NƐHƖMAAYA 9:6 - WƖA TENIŊ

⁶ “Ŋ dʋndʋŋa nɛ ŋaa La TƖƖNA. Ŋ nɛ ŋaa wɩa-nyuŋ arɩ chɛnwʋlaa arɩ kɩalɩŋ kala sɩ hɛ ba lɛ. Ŋ nɛ ŋaa tinteeŋ arɩ kɩalɩŋ kala sɩ hɛ ʋ lɛ, a pɛ mʋgʋ-balɩŋ arɩ kɩalɩŋ kala sɩ hɛ ʋ lɛ. Ŋ nɛ pɩ kʋŋkala mɩɩsɩŋ, Wɩa-jaŋ kɩaa kala ziziliŋ.

NƐHƖMAAYA 9:6 ပူးပေါင်းရင်းမြစ်များ

WƖAA DƖ-SUOMUŊ 1:1

Dɩ-suomuŋ Wɩa ŋaa wɩa-nyuŋ arɩ tinteeŋ nɛ.

WƖAA DƖ-SUOMUŊ 1:9

Ŋɩɩ nɛ Wɩa bʋl, “Leŋ dɩ lɩɩŋ kala sɩ hɛ bʋbʋɔŋ kʋ hɛ dɔŋɔ lɛ aŋ ka tintee-hɩlɩŋ,” ŋɩɩ nɛ ʋ ŋaa.

WƖAA DƖ-SUOMUŊ 2:1

Ŋɩɩ nɛ ʋ ŋaa tinteeŋ arɩ wɩa-nyuŋ arɩ kɩalɩŋ kala sɩ hɛ ba lɛ dɛrɛ.

WƖAA DƖ-SUOMUŊ 32:2

Jekɔb sɩ naba, ʋ bʋl, “Daha nɛ Wɩa hɛ.” Ŋɩɩ nɛ ʋ hɛ lee-la yɩrɩŋ Mahanem.

1 KUOROO 22:19

Mɩkaaya bɩra bʋl, “Má jegile nɩɩ wɩɩ-la La TƖƖNA sɩ bʋla: Mɩ na La TƖƖNA dɩ ʋ hɔŋ ʋ kuoru kpasa nyuŋ, ka ʋ tɩndaaraa kala chɩna gollu, ʋ nadiiŋ arɩ ʋ nagʋa.

1 KUOROO 8:27

Ama Wɩa, ŋ sɛnɛ jaŋ hɛ dʋnɩa deeŋ lɛɛ? Wɩa-nyuŋ arɩ wɩa-nyuŋ balegi balegi ma paala bɩ jalɩa magɛ ŋ jʋʋnʋŋ. Ɛɛ nɛ saa ŋ jaŋ wuo jʋʋ dɩɩ-balɩŋ deeŋ mɩ sɩ saa tinteeŋ lɛ?

2 KUOROO 19:15

aŋ sʋlʋ, “La TƖƖNA, Iziral tɩŋŋaa Wɩa, ŋ sɩ hɔŋ ŋ kuoru kpasa-la sɩ hɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa pɛgɛ, ŋ dʋndʋŋa nɛ Wɩa, a bibeŋ tinteye-la kala sɩ hɛ dʋnɩa lɛ. Ŋ nɛ ŋaa wɩa-nyuŋ arɩ tinteeŋ.

2 KUOROO 19:19

La TƖƖNA Wɩa, laala ta Asiiria tɩŋŋaa nɩsɩŋ lɛ dɩ dʋnɩa kuoroo arɩ ba nɩaa kala jɩŋ arɩ ŋ dʋndʋŋa nɛ Wɩa.”

NƐHƖMAAYA 9:5

Ŋɩɩ nɛ Levi doho nɩaa deemba: Jesua, Kadɩmɩɛl, Banɩ, Hasabineya, Sɛrɛbɩa, Hodia, Sɛkanɩa arɩ Pɛtahɩa bʋla pɩ nɩalɩŋ, “Má sii chɩŋ a dɛnnɛ ma TƖƖNA Wɩa sɩ hɛ nɩmɛ a kaa mʋ deeŋ deeŋ. Má zil ʋ yɩrɩ-balɩŋ arɩ la sɩ bɩ jaŋ wuo zilu a magɛ ŋɩɩ sɩ maga ma kala.” Aŋ bɩra chʋɔlɛ Wɩa a bʋl,

WƖA YƖƖLAA 102:25

Dɩ-suomuŋ kala, ŋ nɛ bil tinteeŋ gentine, ŋ nɛ ŋaa wɩa-nyuŋ ma.

WƖA YƖƖLAA 103:21

Má dɛnnɛ La Tɩɩna, ma Wɩa tɩndaaraa kala sɩ ŋaa ʋ tɩntɩnnaa aa to ʋ niiŋ.

WƖA YƖƖLAA 115:15

A leŋ dɩ La Tɩɩna pɛ ma lɛ, ʋ nɛ ŋaa wɩa-nyuŋ arɩ tinteeŋ.

WƖA YƖƖLAA 124:8

La Tɩɩna nɩɩ pɛ la lɛ, ʋ nɛ ŋaa wɩa-nyuŋ arɩ tinteeŋ.

WƖA YƖƖLAA 146:6

La Tɩɩna nɛ ŋaa wɩa-nyuŋ, tinteeŋ, mʋgʋ-balɩŋ arɩ kʋŋ na-kala sɩ hɛ ba lɛ. Wɩa kɛŋ wʋtɩtɩɩ arɩ wɩalɩŋ kala ʋ sɩ bʋla lɛ nɛ a kaa mʋ wuu.

WƖA YƖƖLAA 24:10

Kʋbɛɛ nɛ ŋaa kuoru-balɩŋ deeŋ? Ʋ nɛ ŋaa La Tɩɩna, doluŋ kala Tɩɩna, ʋ nɛ ŋaa kuoru-balɩŋ.

WƖA YƖƖLAA 33:6

La Tɩɩna wʋbʋlaa lɛ nɛ wɩa-nyuŋ to a hɛ nɩmɛ. Ʋ wʋbʋlaa nɛ ŋaa kɩalɩŋ kala hɛ nɩmɛ.

WƖA YƖƖLAA 36:6

La Tɩɩna, ŋ tʋɔpʋla leŋie a magɛ peel-balaa nɛ, ŋ wʋtɩtɩɩ ma luŋ a magɛ mʋgʋ-balɩŋ. Ŋ nɩɩ beŋ nuhuobiinee arɩ pʋsʋŋ kala.

WƖA YƖƖLAA 86:10

Ŋ dʋndʋŋa nɛ Wɩa a kɛŋ doluŋ, a ŋɩŋaa wʋkpuŋkperisiŋ.

AZAAYA 37:16

“La TƖƖNA doluŋ kala Tɩɩna, Iziral tɩŋŋaa Wɩa, ŋ sɩ hɔŋ ŋ kuoru kpasa-la sɩ hɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa pɛgɛ, ŋ dʋndʋŋa nɛ Wɩa, a bibeŋ tinteye-la kala sɩ hɛ dʋnɩa lɛ. Ŋ nɛ ŋaa wɩa-nyuŋ arɩ tinteeŋ.

AZAAYA 37:20

La TƖƖNA Wɩa, laala ta Asiiria tɩŋŋaa nɩsɩŋ lɛ dɩ dʋnɩa kuoroo arɩ ba nɩaa kala jɩŋ arɩ ŋ dʋndʋŋa nɛ Wɩa.”

AZAAYA 43:10

La TƖƖNA sɩ, “Ma Iziral tɩŋŋaa nɛ ŋaa mɩ pɛ-naaraa arɩ nɩalɩŋ mɩ sɩ lɩɩsa ma ŋaa mɩ tɩntɩnnaa, dɩ ma wuo jɩmmɛ a laamɛ dii woruŋ arɩ mɩ dʋndʋŋa nɛ Wɩa. A lɩɩ mɩ harɩŋ, wɩa dɔŋ kala tuo. Kʋŋ ma dɔŋ saa bɩ jaŋ hɛ nɩmɛ dɩ mɩ dee.

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

AZAAYA 44:8

Má sɩ́ chel, má sɩ́ leŋe dɩ fawʋllʋŋ kɛmma. Mɩ bɩ bʋla pɩma faafaa kala wɩalɩŋ sɩ jaŋ ŋaa? Ma nɛ ŋaa mɩ pɛ-naaraa. Wɩa dɔŋ nɛ hɛ nɩmɛ a pɛ mɩ lɛɛ? Wɩa dɔŋ bɩra tuo.”

AZAAYA 45:12

Mɩ nɛ ŋaa tinteeŋ arɩ nuhuobiine kala sɩ hɛ dʋnɩa lɛ. Mɩ nɛ ŋaa wɩa-nyuŋ, a ŋaa wɩɩpɔsʋŋ arɩ chɛnɛ arɩ chɛnwʋlaa kala a leŋ ba chɩŋ lere-la ba sɩ chɩna.

JƐRƖMAAYA 32:17

“La TƖƖNA Wɩɩjarɩbakɔ, ŋ dol-balɩŋ arɩ ŋ naduo-la nɛ ŋ kaa ŋaa wɩa-nyuŋ arɩ tinteeŋ. Wɩɩkala tuo a dolie pɩŋ.

ƐZƖKƖƐL 20:11

Mɩ fa joŋ mɩ wɩaa dagɛba nɛ a leŋ ba jɩŋ mɩ wombie-la mɩ sɩ bile dɩ ba tuto. Dɩ nʋʋ nɛ sɛɩba a kɛmba tɩtɩŋ, ʋ jaŋ kɛŋ mɩɩsɩŋ.

JONA 1:9

Ŋɩɩ nɛ Jona bʋla pɩba, “Mɩ ŋaa Hiburu tɩɩna nɛ, mɩɩ chʋɔlɛ mɩ Tɩɩna Wɩa nɛ, ʋ nɛ ŋaa wɩa-nyuŋ, mʋgʋ-balɩŋ arɩ tinteeŋ.”

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Tɩntɩŋŋaa 4:24

Ba sɩ nɩɩ ŋɩɩ, ba suomo chʋchʋɔlɛ Wɩa arɩ tʋɔ-bala a bʋl, “La Tɩɩna Wɩɩjarɩbakɔ, ŋ nɛ ŋaa wɩa-nyuŋ arɩ tinteeŋ arɩ mʋgʋ-balaa arɩ fuo-biisiŋ arɩ kɩalɩŋ kala sɩ hɛ ba lɛ.

MOSIS BƖRA WULLI WƖA WOMBIIŊ 10:14

Ma TƖƖNA Wɩa nɛ tɩɩ wɩa-nyuŋ, Wɩa-jaŋ arɩ tinteeŋ arɩ kɩalɩŋ kala sɩ hɛ ba lɛ.

MOSIS BƖRA WULLI WƖA WOMBIIŊ 32:39

Má bee na, mɩ-na nɛ Wɩa, Wɩa dɔŋ bɩra tuo. Mɩ yie kpʋ nɛ aŋ bɩra chɩsɛ, a pɩrɛ aŋ vaarɛ, nʋʋkala bɩ jaŋ wuo laa nʋʋ ta mɩ nɩsɩŋ lɛ.

MOSIS BƖRA WULLI WƖA WOMBIIŊ 6:4

Iziral tɩmma, má jɩŋ arɩ La TƖƖNA Wɩa ŋaa kʋbala nɛ.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Hiburu TƖŊŊAA 1:6

Bʋa-la lɛ Wɩa sɩ leŋe ʋ Bii-hɩaŋ kʋ tuu dʋnɩa, ʋ sɩ, “Wɩa tɩndaaraa kala maga ba chʋɔlʋ nɛ.”

Jɔɔŋ Wʋnaalaa 14:7

Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”