NƐHƖMAAYA 9:32 - WƖA TENIŊ

³² Lɛɛlɛ la Wɩa, ŋ nɛ yʋga a kɛŋ doluŋ nɩaa fɩfáŋ, ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ kaa tɩtɩŋ nɛ. Sɩ́ bee kieli hɛɛ-la la sɩ na a chɩŋ bʋa-la lɛ Asiiria kuoroo sɩ dɔgɩsɛla a kaa kɔ jɩnɩŋ. La kuoroo arɩ la sɩpaalaaraa, la ŋ Wɩɩsʋllɩ sɩpaalaaraa arɩ ŋ wʋlaabʋllaa, la naabalɩmaba arɩ ŋ nɩaa kala nɛ na hɛɛ-la.

NƐHƖMAAYA 9:32 ပူးပေါင်းရင်းမြစ်များ

1 KUOROO 8:23

aŋ chʋɔlɛ Wɩa a bʋl: “Ou, La TƖƖNA, Iziral tɩŋŋaa Wɩa, kʋŋkala tuo wɩa-nyuŋ koo tinteeŋ lɛ a magɩŋ. Ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ bɩ ʋ wɩaa yʋa. Ŋ yie chɩŋ ŋ nɩalɩŋ sɩ kɛŋ ba tʋɔŋ kala a tuto wɩalɩŋ ŋ sɩ daga harɩŋ nɛ.

2 KUOROO 15:19

Tapʋlɩɩ kʋbala Asiiria tinteeŋ kuoro ba sɩɩ yɩrɛ Tɩgɩlaf Pɩlɩsa kɔ dɩ ʋ yuo Iziral tinteeŋ. Mɛnahɛm joŋ warɩpʋla bʋɩ balɩa a pʋ, ka dɩ ʋ pɛ ʋ lɛ dɩ ʋ kuoruŋ chaasa kɛŋ doluŋ woruŋ.

2 KUOROO 15:29

Bʋa-la lɛ Pɛka sɩ dii kuoruŋ Iziral tinteeŋ lɛ nɛ, Asiiria tinteeŋ kuoro ba sɩɩ yɩrɛ Tɩgɩlaf Pɩlɩsa kʋ yuo Iziral tinteeŋ a laa tasɩŋ deemba: Ɩjɔŋ, Abɛl Bɛf Maaka, Janʋa, Kɛdɛs arɩ Hazɔ, a pɛ Gɩlɩad arɩ Galilii arɩ Nafɩtalɩ tinteeŋ kala lɛ, a kɛsɛ ba nɩaa kala kaa mʋ Asiiria tinteeŋ.

2 KUOROO 17:23

a kaa kɔ bʋa-la lɛ La TƖƖNA sɩ kiriba ta ʋ sɩpaaŋ arɩ ŋɩɩ ʋ fa sɩ to ʋ tɩntɩnnaa sɩ ŋaa ʋ wʋlaabʋllaa lɛ a kpʋrɩsɛ ba dɩgɩlaa. Ŋɩɩ nɛ Asiiria tɩŋŋaa yuo kɛsɛba a kaa mʋ ba tinteeŋ, ba hɔŋ nɩmɛ a kaa kɔ arɩ jɩnɩŋ kala.

2 KUOROO 17:3

Hosia kuoruŋ bʋa lɛ nɛ, Asiiria kuoru kʋbala ba sɩɩ yɩrɛ Salɩmanɛsa kʋ yuo dii Iziral tinteeŋ a fʋgɛba ba tiŋ lampoo pʋpʋ jɩna na-kala.

2 KUOROO 17:6

Hosia sɩ dii kuoruŋ ʋ jɩ-nibi lɛ nɛ, Asiiria kuoro yuo dii Samarɩa a kɛsɛ Iziral tɩŋŋaa kala a kaa mʋ Asiiria tinteeŋ. Ʋ kɛmba mʋ a leŋ dɔnsʋŋ hɔŋ taŋ-la ba sɩɩ yɩrɛ Hala lɛ, dɔnsʋŋ ma hɔnɔ kpagɛ fuo-la ba sɩɩ yɩrɛ Habɔ a hɛ Goza tinteeŋ. Ka dɔnsʋŋ ma hɔŋ tasɩ-la sɩ hɛ Medis tɩŋŋaa tinteeŋ lɛ.

2 KUOROO 23:29

Bʋa-la lɛ Josaaya fa sɩ ŋaa kuoro, Ijipiti tinteeŋ kuoro Neko fa kɛŋ ʋ laalɩyuoroo mʋ Yufireti fuo-la dɩ ʋ pɛ Asiiria kuoro lɛ. Ŋɩɩ nɛ Josaaya arɩ laalɩyuoroo ma mʋ chemba ba yuo laalɩŋ, ama ba kpʋ Josaaya Mɛgɩdɔ lɛ.

2 KUOROO 25:7

Ŋɩɩ nɛ ba kpʋ Zedikaaya hambolibiisiŋ kala ʋ sɩɩŋ lɛ, aŋ kɔrɩgɔ chaarɛ ʋ tɩtɩa sɩaa aŋ hɛʋ chɔrʋmɔɔ a lɛrʋ kaa mʋ Babɩlɔŋ.

ƐZƖRA 4:10

arɩ nɩalɩŋ dɔnsʋŋ Asubanipal sɩ ŋaa nɩbal a kɛŋ yɩrɩŋ woruŋ sɩ kire ta ba mʋ hɔŋ Samarɩa tabalɩŋ lɛ arɩ Yufireti wɩɩjʋʋlʋŋ leree dɔnsʋŋ.

ƐZƖRA 4:2

ŋɩɩ nɛ ba kɔ Zerubabɛl arɩ dɩa dɩa nɩhɩasɩŋ teeŋ a bʋl, “Má leŋ dɩ la pɛ ma lɛ a saa dɩa-la, bɛɛ wɩaa la ma nagɛ ma nɛ a chʋchʋɔlɛ Wɩa-la ma sɩɩ chʋɔlʋ. La ma kpʋ pʋsʋŋ pʋpʋ nɛ a lɩɩ bʋa-la lɛ Asiiria kuoro Ɛsahadɔŋ sɩ kɛnla kɔ daha.”

ƐZƖRA 9:13

Wɩalɩŋ kala sɩ ŋaa la lɛ, la wʋbɔŋŋɔɔ arɩ la wʋcheelee sɩ faasa yʋgɛ wɩaa nɛ tɩɩ. Ama ŋ-na la Wɩa, ŋ bɩ la dɔgɩsɔ a magɛ ŋɩɩ la wʋbɔŋŋɔɔ sɩ maga, aŋ leŋ la dɔnsʋŋ ka a bɩ sʋba.

NƐHƖMAAYA 1:5

Ŋɩɩ nɛ mɩ bʋl, “Ou, La TƖƖNA Wɩa, ŋ sɩ hɛ ŋ jaŋ lɛ, ŋ kɛŋ doluŋ nɛ woruŋ, la chaasa fɩfáŋ. Ŋ kɛŋ nii-la sɩ hɛ ŋ dɩ ŋ nɩaa pɛgɛ kaa tɩtɩŋ nɛ arɩ wʋtɩtɩɩ, nɩalɩŋ sɩ choŋ a tuto ŋ wʋdagaa.

WƖA YƖƖLAA 47:2

Ʋ maga dɩ ma fá La Tɩɩna sɩ kɩɩ kʋŋkala nɛ, ʋ nɛ kuoru-balɩŋ sii beŋ dʋnɩa kala.

WƖA YƖƖLAA 66:3

Má bʋla pɩ Wɩa, “Wɩɩkala ŋ sɩ ŋaa kɛŋ fawʋllʋŋ nɛ. Ŋ doluŋ yʋga, ŋɩɩ leŋ ŋ dʋndɔŋŋɔɔ gbigbieni ŋ sɩpaaŋ.

WƖA YƖƖLAA 66:5

Má kʋ na wɩalɩŋ Wɩa sɩ ŋaa, wʋkpuŋkperisi-la ʋ sɩ ŋaa a tɩŋ nuhuobiine wɩaa.

MOSIS KƐŊ IZIRAL TƖŊŊAA LƖƖ 18:8

Mosis bʋl wɩalɩŋ kala La TƖƖNA sɩ ŋaa Ijipiti tinteeŋ kuoro arɩ Ijipiti tɩŋŋaa kala lɛ a tɩŋ Iziral tɩŋŋaa wɩaa a pɩ ʋ hɩɩlɩ-baala. Ʋ bɩra dagɛ hɛɛ-la kala ba sɩ na wombiiŋ lɛ arɩ ŋɩɩ La TƖƖNA sɩ laaba ta.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

DANƖƐL 9:4

Mɩ sɩɩ sʋl mɩ TƖƖNA Wɩa ŋɩɩ, mɩ dagɛ wʋbɔmɔ-la mɩ nɩaa sɩ ŋaa a bʋl: “La TƖƖNA ŋ nɛ Wɩa sɩ yʋga a kɛŋ fawʋllʋŋ. Ŋ kɛŋ wʋtɩtɩɩ nɛ nii-la sɩ hɛ la dɩ ŋ pɛgɛ. Ŋ dagɛ ŋ chono-la sɩ bɩ dɛrɛ a pɩ nɩalɩŋ sɩ choŋ a ŋɩŋaa wɩalɩŋ ŋ sɩ daga nɛ.

DANƖƐL 9:6

Ŋ tɩntɩnnaa sɩ ŋaa ŋ wʋlaabʋllaa a bʋl wɩalɩŋ, la bɩ jegile nɩɩ. Ba bʋl wɩaa ŋ yɩrɩŋ lɛ a pɩ la kuoroo, la sɩpaalaaraa, la nyɩmmaba arɩ la tinteeŋ nɩaa kala nɛ.

DANƖƐL 9:8

La TƖƖNA, hɩɩsɩŋ kɛŋ la dɩ la kuoroo, la sɩpaalaaraa arɩ la nyɩmmaba kala nɛ, bɛɛ wɩaa la ŋaa wʋbɔŋ nɛ ŋ teeŋ.

LEVI DOHO NƖAA 26:18

Dɩ wɩaa deemba kala nɛ ŋaa ma lɛ, ka ma ha bɩ jaŋ jegile nɩɩ mɩ teeŋ, mɩ jaŋ dɔgɩsɛma a magɛ ŋɩɩ naansɩɩŋ bʋlɩpɛ, a tɩŋ ma wʋbɔŋŋɔɔ wɩaa.

LEVI DOHO NƖAA 26:21

Dɩ ma nɛ ha vɩamɛ a bɩ jegile nɩɩ mɩ teeŋ, mɩ jaŋ joŋ wʋlɔrʋnʋ-la mɩ fa sɩ sɩ mɩ jaŋ joŋo hɛ ma lɛ a magɛ ŋɩɩ naansɩɩŋ bʋlɩpɛ a hɛ ma lɛ, a tɩŋ ma wʋbɔŋŋɔɔ wɩaa.

LEVI DOHO NƖAA 26:24

mɩ jaŋ leŋ dɩ ma na hɛɛŋ a kɩɩ ŋɩɩ naansɩɩŋ bʋlɩpɛ a tɩŋ ma wʋbɔmɔ-la wɩaa.

LEVI DOHO NƖAA 26:28

mɩ baanɩŋ jaŋ sii ma nyuŋ dɩ mɩ dɔgɩsɛ ma a kɩɩ ŋɩɩ naansɩɩŋ bʋlɩpɛ, a tɩŋ ma wʋbɔmɔ-la wɩaa.

MOSIS BƖRA WULLI WƖA WOMBIIŊ 7:12

Dɩ ma nɛ to wombie-la woruŋ a kɛmba tɩtɩŋ, ma TƖƖNA Wɩa jaŋ choma a leŋ dɩ nii-la ʋ sɩ hɛ ʋ dɩ ma pɛgɛ chɩŋ, arɩ ʋ sɩ ŋmɩɛsɛ ŋɩɩ pɩ ma naabalɩmaba.

MOSIS BƖRA WULLI WƖA WOMBIIŊ 7:13

Ʋ jaŋ choma a pɛ ma lɛ, a leŋ dɩ ma pʋŋ. Ʋ jaŋ pɛ ma lɛ dɩ ma lʋl biiriŋ yʋgɛ, a leŋ ma mɩaa, girep arɩ olif tɩɩsɩŋ wasɛ, a leŋ dɩ ma pʋsʋŋ ma pʋŋ. Ʋ jaŋ ŋaa wɩaa deemba kala a pɩma tintee-la lɛ ʋ sɩ hɛ niiŋ pɩ ma naabalɩmaba arɩ ʋ jaŋ joŋo pɩma.

MOSIS BƖRA WULLI WƖA WOMBIIŊ 7:21

Má sɩ́ leŋe dɩ fawʋllʋŋ kɛmma a tɩŋ nɩalɩŋ wɩaa, ma TƖƖNA Wɩa hɛ ma teeŋ nɛ, ʋ ŋaa Wɩa sɩ kɛŋ doluŋ nɛ woruŋ a magɛ dɩ nʋʋkala fɩfáʋ.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.