛŋ nyilliŋ balɩpɛ nɛ, sɩaa ma balɩpɛ. Sɩa-la balɩpɛ nɛ ŋaa Wɩa Dɩnsɩŋ balɩpɛ-la Wɩa sɩ ta ba kʋ tuu dʋnɩa sɛmɛ na-kala.

Jɔɔŋ Wʋnaalaa 8:2

Ŋɩɩ nɛ aŋ ka mɩ na Wɩa tɩndaaraa balɩpɛ-la sɩ yie chɩŋ Wɩa sɩpaaŋ. Ba pɩba nyilliŋ balɩpɛ.