NƐHƖMAAYA 9:8 - WƖA TENIŊ

⁸ Ŋ na dɩ ʋ kɛŋ wʋtɩtɩɩ nɛ ŋ teeŋ, ŋɩɩ nɛ ŋ hɛ niiŋ ŋ dɩ ʋ pɛgɛ arɩ ŋ jaŋ joŋ nɩaa deemba tinteeŋ a pɩ ʋ doho nɩaa: Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Jebus tɩŋŋaa arɩ Gɩgasɩ tɩŋŋaa. Ŋ kɛŋ nii-la ŋ sɩ hɛ kaa tɩŋ nɛ, bɛɛ wɩaa ŋ ŋaa tʋɔpʋl Tɩɩna nɛ.

NƐHƖMAAYA 9:8 ပူးပေါင်းရင်းမြစ်များ

WƖAA DƖ-SUOMUŊ 12:7

Ŋɩɩ nɛ La TƖƖNA kɛŋ ʋ tɩtɩa dagɛ Abɩram, aŋ bʋla pʋ, “Mɩ jaŋ joŋ tinteeŋ deeŋ a pɩ ŋ dɩ ŋ doho nɩaa.” Ŋɩɩ nɛ Abɩram saa Wɩɩsʋllɩ koruŋ a pɩ La TƖƖNA, lee-la ʋ sɩ kɛŋ ʋ tɩtɩa dagʋ.

WƖAA DƖ-SUOMUŊ 15:6

Abɩram laa wɩalɩŋ kala La TƖƖNA sɩ bʋla pʋ dii nɛ. Ŋɩɩ nɛ tɩɩ Wɩa joŋu arɩ ʋ ŋaa tʋɔpʋl tɩɩna nɛ.

WƖAA DƖ-SUOMUŊ 22:12

Ŋɩɩ nɛ Wɩa tɩndaarʋ-la bʋla pʋ, “Sɩ́ bile wɩɩkala ŋaa. Lɛɛlɛ mɩ jɩma ŋ fá Wɩa nɛ a laaʋ dii, bɛɛ wɩaa ŋ bɩ ʋ nii-la vɩa ʋ sɩ sɩ ŋ kɛŋ ŋ bii-bala-la kpʋ a nyɩga pʋ.”

2 SAMƲƐL 22:31

Mɩ Wɩa, ŋ wombiiŋ chaasa zɔŋ nɛ, ʋ wɩaa ma tʋʋlɛ. Ŋ nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ nɛ a chu tɔ nɩalɩŋ sɩ kʋ yuoruŋ.

1 IZIRAL TƖŊŊAA NAABARƖŊ 1:14

Jebus tɩŋŋaa, Amɔrɩ tɩŋŋaa, Gɩgasɩ tɩŋŋaa,

1 IZIRAL TƖŊŊAA NAABARƖŊ 16:16

nii-la ʋ sɩ bile ʋ dɩ Abɩraham arɩ Aɩzɩk pɛgɛ.

ƐZƖRA 9:15

La TƖƖNA Iziral tɩŋŋaa Wɩa, ŋ ŋaa tʋɔpʋl Tɩɩna nɛ. Ŋ leŋe la dɔnsʋŋ ka nɛ a bɩ sʋba. La kɔ ŋ sɩpaaŋ nɛ arɩ la cheeriŋ, arɩ la sɩ jɩma arɩ la bɩ wombiiŋ kɛnɛ dɩ la kɔ ŋ sɩpaaŋ ma kala.”

NƐHƖMAAYA 9:33

Wɩalɩŋ kala sɩ ŋaa la lɛ, ŋ to wʋtɩtɩɩ lɛ nɛ ka la-na bɩ woruŋ ŋaa.

WƖA YƖƖLAA 116:5

La Tɩɩna ka fá nɩaa nisusuŋ nɛ, ʋ tʋɔŋ pʋlla. La Wɩa ka fá nɩaa nenige.

MOSIS KƐŊ IZIRAL TƖŊŊAA LƖƖ 3:17

Ŋɩɩ nɛ mɩ sɩ mɩ jaŋ lɩɩsɛma hɛɛŋ deeŋ lɛ Ijipiti tinteeŋ lɛ a kɛmma mʋ Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteeŋ, tintee-la sɩ sɩma a kɛŋ kɩaa woruŋ.’

MOSIS KƐŊ IZIRAL TƖŊŊAA LƖƖ 3:8

Ŋɩɩ nɛ mɩ kʋ tuu dɩ mɩ laaba ta Ijipiti tɩmma-la nɩsɩŋ lɛ, a lɩɩsɛba tintee-la lɛ a kaa mʋ tintee-la sɩ zɔmɔ a kɛŋ kʋdiilee aŋ pɛ jal ma. Mɩ jaŋ joŋ Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteyee a pɩba.

ƐZƖKƖƐL 33:24

“Nuhuobiiŋ, nɩalɩŋ sɩ hɛ Iziral jikpeeniŋ lɛ ka bʋl, ‘Abɩraham fa ŋaa nɩbala nɛ, aŋ tɩɩ tintee-la. Ama la nɛ paala yʋgɛ, ŋɩɩ wɩaa tintee-la ŋaa la kʋŋ nɛ.’

NAMBABA 13:29

Amalɛk tɩŋŋaa nɛ hɔŋ Nɛgɛf tinteeŋ lɛ, ka Hiti tɩŋŋaa, Jebus tɩŋŋaa arɩ Amɔrɩ tɩŋŋaa hɔŋ tintee-la peelee sɩ yʋga lɛ, ka Kɛnaŋ tɩŋŋaa ma hɔŋ a kpagɛ mʋgʋ-bal-la ba sɩɩ yɩrɛ Mediterenia arɩ Jɔdaŋ fuo-la niiŋ.”

NAMBABA 23:19

Wɩa bɩ nuhuobiinee naga a nyɩnyɩɛ wɩaa koo a kɛŋ ʋ tʋɔbɩɩnaa a bɩbɩrɩmɛ. Dɩ ʋ nɛ bʋl wɩɩ, ʋ yie sɛnɛ ŋaa wɩɩ-la nɛ, dɩ ʋ nɛ hɛ niiŋ arɩ ʋ jaŋ ŋaa wɩɩ ma, ʋ yie sɛnɛ ŋaa nɛ.

Tɩntɩŋŋaa 13:22

Ŋɩɩ nɛ Wɩa kiri Sɔɔl kuoruŋ lɛ aŋ ŋaa Devit dii kuoruŋ. Ʋ bʋl wɩaa a tɩgɛ Devit lɛ a bʋl, ‘Jesi nanʋala Devit nɛ ŋaa mɩ tʋɔtɔrʋ nɩa. Ʋ jaŋ ŋaa wɩɩkala mɩ sɩɩ chɛ dɩ ʋ ŋaa.’

MOSIS BƖRA WULLI WƖA WOMBIIŊ 26:3

Má bʋla pɩ Wɩɩsʋllɩ sɩpaalaara sɩ hɛ nɩmɛ aa tɩŋ tɩntɩŋŋaa bʋa-la lɛ, “Jɩnɩŋ mɩɩ chɛ dɩ mɩ dagɛ a pɩ mɩ Tɩɩna Wɩa arɩ mɩ jʋʋ tintee-la ʋ fa sɩ hɛ niiŋ pɩ la naabalɩmaba arɩ ʋ jaŋ joŋo pɩla nɛ.”

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

MOSIS BƖRA WULLI WƖA WOMBIIŊ 7:1

Ma TƖƖNA Wɩa jaŋ kɛmma jʋʋ tintee-la ʋ sɩɩ chɛ ʋ joŋo pɩma dɩ ʋ ŋaa ma kʋŋ, a kiri tintee-wogusuŋ deemba balɩpɛ nɩaa sɩ kɛŋ doluŋ a kɩɩma a yʋgɛ kɩɩma ma sɩ hɛ tintee-la lɛ: Hiti tɩŋŋaa, Gɩgasɩ tɩŋŋaa, Amɔrɩ tɩŋŋaa, Kɛnaŋ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa.

MOSIS BƖRA WULLI WƖA WOMBIIŊ 9:5

Ma tʋɔpʋla arɩ ma wʋtɩtɩɩ wɩaa dee bɩ tɩɩ ma TƖƖNA Wɩa kiri nɩalɩŋ ŋɩɩ. Ba paala ŋaa tinteye nɩaa sɩ ŋaa nɩbɔmɔ nɛ. Aŋ ka ʋ chɩchɛ dɩ nii-la ʋ sɩ hɛ pɩ ma naabalɩmaba Abɩraham, Aɩzɩk arɩ Jekɔb dɩ ʋ chɩŋ.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

Hiburu TƖŊŊAA 11:17

Abɩraham fa laa Wɩa wɩaa dii nɛ, Wɩa magɩsʋ a bʋl dɩ ʋ kɛŋ ʋ bie Aɩzɩk a kpʋ a ŋaa Wɩɩsʋlʋŋ pʋ. Abɩraham, nɩɩ-la Wɩa sɩ hɛ niiriŋ pa, sɛɩ a kɛŋ ʋ tɩtɩa hɛ dɔŋɔ a kɛŋ Aɩzɩk, ʋ bie kala dɩ ʋ kpʋ a ŋaa Wɩɩsʋlɩɩ-la.

Hiburu TƖŊŊAA 6:18

Wɩa saa ŋaa wɩaa balɩa nɛ. Ʋ sɩ wuo bʋl wɩɩ-la aŋ pɛ ŋmɩɛsɛ ŋɩɩ, wɩaa deemba balɩamɩŋ bɩra bɩ jaŋ kɔ dɩ ba bɩrɩma, bɛɛ wɩaa Wɩa bɩ wɩaa nyɩɛ. Ŋɩɩ wɩaa, la nɩalɩŋ sɩ fá mʋ Wɩa teeŋ dɩ ʋ laala ta nyuŋ nyaasɛ nɛ dɩ la kɛŋ yɩɛlaa woruŋ a mʋ tɩgɛ wɩalɩŋ Wɩa sɩ sɩ ʋ jaŋ ŋaa pɩla lɛ.

JOSUA 11:23

Josua laa tintee-la kala nɛ, arɩ La TƖƖNA fa sɩ dagɛ Mosis ŋɩɩ, a kaa kpaa a pɩ Iziral tɩŋŋaa doho doho-la ʋ ŋaa ba kʋŋ. Ŋɩɩ nɛ tintee-la nɩaa saa wiesi laalɩŋ lɛ.

JOSUA 11:3

Ʋ fa bɩra bʋla pɩ Kɛnaŋ tɩŋŋaa sɩ hɛ wɩɩpɔsʋŋ arɩ wɩɩjʋʋlʋŋ arɩ Amɔrɩ tɩŋŋaa, Hiti tɩŋŋaa, Pɛrɛs tɩŋŋaa arɩ Jebus tɩŋŋaa sɩ hɛ tintee-la peelee sɩ yʋga lɛ, arɩ Hivi tɩmma-la sɩ hɔŋ peel-la ba sɩɩ yɩrɛ Hɛmɔŋ bʋbʋɔŋ, a hɛ Mɩzɩpa tinteeŋ lɛ.

JOSUA 23:14

Lɛɛlɛ, bʋa-la mɩ sɩ jaŋ sʋʋ yie nɛ. Ma kʋŋkala jɩma ma tʋɔŋ lɛ arɩ wʋzɔmɔ-la kala, Ma TƖƖNA Wɩa fa sɩ hɛ niiŋ arɩ ʋ jaŋ ŋaa pɩma, ba kala nɛ ʋ ŋaa. Ʋ bɩ ba kʋŋkala kere ta.

JOSUA 9:1

Bʋa-la lɛ kuorie-la kala sɩ hɛ Jɔdaŋ fuo-la wɩɩjʋʋlʋŋ dɩɩrɩŋ, kɩalɩŋ sɩ hɛ dundolluŋ arɩ fuonaasɩŋ arɩ mʋgʋ-bal-la niiŋ a kɛŋ ŋɩɩ mʋ yi Lɛbanɔŋ, ba nɩa arɩ Iziral tɩŋŋaa yuo dii Jeriko arɩ Aɩ. Kuorie-la ŋaa Hiti tɩŋŋaa, Amɔrɩ tɩŋŋaa, Kɛnaŋ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa kuoroo nɛ.

1 Jɔɔŋ 1:9

Ama dɩ la nɛ sɛyɛ arɩ la ŋaa wʋbɔŋŋɔɔ nɛ a dagɛ la wʋbɔmɔ-la a pʋ, Wɩa kɛŋ wʋtɩtɩɩ, ʋ jaŋ wuo joŋ la wʋbɔŋŋɔɔ a chɛla a chɛsɛ la wʋbɔŋŋɔɔ kala ta.