NƐHƖMAAYA 9:30 - WƖA TENIŊ

³⁰ Jɩ-daŋ nɛ ŋ kɛŋ kenyiri arɩ ba. Ŋ Dɩma to ŋ wʋlaabʋllaa lɛ nɛ a bʋl wɩaa chagɩlɛba. Ama ba bɩ jegile nɩɩ, ŋɩɩ nɛ ŋ jomba hɛ tintee-wogusuŋ nɩaa nɩsɩŋ lɛ.

NƐHƖMAAYA 9:30 ပူးပေါင်းရင်းမြစ်များ

2 KUOROO 18:11

Ŋɩɩ nɛ Asiiria kuoro kɛsɛ Iziral tɩŋŋaa kala a kaa mʋ Asiiria tinteeŋ. Ʋ kɛmba mʋ a leŋ dɔnsʋŋ hɔŋ taŋ-la ba sɩɩ yɩrɛ Hala lɛ, dɔnsʋŋ ma hɔnɔ kpagɛ fuo-la ba sɩɩ yɩrɛ Habɔ sɩ hɛ Gozaŋ tinteeŋ. Ka dɔnsʋŋ ma hɔŋ tasɩ-la kala sɩ hɛ Medis tɩŋŋaa tinteeŋ lɛ.

2 KUOROO 21:10

Ŋɩɩ nɛ La TƖƖNA to ʋ tɩntɩnnaa sɩ ŋaa ʋ wʋlaabʋllaa lɛ a bʋl,

2 IZIRAL TƖŊŊAA NAABARƖŊ 24:19

La TƖƖNA tɩŋ ʋ wʋlaabʋllaa dɩ ba kpʋrɩsɛ nɩalɩŋ dɩgɩlaa dɩ ba mɩɩra kɔ ʋ teeŋ, ama ba vɩa dɩ ba nɩɩ.

ƐZƖRA 9:10

Ama la Wɩa, wʋbɛɛ nɛ la jaŋ wuo bʋl wɩaa deemba kala harɩŋ lɛ? La bɩ wɩalɩŋ ŋ sɩ daga to,

NƐHƖMAAYA 9:20

Ŋ joŋ ŋ Dɩma sɩ zɔmɔ pɩba nɛ ʋ dɩdagɛba. Ŋ bɩ ba kʋdiile-la ba sɩɩ yɩrɛ ‘mana’ vɔmɔ, ŋ pɩba lɩɩŋ ma nɛ ba nyʋa.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

NƐHƖMAAYA 9:29

Ŋ chagɩlɛ ba nɛ arɩ ba mɩɩra kʋ to ŋ wombiiŋ ŋ sɩ bile dɩ ba tuto, ama ba bigisi ba tɩtɩa lɛ nɛ a bɩ ŋ niiŋ to. Ba vɩa ŋ wombie-la nɩa sɩ jaŋ to a kɛŋ mɩɩsɩŋ nɛ, aŋ ha ŋɩŋaa wʋbɔŋŋɔɔ. Ba kɛŋ nyuduoŋ arɩ dɩgɩlɩŋ-bɩnɩɩ nɛ a joŋ harɩŋ yɩaŋ a bɩ chɛ dɩ ba jegile nɩɩ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 95:10

Mɩ na baanɩŋ jɩsɩŋ mahɩŋ balɩa nɛ ba nyuŋ a bʋl, “Nɩalɩŋ tʋɔbɩɩnaa kɛmba yeŋŋi nɛ, ba bɩ mɩ wombiee jɩŋ.”

AZAAYA 28:10

Ʋ chɩchɛ dɩ ʋ dɩdagɛla wɩaa kʋbala kʋbala, wɩɩ wɩɩ, daha mʋa, daha ma mʋa.”

AZAAYA 42:24

Kʋbɛɛ nɛ leŋe ba yuo dii Iziral tɩŋŋaa a paa ba kɩaa ŋɩɩ? La TƖƖNA nɛ, Nɩɩ-la harɩŋ la sɩ lɩa a ŋaa wʋbɔmʋŋ. Ba vɩa dɩ ba to ʋ wombiiŋ nɛ, a bɩ wɩalɩŋ ʋ sɩ dagɛba sɛyɛ.

AZAAYA 48:9

Ama a tɩŋ mɩ yɩrɩŋ wɩaa, mɩ bɩ leŋe mɩ baanɩŋ sii ma nyuŋ, mɩ sɩɩ chɛ dɩ nɩaa dɛnnɛmɛ nɛ tɩɩ mɩ bɩ ŋɩɩ ŋaa, a bɩ ma kala chei ta.

AZAAYA 63:10

Ka ba vɩa ʋ niiŋ, aŋ ŋaa Wɩa Dɩŋ-zɔmʋŋ tʋɔŋ chei. Ŋɩɩ nɛ ʋ bɩrɩmɛ ba dʋndɔŋ a tɩtɩa sii chɩŋ ba lɛ a yuoba.

JƐRƖMAAYA 25:4

La TƖƖNA tɩŋ ʋ wʋlaabʋllaa sɩ ŋaa ʋ tɩntɩnnaa ba kɔ ma teeŋ bʋlɩa bʋlɩa nɛ, ama ma bɩ jegile nɩɩ ba teeŋ koo a kɛŋ wɩalɩŋ ba sɩ bʋla tɩŋ.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

JƐRƖMAAYA 44:5

Ama ba bɩ jegile nɩɩ, aŋ vɩa dɩ ba tomi. Ba bɩ bɩrɩma lɩɩ ba wʋbɔŋŋɔɔ lɛ koo a leŋ kʋsʋɔrʋsʋŋ nyɩga pɩ vesiŋ.

JƐRƖMAAYA 7:25

A chɩŋ bʋa-la lɛ ma naabalɩmaba fa sɩ lɩɩ Ijipiti tinteeŋ lɛ a kaa kɔ jɩnɩŋ, mɩ yie tɩŋ mɩ tɩntɩnnaa sɩ ŋaa mɩ wʋlaabʋllaa ba kʋkɔ ma teeŋ nɛ bʋlɩa bʋlɩa.

JEMBIEE 2:17

La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

DANƖƐL 9:6

Ŋ tɩntɩnnaa sɩ ŋaa ŋ wʋlaabʋllaa a bʋl wɩalɩŋ, la bɩ jegile nɩɩ. Ba bʋl wɩaa ŋ yɩrɩŋ lɛ a pɩ la kuoroo, la sɩpaalaaraa, la nyɩmmaba arɩ la tinteeŋ nɩaa kala nɛ.

ZƐKARƖYA 7:12

Ba leŋe ba tʋɔŋ dol nɛ a nagɛ tabɩɩ-naŋkpachɩla a bɩ chɛ ba jegile nɩɩ wombie-la mɩ-na ba TƖƖNA sɩ bile dɩ ba tuto koo wɩalɩŋ mɩ-na ba TƖƖNA doluŋ kala Tɩɩna sɩ to mɩ Dɩma lɛ a bʋla pɩ mɩ wʋlaabʋlla-la sɩ laa sɩpaaŋ kɔ. Ŋɩɩ nɛ mɩ-na ba TƖƖNA doluŋ kala Tɩɩna faasa na baanɩŋ ba nyuŋ.

ZƐKARƖYA 7:13

Mɩ fa sɩ bʋl wɩaa pɩba, ba bɩ jegile nɩɩ, ŋɩɩ wɩaa ba ma sɩ yɩrɛmɛ, mɩ bɩ jegile nɩɩ. Mɩ-na ma TƖƖNA doluŋ kala Tɩɩna nɛ bʋla.

NAMBABA 11:26

Nɩhɩasɩ-la mahɩŋ batori arɩ fii-la tʋɔŋ, baalaa balɩa ma nɛ fa hɛ nɩmɛ, dɔŋɔ yɩrɩŋ nɛ Elidad, dɔŋɔ ma yɩrɩŋ nɛ Mɛdad. Ba-na fa bɩ lɛbɩ-la bʋbʋɔŋ mʋa, aŋ hɛ ba dɩ-hɔnɩɩ-la lɛ. Ba hɔŋ nɩmɛ nɛ aŋ ka Dɩma-la pɛ jʋʋba, ba ma bʋl wɩaa a nagɛ Wɩa wʋlaabʋllaa.

Tɩntɩŋŋaa 13:18

Ʋ bemba arɩ kenyiri jɩsɩŋ mahɩŋ balɩa tintee-hɩlɩŋ tʋɔŋ.

Tɩntɩŋŋaa 28:25

Wɩaa deemba nɛ Pɔɔl bʋl, ka ba kɛŋ wɩaa lɛrɛ dɔŋɔ lɛ a sii viiri. Ʋ bʋla pɩba, “Wɩalɩŋ Wɩa Dɩŋ-zɔmʋŋ fa sɩ to Wɩa wʋlaabʋlla Azaaya lɛ ʋ bʋla pɩ ma naabalɩmaba, ba ŋaa wʋtɩtɩɩba nɛ.

Tɩntɩŋŋaa 7:51

Ŋɩɩ nɛ Sɩtɩɩvɩŋ bʋl, “Ma nyuŋ dolie kɩŋkɛŋ nɛ. Ma dɩgɩlaa ma kparɩmɛ. Ma tʋɔŋ ma dol arɩ nɩalɩŋ sɩ bɩ Wɩa jɩŋ. Ma ma yie vɩa ma to Wɩa Dɩŋ-zɔmʋŋ lɛ, arɩ ma naabalɩmaba fa sɩ ŋaa ŋɩɩ.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

1 Pɩɩta 1:11

Yesu Kirisito Dɩŋ-zɔmʋŋ fa sɩ hɛ ba lɛ, ʋ nɛ bʋla pɩba ŋɩɩ Kirisito sɩ jaŋ na hɛɛŋ, ka dɩ nɩaa-na zizilu. Ŋɩɩ nɛ ba nɩnɛrɩgɛ dɩ ba na bʋa-la lɛ wɩaa deemba sɩ jaŋ ŋaa arɩ ŋɩɩ ba sɩ jaŋ ŋaa.

2 Pɩɩta 1:21

Wɩalɩŋ ba sɩ bʋla bɩ ba tɩtɩa tʋɔbɩɩnaa lɛ lɩa. Ama Wɩa Dɩŋ-zɔmʋŋ nɛ kʋ hɛ ba tʋɔŋ a leŋ ba bʋl wɩalɩŋ Wɩa sɩ joŋo pɩba.

2 Pɩɩta 3:9

Nɩaa dɔnsʋŋ bɩɩna arɩ Wɩa fɩɛla nɛ arɩ wɩalɩŋ ʋ sɩ sɩ ʋ jaŋ ŋaa lɛ. Ʋ bɩ fɩɛlɛ, ama ʋ kɛŋ kenyiri nɛ a tɩŋ ma wɩaa, bɛɛ wɩaa ʋ bɩ chɛ dɩ ma kʋŋkala lɛl. Ʋʋ chɛ dɩ nʋʋkala bɩrɩma lɩɩ ʋ wʋbɔŋŋɔɔ lɛ nɛ.