14 Ʋ nyuŋ arɩ ʋ nyu-pʋnaa kala pʋllɛ a nagɛ kuŋkunuŋ, a pʋlla nagɛ bʋrʋŋ sɩ tɔ. Ʋ sɩaa kala nagɛ nyiŋgeliŋ.
Ka ʋ yaraa tʋtʋl a nagɛ tabɩɩ-la ba sɩɩ yɩrɛ kirisola, ʋ sɩaa nagɛ taŋ sɩɩ lɩgɩsʋ, sɩɩ-biee ma nagɛ kapɩlɩŋ nyiniŋ, ʋ nɩsaa arɩ ʋ naasɩŋ tʋtʋl a nagɛ kɔlɩɩŋ ba sɩ kɛŋ nʋʋŋ laarɛ, ka ʋ yikoro ma nagɛ nɩ-daŋ sɩɩ ŋaa goŋ.
Mɩ sɩ bene, mɩ na dɩ ba bil kuoru kpasɩnɩŋ. Nɩɩ-la sɩ hɛ nɩmɛ faafaa kala hɔŋ ʋ kuoru kpasa nyuŋ. Ʋ gɛnnɩŋ fa pʋlla nɛ a nagɛ kuŋkunuŋ. Ʋ nyu-pʋnaa ma pʋllɛ a nagɛ pie-pʋnaa. Ʋ kuoru kpasa-la faa chol nyiniŋ nɛ, ʋ gɩrɩŋgɩrɩmba kala ŋaa nyiŋgeliŋ.
Ʋ sɩaa nagɛ duonuŋ sɩ lɩgɩsa nɛ, aŋ ka ʋ gɛnnɩŋ pʋllɛ kpʋl kpʋl.
Ʋ sɩaa kala chuchol a nagɛ nyiŋgeliŋ, aŋ ka ʋ chu kuori-nyunchuuluŋ a yʋgɛ. Ba ŋmʋnsɛ yɩrɩŋ hɛ ʋ lɛ, ama nʋʋkala bɩ yɩrɩ-la jɩŋ, see ʋ tɩtɩa.
Bɩra ŋmʋnsɛ wɩaa deemba nɛ a pɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi taŋ-la ba sɩɩ yɩrɛ Taataya lɛ. Mɩ-na Wɩa Bie nɛ bʋl wɩaa deemba. Mɩ sɩaa nagɛ nyiŋgeliŋ nɛ, ka mɩ naasɩŋ ma nagɛ kɔlɩɩŋ ba sɩ chɛsɛ ʋ faasa tʋtʋl.