Jɔɔŋ Wʋnaalaa 1:16 - WƖA TENIŊ

¹⁶ Ka ʋ kori chɛnwʋlaa balɩpɛ ʋ nadiiŋ nɩsɩŋ lɛ, tokobiiŋ lɩɩ ʋ niiŋ lɛ a kʋ lɩɩ. Ʋ niiriŋ balɩa kala didii nyagaga. Ka ʋ sɩaa kala tʋtʋl a nagɛ wɩɩpɔsʋŋ sɩ faasa pɔsɛ.

Jɔɔŋ Wʋnaalaa 1:16 ပူးပေါင်းရင်းမြစ်များ

JOB 38:7

ka chɛnwʋlaa yɩɩ yɩɩlaa hɛ dɔŋɔ chɛɛ-la sɩɩpʋʋraa, mɩ tɩndaaraa ma ŋaa goŋ arɩ tʋɔtɔrʋŋ?

WƖA YƖƖLAA 45:3

Laalɩyuori babiibal, joŋ ŋ tokobiiŋ gɩrɩgɛ, ŋ ŋaa nɩbal nɛ a kɛŋ yɩrɩŋ.

SOLOMOŊ YƖƖL-SƖMƖŊ 6:10

Kʋbɛɛ nɩɩ tʋl ŋ-la, a nagɛ taŋ sɩ pʋlaa kɔ, a pʋllɛ a nagɛ chɛnɛ, a chaanɛ a nagɛ wɩɩpɔsʋŋ, a gigenni a nagɛ laalɩyuoroo sɩ kori jɔnjɔmba kɩɛla vɩvɛŋ?

AZAAYA 11:4

Tʋɔpʋla nɛ ʋ jaŋ kaa dii nɩalɩŋ sɩ bɩ ba tɩtɩa lɛ wuo pɛ sarɩya, wʋtɩtɩɩ nɛ ʋ jaŋ kaa dii summoo sarɩya a chɩŋ ba harɩŋ. Ʋ jaŋ leŋ dɩ ba dɔgɩsɛ nɩalɩŋ sɩ ŋaa wɩaa chei, aŋ kpʋ nɩalɩŋ sɩ ŋaa nɩbɔŋŋɔɔ.

AZAAYA 24:23

La TƖƖNA doluŋ kala Tɩɩna jaŋ bibeŋ peel-la ba sɩɩ yɩrɛ Zaayɔŋ nɩaa arɩ Jerusalɛm nɩaa kala. Ʋ jaŋ ŋmoo chɛnɛ pʋlʋmʋŋ arɩ wɩɩpɔsʋŋ pʋlʋmʋŋ a hɛ pɛgɛ lɛ, ka dɩ ʋ nɩhɩasɩŋ na ʋ tʋla.

AZAAYA 49:2

Ʋ leŋe mɩ niiŋ wɩaa kɛŋ niiŋ a nagɛ tokobiiŋ nɛ. Ʋ kɛmmɛ faa ʋ vaaluŋ bʋbʋɔŋ nɛ. Ʋ chɛsɛmɛ nɛ a nagɛ ba sɩ chɛsɛ to-hɛmɩŋ a joŋo hɛ ʋ to-huoŋ lɛ.

DANƖƐL 12:3

Nɩalɩŋ sɩ kɛŋ wʋjɩmɩŋ jaŋ tʋtʋl a nagɛ wɩa-nyuŋ kɩaa. Nɩalɩŋ ma sɩ dagɛ nɩaa ba joŋ tʋɔpʋla wombiiŋ jaŋ nagɛ chɛnwʋlaa a kaa mʋ wuu.

DANƖƐL 8:10

Nyil-bie-la waa ŋɩɩ nɛ halɩɩ a jɩla yi wɩa-nyuŋ a yigi wɩa-nyuŋ kɩaa arɩ chɛnwʋlaa dɔnsʋŋ lo tinteeŋ a nʋɔsɛba.

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Matiu 17:2

Nɩmɛ nɛ Yesu bɩrɩmɛ ba sɩpaaŋ. Ʋ sɩaa kala tʋtʋl a nagɛ wɩɩpɔsʋŋ sɩɩ tʋl ŋɩɩ. Ʋ gɛnnɩŋ ma pʋllɛ a tʋtʋl.

Tɩntɩŋŋaa 26:13

Mɩ sɩɩ mʋ wombiiŋ lɛ mɩ nyɩna, arɩ wɩɩ-hɛɛ-siesee mɩ na pʋlʋmʋŋ dɩ ʋ lɩɩ wɩa-nyuŋ a chaana hɛ mɩ dɩ nɩalɩŋ fa sɩɩ vɛŋ lɛ. Ʋ pʋlla kɩɩ wɩɩpɔsʋŋ.

Ɛfɛsɩs Nɩaa 6:17

Wɩa sɩ laama ta ŋɩɩ, ʋ maga dɩ ʋ nagɛ hɔɔŋ nyuŋ-chu-gbaŋkogo nɛ ma joŋo chu, aŋ joŋ Wɩa Dɩŋ-zɔmʋŋ tokobiiŋ a kori. Tokobii-la nɛ ŋaa Wɩa niiŋ wɩaa.

Hiburu TƖŊŊAA 4:12

Wɩa niiŋ wɩaa weye a kɛŋ niiŋ a kɩɩ tokobiiŋ niiriŋ balɩa kala sɩɩ dii nyagaga. Ʋ yie wuo tɔɔ jʋʋ nuhuobiine, a kɛŋ ʋ dɩma arɩ ʋ mɩɩsɩŋ kaa pɔrɛ dɔŋɔ lɛ. Ʋ yie wuo jɩŋ nuhuobiine tʋɔŋ arɩ ʋ tʋɔbɩɩnaa kala.

Jɔɔŋ Wʋnaalaa 1:20

Wʋkpuŋkpere-la ŋ sɩ na a mʋ tɩgɛ chɛnwʋla-la balɩpɛ ŋ sɩ na mɩ na-diiŋ lɛ arɩ chaaŋ daasɩ-la balɩpɛ bʋbʋɔŋ nɛ: Chɛnwʋlaa balɩpɛ-la nɛ ŋaa Wɩa tɩndaara-la sɩɩ beŋ nɩalɩŋ sɩ laa Yesu wɩaa dii a hihilimi a hɛ tasɩ-la balɩpɛ-la sɩ hɛ Esia tinteeŋ lɛ. Chaaŋ daasɩ-la balɩpɛ nɛ ŋaa nɩalɩŋ sɩ laa Yesu wɩaa dii a hihilimi tasɩŋ balɩpɛ-la sɩ hɛ Esia tinteeŋ lɛ.

Jɔɔŋ Wʋnaalaa 10:1

Ŋɩɩ nɛ ka mɩ bɩra na Wɩa tɩndaarɩ-duo kʋbala dɩ ʋ lɩɩ Wɩa-jaŋ a kʋʋ tuu. Duoŋ-bɩlɩmbaanaa tɔʋ kala, ka duoŋ-sɩa chugili ʋ nyuŋ lɛ. Ʋ sɩaa tʋtʋl a nagɛ wɩɩpɔsʋŋ. Ʋ naasɩŋ ma nagɛ jebiee sɩɩ dii nyiniŋ.

Jɔɔŋ Wʋnaalaa 12:1

Ŋɩɩ nɛ kʋkpuŋkpere kʋbala kʋ lɩɩ wɩa-nyuŋ. Kʋkpuŋkpere-la nagɛ haal nɛ a joŋ wɩɩpɔsʋŋ a laalɛ, a nagɛ nɩaa sɩɩ laalɛ gɛnnɩŋ ŋɩɩ. Ka chɛnɛ ma hɛ ʋ naasɩŋ bʋbʋɔŋ, aŋ ka ʋ chu kuori-nyunchuuluŋ. Nyunchuulo-la, chɛnwʋlaa fii arɩ balɩa nɛ ba kaa ŋaa.

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.

Jɔɔŋ Wʋnaalaa 19:21

Nɩɩ-la sɩ jɩl jɔɔ-la kɛŋ tokobii-la sɩ lɩɩ ʋ niiŋ lɛ kaa kpʋ nɩkaanaa. Diibiisiŋ lorigi ba nampɩlɩŋ kala.

Jɔɔŋ Wʋnaalaa 2:1

Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.

Jɔɔŋ Wʋnaalaa 2:12

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Pɛgamɔm lɛ. Mɩ-na nɩɩ-la sɩ kori tokobiiŋ niiriŋ balɩa kala sɩɩ dii nyagaga nɩɩ bʋl wɩaa deemba.

Jɔɔŋ Wʋnaalaa 2:16

Ŋɩɩ wɩaa, má bɩrɩma lɩɩ wɩalɩŋ lɛ, dɩ ŋɩɩ dee mɩ jaŋ kɔ lɛɛlɛ a kɛŋ mɩ niiŋ wʋbʋlaa sɩ nagɛ tokobiiŋ, a yuoma.

Jɔɔŋ Wʋnaalaa 3:1

Bɩra ŋmʋnsɛ wɩaa deemba a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Saadɩs lɛ. Bʋla pɩba: Mɩ-na Nɩɩ-la sɩ kori Wɩa Dɩnsɩŋ balɩpɛ-la aŋ pɛ kɛŋ chɛnwʋlaa balɩpɛ-la nɛ bʋl wɩaa deemba pɩba. Mɩ jɩŋ ma Saadɩs nɩaa tɩntɩŋŋaa kala nɛ. Ma laa yɩrɩŋ arɩ ma weye nɛ, ama ma sʋba nɛ.

SƖPAALAARAA 3:16

Ehud fa libi tokobiiŋ sɩ kɛŋ niiriŋ balɩa nɛ. Ʋ duomuŋ ŋaa naakieliŋ kpaa magɛ dɔŋɔ. Ʋ joŋo vɔɔ mɛrɛ ʋ nadiiŋ naapuiŋ lɛ, gɛrɩŋ bʋbʋɔŋ.

SƖPAALAARAA 5:31

La TƖƖNA, a leŋ dɩ ŋ dʋndɔŋŋɔɔ kala sʋʋ a nagɛ Sɩsɛra, aŋ leŋ dɩ nɩalɩŋ sɩ choŋ chaanɛ a nagɛ wɩɩpɔsʋŋ.” Ŋɩɩ nɛ Iziral tɩŋŋaa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa.