Jɔɔŋ Wʋnaalaa 1:18 - WƖA TENIŊ

¹⁸ Mɩ nɛ ŋaa Nɩɩ-la sɩ weye. Mɩ fa sʋba nɛ, ama lɛɛlɛ mɩ weye nɛ a kaa mʋ wuu. Mɩ kɛŋ sʋʋŋ arɩ lɛlɛɛ-jaŋ kala doluŋ nɛ.

Jɔɔŋ Wʋnaalaa 1:18 ပူးပေါင်းရင်းမြစ်များ

JOB 19:25

Ama mɩ jɩma mɩ Laataara hɛ nɩmɛ nɛ. Wɩaa deemba kala dɩdɛrɩŋ ʋ jaŋ kʋ chɩna bʋla laamɛ dʋnɩa deeŋ lɛ.

JOB 38:17

Nʋʋ ha kɛŋ sʋʋŋ boi-baalaa dagɩŋ? Ŋ ha na lɛlɛɛ-jaŋ dɩ-bine-la boi-baalaa?

WƖA YƖƖLAA 18:46

Ŋ-na La Tɩɩna weye nɛ. Mɩ jaŋ dɛnnɩŋ, ŋ kɛŋ doluŋ a nagɛ bʋŋ nɛ. Mɩ jaŋ heele bʋl Wɩa sɩ laamɛ ta yɩrɩ-balɩŋ wɩaa.

WƖA YƖƖLAA 68:20

La Wɩa nɛ ŋaa Laataara, Wɩa nɛ laa nɩaa tɩta sʋʋŋ nɩsɩŋ lɛ.

AZAAYA 22:22

Mɩ jaŋ joŋ Devit dɩa boribiiŋ hɛ ʋ nɩsɩŋ lɛ. Dɩ ʋ nɛ kɛŋ dɩa-la suri, nʋʋ bɩ jaŋ wuo kaa tɔ. Dɩ ʋ nɛ bɩra kaa tɔ ma, nʋʋ bɩ jaŋ wuo kaa suri.

Matiu 11:23

Ma-na Kapɛnam tɩŋŋaa, ma nɛ paala chɩchɛ dɩ ma kɛŋ ma tɩtɩa a kaa jɩl Wɩa-jaŋ. Wɩa jaŋ jomma yuo ta dɩ ma tuu jʋʋ ʋ nyiniŋ. Wʋmagɩlaa deemba kala mɩ sɩ ŋaa ma teeŋ, dɩ mɩ nɛ fa ŋaaba Sodom lɛ, ba fa ha jaŋ hɛ nɩmɛ a kaa kʋkɔ jɩnɩŋ.

Matiu 16:19

Mɩ jaŋ joŋ Wɩa kuorii-la boribiee pɩŋ. Wɩɩ-la ŋ sɩ vɩa dʋnɩa lɛ, ba jaŋ vɩaʋ Wɩa-jaŋ ma. Wɩɩ-la ma ŋ sɩ sɛyɛ dʋnɩa lɛ, ba jaŋ sɛyʋ Wɩa-jaŋ ma lɛ.”

Luuk 24:5

Fawʋllʋŋ faasa kɛŋ haala-la. Ba kɛŋ ba nyusuŋ gʋrɛ. Ŋɩɩ nɛ baala-la pɩɛsɛba, “Bɛɛ nɛ tɩɩ ma chɩchɛ nɩɩ-la sɩ weye nɩsʋʋnʋŋ tʋɔŋ?

Jɔɔŋ 11:25

Ŋɩɩ nɛ Yesu bʋla pʋ, “Mɩ nɛ ŋaa Nɩɩ-la sɩ jaŋ sii sʋʋŋ lɛ, a chɩsɛ nɩaa sʋʋŋ lɛ dɩ ba kɛŋ mɩɩsɩŋ. Nʋʋkala sɩ laa mɩ wɩaa dii, dɩ ŋ sʋba ma, ŋ jaŋ sii a kɛŋ mɩɩsɩŋ.

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Rom Tɩŋŋaa 6:9

La jɩma arɩ Wɩa sɩ chɩsɛ Kirisito sʋʋŋ lɛ ŋɩɩ, ʋ bɩra bɩ jaŋ sʋʋ, ŋɩɩ wɩaa sʋʋŋ bɩra bɩ ʋ wuo.

2 Kɔrɩntɩ Nɩaa 13:4

Ba kpaasʋ mɛrɛ daagɛsɛ nyuŋ a nagɛ arɩ ʋ fa bɩ doluŋ kɛnɛ. Ama Wɩa doluŋ lɛ ʋ sie nɛ a kɛŋ mɩɩsɩŋ. La hɛ Kirisito lɛ nɛ a bɩ doluŋ kɛnɛ la tɩtɩa lɛ. Kirisito sɩ weye ŋɩɩ a kɛŋ mɩɩsɩŋ Wɩa doluŋ lɛ, ŋɩɩ tɩtɩa nɛ la ma jaŋ kɛŋ mɩɩsɩŋ Wɩa doluŋ lɛ a tɩma pɩma.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

Koloosi Nɩaa 3:3

bɛɛ wɩaa ʋ naga ma sʋba nɛ, ka ma mɩɩsɩŋ faa Kirisito lɛ. Ʋ nɛ hɛ Wɩa teeŋ.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

Hiburu TƖŊŊAA 7:16

Ʋ tɩɩna sɩ kʋ ŋaa Wɩɩsʋllɩ sɩpaalaara ŋɩɩ, ʋ bɩ naga arɩ ʋ doho nɩaa wɩɩ nɛ. Ʋ bɩra bɩ naga arɩ wɩalɩŋ ba sɩ ŋmʋnsa bil dɩ nɩaa tuto nɛ daga ba lɩɩsʋ. Ama ʋ mɩɩsɩŋ doluŋ lɛ nɛ ba lɩɩsʋ. Ʋ jaŋ hɛ nɩmɛ deeŋ deeŋ.

Hiburu TƖŊŊAA 7:25

Ŋɩɩ wɩaa, ʋ jaŋ wuo laa nɩalɩŋ sɩ to ʋ lɛ a kɔ Wɩa teeŋ ta. Ʋ jaŋ wuo laaba ta, bɛɛ wɩaa ʋ jaŋ hɛ nɩmɛ bʋa na-kala a sʋl Wɩa pɩpɩba.

Jɔɔŋ Wʋnaalaa 10:6

Ŋɩɩ nɛ ʋ ŋmɩɛsɛ Wɩa, Nɩɩ-la sɩ hɛ nɩmɛ a kaa mʋ wuu, nɩɩ-la sɩ ta wɩa-nyuŋ arɩ kɩalɩŋ kala sɩ hɛ wɩa-nyuŋ, arɩ tinteeŋ arɩ kɩalɩŋ kala sɩ hɛ nɩmɛ, arɩ mʋgʋ-balɩŋ, arɩ kɩalɩŋ kala sɩ hɛ ʋ tʋɔŋ. Ʋ sɩ, “Bʋa-la yie nɛ, la bɩra bɩ jaŋ wuo kɛŋ wɩɩkala dieni.”

Jɔɔŋ Wʋnaalaa 15:7

Ŋɩɩ nɛ kɩalɩŋ banɛsɛ-la sɩ weye dɔŋɔ joŋ sɛlɩmɛ gbansɩŋ balɩpɛ a pɩ Wɩa tɩndaaraa balɩpɛ-la. Wɩa baanɩŋ fa su sɛlɩmɛ gbansɩ-la nɛ. Ʋ nɛ jaŋ hɛ nɩmɛ a kaa mʋ wuu.

Jɔɔŋ Wʋnaalaa 2:8

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Sɩmɩɩna lɛ. Wɩaa deemba lɩɩ mɩ-na Nɩɩ-la fa sɩ hɛ nɩmɛ bumbuŋ kala teeŋ nɛ, aŋ ha jaŋ hɛ nɩmɛ dʋnɩa dɩdɛrɩŋ. Mɩ sʋba nɛ, aŋ bɩra sii sʋʋŋ lɛ.

Jɔɔŋ Wʋnaalaa 20:13

Ŋɩɩ nɛ mʋgʋ-balɩŋ kɛŋ nɩalɩŋ kala sɩ sʋʋ ʋ tʋɔŋ kʋ lɩɩ. Sʋʋŋ arɩ lɛlɛɛ-jaŋ ma joŋ nɩalɩŋ sɩ hɛ ba lɛ ta, ba kala kʋ lɩɩ. Ŋɩɩ nɛ ba beŋ nʋʋkala wʋŋaalaa sɩ maga ŋɩɩ a dii ʋ sarɩya.

Jɔɔŋ Wʋnaalaa 20:14

Ŋɩɩ nɛ ba joŋ sʋʋŋ arɩ lɛlɛɛ-jaŋ a yuo hɛ nyiŋ-bal-la lɛ. Nyiŋ-bal-la nɛ ŋaa sʋʋ bʋlɩa.

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.

Jɔɔŋ Wʋnaalaa 4:9

Bʋa na-kala dɩ kɩalɩŋ sɩ weye nɛ yɩɩ yɩɩlaa a dɛnnɛ Nɩɩ-la sɩ hɔŋ kuoru kpasa-la nyuŋ, Nɩɩ-la sɩ hɛ nɩmɛ a kaa mʋ wuu,

Jɔɔŋ Wʋnaalaa 5:14

Ŋɩɩ nɛ kɩalɩŋ banɛsɛ-la sɩ weye bʋl, “Amɩɩ.” Ŋɩɩ nɛ nɩhɩasɩ-la tuu kpirimi a chʋɔlɛ Wɩa.

Jɔɔŋ Wʋnaalaa 6:8

Ŋɩɩ nɛ mɩ beŋ a na jaaba dɩ nʋʋ hɔŋ ʋ nyuŋ. Jɔɔ-la fa ŋaa kʋbʋgʋ nɛ. Nɩɩ-la sɩ hɔŋ ʋ nyuŋ yɩrɩŋ nɛ sʋʋŋ, ka lɛlɛɛ-jaŋ tuto ʋ harɩŋ. Ŋɩɩ nɛ Wɩa pɩba doluŋ dɩ ba kpʋ nuhuobiinee kala sɩ hɛ dʋnɩa sɛsɩ-la banɛsɛ dɔŋɔ. Ba jaŋ kɛŋ tokobii-la a kpʋ dɔnsʋŋ, dɩ losuŋ ma kpʋ dɔnsʋŋ, ka dɩ nyanyalaa arɩ baga kɩaa ma kpʋ dɔnsʋŋ.

Jɔɔŋ Wʋnaalaa 9:1

Ŋɩɩ nɛ Wɩa tɩndaarɩ-nɔŋ-la ma ŋmʋʋ ʋ nyile. Ʋ sɩ ŋmʋʋ ŋɩɩ, mɩ na chɛnwʋlʋŋ dɩ ʋ lɩɩ wɩa-nyuŋ a kʋ tuu tel tinteeŋ. Ba joŋ buotuo luŋuŋ boribiiŋ pʋ.

1 SAMƲƐL 2:6

La TƖƖNA nɛ leŋe nɩaa sʋsʋʋ. Ʋ nɩɩ pɩ nɩaa mɩɩsɩŋ ma. Ʋ nɛ yie leŋ nɩaa sʋʋ a mʋ lɛlɛɛ-jaŋ, aŋ bɩra chɩsɛba ba kɛŋ mɩɩsɩŋ.