Jɔɔŋ Wʋnaalaa 1:15 - WƖA TENIŊ

¹⁵ Ʋ naasɩŋ ma nagɛ kɔlɩɩŋ ba sɩ joŋo hɛ nyiniŋ lɛ ʋ fɩɛsɛ. Ʋ yikoro ma nagɛ lɩɩ-balɩŋ sɩɩ pɛllʋ gbul gbul.

Jɔɔŋ Wʋnaalaa 1:15 ပူးပေါင်းရင်းမြစ်များ

WƖA YƖƖLAA 93:4

Lɩɩ-pel-duoru-la faasa dʋdɔŋ nɛ woruŋ, ba dɔmɔ kɩkɩɩ lɩɩ-balaa sɩɩ dɔŋ, ama La Tɩɩna, ŋ nɛ kɛŋ doluŋ kɩɩba a bibeŋ kʋŋkala.

AZAAYA 17:13

Nɩalɩŋ dɔmɔ nagɛ lɩɩ-balaa sɩ gulimo a vɩvɛŋ nɛ, ama dɩ Wɩa nɛ kpɩa ba lɛ, ba yie pɩsɛ nɛ a fá mʋ dɩ-bolii, a nagɛ pel-vinvilimiŋ sɩ paa kʋŋkɔlʋŋ koo nɩsʋrʋŋ.

ƐZƖKƖƐL 1:24

Kɩalɩŋ fa sɩ file, mɩ nɩɩ ba kɩŋkɛnsɩŋ dɔmɔ, baa huuru a nagɛ lɩɩŋ sɩ faasa pɛllɛ a dʋdɔŋ nɛ, a bɩra nagɛ Wɩa doluŋ kala Tɩɩna yikoro, a bɩra nagɛ laalɩyuoroo sɩ yʋga a ŋɩŋaa goŋ. Dɩ ba nɛ chɩna, ba yie kɛŋ ba kɩŋkɛnsɩŋ kaa tuu nɛ.

ƐZƖKƖƐL 1:7

Ba naasɩŋ fa ŋaa tegi tegi nɛ, ba naachɛyɛɛ ma nagɛ nɛ-bie kɩaa, a tʋtʋl a nagɛ kɔlɩɩŋ.

ƐZƖKƖƐL 40:3

Ʋ kɛmmɛ mʋ kpagɛ lee-la, mɩ na baal kʋbala sɩɩ tʋl a nagɛ kɔlɩɩŋ. Ʋ fa chɩŋ boi-baalɩŋ niiŋ nɛ a kori gɛrɩpɛ fʋfʋlʋŋ ŋmɛnɩŋ arɩ daaŋ ba sɩ kaa mɩmagɩsɛ kɩaa duomuŋ.

ƐZƖKƖƐL 43:2

Mɩ na Iziral tɩŋŋaa Wɩa tʋla dɩ ʋ lɩɩ wɩɩpɔsʋŋ dɩɩrɩŋ kʋkɔ. Ʋ dɔmɔ nagɛ lɩɩŋ sɩ faasa pɛllɛ a dʋdɔŋ nɛ. Ʋ tʋla-la leŋ tinteeŋ kala tʋtʋl.

DANƖƐL 10:6

Ka ʋ yaraa tʋtʋl a nagɛ tabɩɩ-la ba sɩɩ yɩrɛ kirisola, ʋ sɩaa nagɛ taŋ sɩɩ lɩgɩsʋ, sɩɩ-biee ma nagɛ kapɩlɩŋ nyiniŋ, ʋ nɩsaa arɩ ʋ naasɩŋ tʋtʋl a nagɛ kɔlɩɩŋ ba sɩ kɛŋ nʋʋŋ laarɛ, ka ʋ yikoro ma nagɛ nɩ-daŋ sɩɩ ŋaa goŋ.

Jɔɔŋ Wʋnaalaa 10:1

Ŋɩɩ nɛ ka mɩ bɩra na Wɩa tɩndaarɩ-duo kʋbala dɩ ʋ lɩɩ Wɩa-jaŋ a kʋʋ tuu. Duoŋ-bɩlɩmbaanaa tɔʋ kala, ka duoŋ-sɩa chugili ʋ nyuŋ lɛ. Ʋ sɩaa tʋtʋl a nagɛ wɩɩpɔsʋŋ. Ʋ naasɩŋ ma nagɛ jebiee sɩɩ dii nyiniŋ.

Jɔɔŋ Wʋnaalaa 14:2

Ŋɩɩ nɛ mɩ nɩɩ dɔmɔ kʋbala Wɩa-jaŋ a nagɛ lɩɩŋ sɩɩ pɛllʋ gbul gbul, a bɩra nagɛ duonuŋ sɩɩ kpɩa. Dɔmɔ-la fa bɩra nagɛ cheŋ-duuroo sɩɩ du chenniŋ nɛ.

Jɔɔŋ Wʋnaalaa 19:6

Ŋɩɩ nɛ mɩ bɩra nɩɩ nɩ-daŋ goŋ. Goŋ-la fa nagɛ fuo-balaa sɩɩ pɛllʋ nɛ gbul gbul. Ʋ bɩra nagɛ duonuŋ sɩɩ kpɩa ŋmana ŋmana aŋ pɛ lɩlɩgɩsɛ. Ŋɩɩ nɛ yikoro-la heele bʋl, “Haleluya, La Tɩɩna Wɩa doluŋ kala Tɩɩna dii ʋ kuoruŋ nɛ.

Jɔɔŋ Wʋnaalaa 2:18

Bɩra ŋmʋnsɛ wɩaa deemba nɛ a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Taataya lɛ. Mɩ-na Wɩa Bie nɛ bʋl wɩaa deemba. Mɩ sɩaa nagɛ nyiŋgeliŋ nɛ, ka mɩ naasɩŋ ma nagɛ kɔlɩɩŋ ba sɩ chɛsɛ ʋ faasa tʋtʋl.