NƐHƖMAAYA 9:37 - WƖA TENIŊ

³⁷ A tɩŋ la wʋbɔŋŋɔɔ wɩaa, tintee-la kʋdii daŋ-la kala mɩɩra ŋaa kuoroo-la nɩsɩŋ lɛ ŋ sɩ joŋ-la hɛ kɩaa nɛ. Baa benla arɩ la pʋsʋŋ ŋɩɩ kala ba sɩ cho nɛ. Hɛɛŋ chaasa vɔgɛla nɛ.

NƐHƖMAAYA 9:37 ပူးပေါင်းရင်းမြစ်များ

ƐZƖRA 4:13

Kuoro, ŋ bɩra maga dɩ ŋ jɩŋ dɩ ba nɛ saa tabalɩŋ deeŋ a wasɛ ʋ jebiee kala, ba bɩra bɩ jaŋ titiŋ lampooba. Dɩ ŋɩɩ nɛ ŋaa, ŋ lampoo moribiee jaŋ muuri.

ƐZƖRA 6:8

Mɩ bɩraa pɩ ma wombiiŋ daha dɩ ma pɛ Juu tɩŋŋaa nɩhɩasɩ-la lɛ dɩ ba wasa saa Wɩa dɩɩ-bal-la. Chɩŋ-la kala ba sɩ jaŋ ŋmoo, ʋ maga ma lɩɩsɛ lampooba-la ba sɩ laa Yufireti wɩɩjʋʋlʋŋ dɩɩrɩŋ tinteeŋ nɩaa teeŋ a hɛ kuori dɩa dʋa tʋɔŋ a tiŋ ʋ kala, dɩ tɩntɩmɩɩ-la sɩ́ birigu.

ƐZƖRA 7:24

Ma bɩ wombii kɛnɛ dɩ ma laa lampoo nɩaa deemba teeŋ: Wɩɩsʋllɩ sɩpaalaaraa, Levi doho nɩaa, yɩɩlɩ yɩɩraa, boi-pɔɔrɔɔ, Wɩa dɩɩ-bal-la tɩntɩnnaa koo nʋʋ na-kala sɩɩ tɩŋ Wɩa dɩ-bal-la lɛ.

NƐHƖMAAYA 5:8

Mɩ sɩ, “Lɛɛlɛ, la hɛ doluŋ nɛ aŋ mɩɩra time lɩlaa la Juu tɩmma-la dɔnsʋŋ sɩ joŋ ba tɩtɩa yalla pɩ tintee-wogusuŋ nɩaa. Lɛɛlɛ ma tɩtɩa mɩɩra fʋgɛ ma naambiiriŋ nɛ dɩ ba joŋ ba tɩtɩa yalla pɩma.” Sɩpaa-laara-la kala tɔrɛ ba niiŋ bɛɛ wɩaa ba bɩ wɩɩ kɛnɛ dɩ ba bʋl.

JEMBIEE 5:5

Nɩalɩŋ sɩɩ kirila paa puula nɛ, la kala bɛsɩmɛ, aŋ bɩ wuo wiesi.

LEVI DOHO NƖAA 26:17

Mɩ jaŋ vɩama ta a leŋ dɩ ma dʋndɔŋŋɔɔ yuo diima. Nɩalɩŋ sɩ bɛrɛma nɛ jaŋ bemma. Ma jaŋ fá, ka nʋʋ bɩ maa kiri.

Jɔɔŋ 8:33

Juu tɩmma-la sɩ laa Yesu wɩaa dii ma bʋl, “La paala ŋaa Abɩraham doho nɩaa nɛ. La ha bɩ nʋʋkala yosi ŋaa. Bɛɛ nɛ saa tɩɩ ŋ bʋl dɩ Wɩa jaŋ laala ta dɩ la tɩɩ la tɩtɩa?”

MOSIS BƖRA WULLI WƖA WOMBIIŊ 28:33

Nɩwogusu-la ma sɩ paala bɩ jɩŋ nɛ jaŋ dii ma baga kɩalɩŋ kala ma sɩ suolo na, ka dɩ ba dɔgɩsɛma ŋɩɩ ma mɩɩsɩŋ kala lɛ.

MOSIS BƖRA WULLI WƖA WOMBIIŊ 28:39

Ma jaŋ pɛrɛ girep tɩɩsɩŋ bagɩsɩŋ a yʋgɛ, a wasa hɛba, ama ma bɩ jaŋ tɔrɛ tɩɩnɛnɛ-la koo a nyʋa ba sɩnɩŋ, bɛɛ wɩaa nanchʋɔlaa jaŋ dii tɩɩsɩ-la kala.

MOSIS BƖRA WULLI WƖA WOMBIIŊ 28:48

Ŋɩɩ wɩaa, ma jaŋ kɛŋ losuŋ, lɩɩnyʋasʋŋ, yarɩ-biree, a nyaabɛ, aŋ pɛ tɩma pɩpɩ ma dʋndɔmɔ-la ma TƖƖNA Wɩa sɩ joŋo hɛ ma lɛ. La TƖƖNA jaŋ leŋ dɩ ma chaasa na hɛɛŋ ŋɩɩ a mʋ sʋʋ.

MOSIS BƖRA WULLI WƖA WOMBIIŊ 28:51

Ba jaŋ kpʋ ma pʋsʋŋ a chei ma tinteeŋ kʋpɛrɛɛ kala ŋɩɩ dɩ losuŋ kpʋma dɩ ma sʋʋ. Ba bɩ jaŋ leŋ dɩ ma kɛŋ mɩaa, tɩɩnɛnɛɛ sɩ-falɩŋ koo nʋʋ. Ba bɩ jaŋ leŋ dɩ ma nɛsɩŋ koo piesee koo bʋʋnaa kʋŋkala kɛŋ bii ŋɩɩ deeŋ deeŋ, dɩ ma kala sʋʋ dɛrɛ.