19 Lɛɛlɛ ŋmʋnsɛ wɩalɩŋ ŋ sɩ na, wɩalɩŋ sɩ hɛ nɩmɛ arɩ wɩalɩŋ sɩ jaŋ ŋaa harɩŋ.
Ŋɩɩ nɛ La TƖƖNA bʋla pɩmɛ, “Ŋmʋnsɛ wɩalɩŋ mɩ sɩ kaa dagɩŋ hɛ tabɩɩ-taalaa lɛ, a leŋ dɩ ba chaasa lɩɩ chɩŋ dɩ nʋʋ nɩɩ fá ma, dɩ ʋ wuo karɩmɛ a bʋla pɩ nɩaa.
Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.
Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”
Ŋɩɩ nɛ mɩ mɩɩra daasɛ harɩŋ dɩ mɩ na nɩɩ-la sɩɩ bʋl wɩaa mɩ teeŋ. Mɩ sɩ daasa, mɩ na chaaŋ daasɩŋ balɩpɛ. Sɛlɩmɛ nɛ ba kaa ŋaa ba kala.
Bʋa-la lɛ duonuŋ sɩ kpɩa, mɩ faa chɛ dɩ mɩ ŋmʋnsɛ wɩalɩŋ bil. Ŋɩɩ nɛ nʋʋ yikoro lɩɩ wɩa-nyuŋ a bʋla pɩmɛ, “Leŋ dɩ wɩalɩŋ duonuŋ sɩ kpɩa bʋl hɛ ŋ tʋɔŋ, sɩ́ ŋmʋnsa bil.”
Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”