Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔɔŋ Wʋnaalaa 1:20 - WƖA TENIŊ

20 Wʋkpuŋkpere-la ŋ sɩ na a mʋ tɩgɛ chɛnwʋla-la balɩpɛ ŋ sɩ na mɩ na-diiŋ lɛ arɩ chaaŋ daasɩ-la balɩpɛ bʋbʋɔŋ nɛ: Chɛnwʋlaa balɩpɛ-la nɛ ŋaa Wɩa tɩndaara-la sɩɩ beŋ nɩalɩŋ sɩ laa Yesu wɩaa dii a hihilimi a hɛ tasɩ-la balɩpɛ-la sɩ hɛ Esia tinteeŋ lɛ. Chaaŋ daasɩ-la balɩpɛ nɛ ŋaa nɩalɩŋ sɩ laa Yesu wɩaa dii a hihilimi tasɩŋ balɩpɛ-la sɩ hɛ Esia tinteeŋ lɛ.

အခန်းကိုကြည့်ပါ။ ကော်ပီ




Jɔɔŋ Wʋnaalaa 1:20
24 ပူးပေါင်းရင်းမြစ်များ  

Libi chaanaa balɩpɛ, a joŋo sagɛ kerike-la nyuŋ dɩ ba pʋlʋmʋŋ chaanɛ ʋ sɩpaaŋ.


Ŋɩɩ nɛ ba kɛŋ sɛlɩmɛ sɩ chaasa zɔŋ a libi chaanaa balɩpɛ, a ŋaa kɩalɩŋ ba sɩ kaa dɩdɩsɛ chaanɩa-la arɩ ba tʋɔrʋŋ pɩrataba.


Ʋ pɩɛsɛmɛ, “Bɛɛ kʋŋ nɛ ŋ na?” Mɩ bʋl, “Mɩ na ba sɩ kɛŋ sɛlɩmɛ ŋaa chaaŋ daaŋ, chaaŋ gbaŋa daŋ ʋ nyuŋ, chaanaa balɩpɛ hɛ nɩmɛ a kɛŋ chaaŋ ŋmɛnɩŋ leree ma balɩpɛ.


Ma Wɩɩsʋllɩ sɩpaalaaraa nɛ maga dɩ ma dagɛ nɩaa dɩ ba jɩŋ mɩ wɩaa. Nɩaa maga dɩ ba kɔ ma teeŋ nɛ a gʋnnɛ wɩalɩŋ mɩ sɩɩ chɛ dɩ ba jɩŋ, bɛɛ wɩaa ma nɛ ŋaa mɩ-na ma TƖƖNA doluŋ kala Tɩɩna tɩndaaraa.


Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.


Yesu bʋla pɩba, “Ma nɩaa deemba nɛ Wɩa dagɛ ʋ kuorii-la bʋbʋɔŋ pa. Ama nɩ-daŋ kala, namagaba nɛ ʋ yie kaa dɩdagɛba. Ba yie nyilimi nyilimi aŋ bɩ kʋŋkala wuo na, a bɩra jegili jegili aŋ bɩ ba bʋbʋɔŋ wuo jɩŋ.


Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.


Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”


Ka ʋ kori chɛnwʋlaa balɩpɛ ʋ nadiiŋ nɩsɩŋ lɛ, tokobiiŋ lɩɩ ʋ niiŋ lɛ a kʋ lɩɩ. Ʋ niiriŋ balɩa kala didii nyagaga. Ka ʋ sɩaa kala tʋtʋl a nagɛ wɩɩpɔsʋŋ sɩ faasa pɔsɛ.


Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ


ka ba ŋmʋnsɛ yɩrɩ-kpuŋkpere a hɛ ʋ tile lɛ: “Babɩlɔŋ ŋaa tabal nɛ. Nɩalɩŋ kala sɩ hɛ dʋnɩa lɛ a ŋɩŋaa wʋtɔɔnʋŋ, arɩ wʋlɩɩlɩŋ naaŋ.”


Ŋɩɩ nɛ Wɩa tɩndaarʋ-la pɩɛsɛmɛ, “Bɛɛ kʋŋ nɛ tɩɩ wɩɩŋ deeŋ ŋaa wʋkpuŋkpere ŋ lɛ? Mɩ jaŋ dagɩŋ wɩalɩŋ sɩ faa a mʋ tɩgɛ haal-la lɛ, arɩ baga kʋ-la ʋ sɩ jɩla sɩ kɛŋ nyusuŋ balɩpɛ arɩ nyilliŋ fii.


Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.


Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Pɛgamɔm lɛ. Mɩ-na nɩɩ-la sɩ kori tokobiiŋ niiriŋ balɩa kala sɩɩ dii nyagaga nɩɩ bʋl wɩaa deemba.


Bɩra ŋmʋnsɛ wɩaa deemba nɛ a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Taataya lɛ. Mɩ-na Wɩa Bie nɛ bʋl wɩaa deemba. Mɩ sɩaa nagɛ nyiŋgeliŋ nɛ, ka mɩ naasɩŋ ma nagɛ kɔlɩɩŋ ba sɩ chɛsɛ ʋ faasa tʋtʋl.


Má bɩɩna yi wɩalɩŋ lɛ a sɩ́ tele. Má bɩrɩma lɩɩ a ŋɩŋaa wɩalɩŋ ma fa sɩɩ ŋaa bumbuŋ-la. Dɩ ŋɩɩ dee, mɩ jaŋ kʋ joŋ ma chaaŋ daaŋ.


Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Sɩmɩɩna lɛ. Wɩaa deemba lɩɩ mɩ-na Nɩɩ-la fa sɩ hɛ nɩmɛ bumbuŋ kala teeŋ nɛ, aŋ ha jaŋ hɛ nɩmɛ dʋnɩa dɩdɛrɩŋ. Mɩ sʋba nɛ, aŋ bɩra sii sʋʋŋ lɛ.


Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Saadɩs lɛ. Bʋla pɩba: Mɩ-na Nɩɩ-la sɩ kori Wɩa Dɩnsɩŋ balɩpɛ-la aŋ pɛ kɛŋ chɛnwʋlaa balɩpɛ-la nɛ bʋl wɩaa deemba pɩba. Mɩ jɩŋ ma Saadɩs nɩaa tɩntɩŋŋaa kala nɛ. Ma laa yɩrɩŋ arɩ ma weye nɛ, ama ma sʋba nɛ.


Bɩra ŋmʋnsɛ wɩaa deemba pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Laadisiya taŋ-la lɛ. Mɩ-na nɛ Nɩɩ-la ba sɩɩ yɩrɛ “Amɩɩ,” a kɛŋ wʋtɩtɩɩ a didii dansɩa arɩ wʋtɩtɩɩ, Nɩɩ-la lɛ Wɩa sɩ to a ŋaa dʋnɩa, mɩ nɩɩ bʋl wɩaa deemba.


Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ