Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔɔŋ Wʋnaalaa 1:17 - WƖA TENIŊ

17 Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.

အခန်းကိုကြည့်ပါ။ ကော်ပီ




Jɔɔŋ Wʋnaalaa 1:17
30 ပူးပေါင်းရင်းမြစ်များ  

Ʋ ŋɩɩ harɩŋ nɛ Wɩa bʋl wɩaa a pɩ Abɩram arɩ duosoo tʋɔŋ. Ʋ sɩ, “Abɩram, sɩ́ leŋe dɩ fawʋllʋŋ kɛnɩŋ. Mɩ nɛ jaŋ chu tɔ ŋ lɛ, ŋ time jaŋ yʋgɛ.”


Ŋ hɛ mɩ sɛmɛ na-kala nɛ aa pɔmɛ arɩ ŋ doluŋ.


Ŋɩɩ nɛ Mosis bʋla pɩ nɩalɩŋ, “Má sɩ́ leŋe dɩ fawʋllʋŋ kɛmma. Má nyɩrɛ bɔyɛ. Ma jaŋ na ŋɩɩ La TƖƖNA sɩ jaŋ laama ta jɩnɩŋ. Ijipiti tɩmma-la ma sɩɩ na jɩnɩŋ, ma maachie bɩra bɩ jaŋ naba.


Ŋɩɩ nɛ Mosis bʋla pɩba, “Má sɩ́ leŋe dɩ fawʋllʋŋ kɛmma, Wɩa kɔ dɩ ʋ magɩsɛma a na nɛ dɩ ma fɩfáʋ a sɩ́ wʋbɔŋ wɩaa ŋaa.”


Ŋɩɩ nɛ La TƖƖNA bɩra bʋl, “Mɩ nɛ ŋaa ŋ naabalɩmaba Abɩraham, Aɩzɩk arɩ Jekɔb Wɩa.” Mosis sɩ nɩɩ wɩaa deemba, ʋ kɛŋ ʋ sɩaa kaa faa, bɛɛ wɩaa fawʋllʋŋ kɛnʋ nɛ, ʋ bɩ cho dɩ ʋ beŋ Wɩa.


Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.


Kʋbɛɛ nɛ leŋe wɩaa deemba kala ŋaa? Dɩ-suomuŋ kala, kʋbɛɛ nɩɩ beŋ nuhuobiinee doho wʋkɛnɛɛ nyuŋ? Mɩ-na ma TƖƖNA nɛ fa hɛ nɩmɛ dɩ-suomuŋ kala, mɩ saa jaŋ hɛ nɩmɛ a kaa mʋ dɩdɛrɩŋ.”


La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.


Má jegile nɩɩ mɩ teeŋ Iziral tɩmma, ma Jekɔb doho nɩaa, ma nɛ ŋaa nɩalɩŋ mɩ sɩ lɩɩsa. Mɩ-na nɛ Wɩa. Mɩ nɛ dɩ-suomuŋ arɩ dɩ-dɛrɩŋ.


Mɩ sɩ yɩrɩŋ, ŋ kʋ kpagɛmɛ nɛ, a bʋla pɩmɛ, “Sɩ́ fawʋllʋŋ fá.”


Duoŋ-sɩa sɩ yie nagɛ ŋɩɩ duoŋ-bɩlɩmbaanaa tʋɔŋ, ŋɩɩ nɛ tʋla ma fa nagɛ a golli kʋ-la. Pʋlʋŋ-la sɩ dagɛ La TƖƖNA tʋla nɛ ŋɩɩ. Mɩ fa sɩ naʋ, mɩ kɛŋ sɩaa chu tinteeŋ, aŋ nɩɩ nʋʋ sɩɩ bʋl wɩaa.


Ŋɩɩ nɛ ʋ bɩra bʋl, “Danɩɛl, sɩ́ fawʋllʋŋ fá. Tapʋl-bumbuŋ-la ŋ sɩ joŋ ŋ nyuŋ hɛ dɩ ŋ jɩŋ wɩalɩŋ sɩaa a kɛŋ ŋ tɩtɩa muuri Wɩa sɩpaaŋ ŋɩɩ, ʋ laa ŋ sʋla nɛ a tɩmmɛ dɩ mɩ kʋ bʋl wɩalɩŋ ŋ sɩɩ chɛ a pɩŋ.


Ʋ fa ha sɩɩ bʋl wɩɩŋ deeŋ mɩ teeŋ ŋɩɩ, mɩ kɛŋ mɩ sɩaa chu tinteeŋ a bɩ wɩaa wuo bʋl.


Mɩ nɩɩ wɩaa deemba kala nɛ a chichel, mɩ niipinee ŋmuŋmoo dɔŋɔ, mɩ yaraa kala sʋʋ, mɩ naasɩŋ chichel. Ama mɩ jaŋ dii kenyiri aŋ gbɛrɛ tapʋlɩɩ-la wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.


Ŋɩɩ nɛ Yesu guu bʋla pɩba, “Má nyɩrɛ bɔyɛ. Mɩ-na nɛ. Má sɩ́ leŋe dɩ fawʋllʋŋ kɛmma.”


Laalɩyuoro-la fa sɩ pɔ bʋa-la, fawʋllʋŋ kɛmba, ba chel a kpaŋa chɩŋ a nagɛ ba sʋba.


Ŋɩɩ nɛ Wɩa tɩndaarʋ-la bʋla pɩ haala-la sɩ hɛ nɩmɛ, “Má sɩ́ fawʋllʋŋ fá. Mɩ jɩma arɩ Yesu nɛ maa chɛ, nɩɩ-la ba sɩ kpaasa mɛrɛ daagɛsɛ nyuŋ.


Yesu harɩ-tooro-la tʋɔŋ nɩɩ-la ʋ fa sɩ cho nɛ fa hɔnɔ kpagʋ.


Ŋɩɩ nɛ Pɩɩta daasɛ harɩŋ a na Yesu harɩ-tooru-la Yesu fa sɩ cho woruŋ, nɩɩ-la fa sɩ sʋʋsa mʋ kpagɛ Yesu bʋa-la lɛ ba fa sɩɩ dii dɩɩsɩŋ kiele bal gbiele-la kʋdiilee, a fa pɩɛsʋ, “Mɩ Tɩɩna, kʋbɛɛ nɩɩ chɛ dɩ ʋ joŋuŋ yallɛ?”


Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”


Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ


La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”


Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Sɩmɩɩna lɛ. Wɩaa deemba lɩɩ mɩ-na Nɩɩ-la fa sɩ hɛ nɩmɛ bumbuŋ kala teeŋ nɛ, aŋ ha jaŋ hɛ nɩmɛ dʋnɩa dɩdɛrɩŋ. Mɩ sʋba nɛ, aŋ bɩra sii sʋʋŋ lɛ.


Mɩ nɛ ŋaa Alɩfa arɩ Omega, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ. Mɩ nɛ ŋaa dɩ-suomuŋ, mɩ nɛ ŋaa dɩdɛrɩŋ ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ