NƐHƖMAAYA 9:29 - WƖA TENIŊ

²⁹ Ŋ chagɩlɛ ba nɛ arɩ ba mɩɩra kʋ to ŋ wombiiŋ ŋ sɩ bile dɩ ba tuto, ama ba bigisi ba tɩtɩa lɛ nɛ a bɩ ŋ niiŋ to. Ba vɩa ŋ wombie-la nɩa sɩ jaŋ to a kɛŋ mɩɩsɩŋ nɛ, aŋ ha ŋɩŋaa wʋbɔŋŋɔɔ. Ba kɛŋ nyuduoŋ arɩ dɩgɩlɩŋ-bɩnɩɩ nɛ a joŋ harɩŋ yɩaŋ a bɩ chɛ dɩ ba jegile nɩɩ.

NƐHƖMAAYA 9:29 ပူးပေါင်းရင်းမြစ်များ

2 KUOROO 17:13

La TƖƖNA fa to ʋ wʋlaabʋllaa arɩ ʋ sɩɩnaaraa lɛ nɛ a bʋl ŋ-la a chagɩlɛ Iziral tɩŋŋaa arɩ Juda nɩaa kala, “Má bɩrɩma lɩɩ wʋbɔŋŋɔɔ ŋaanɩŋ lɛ. Má to mɩ wombiee arɩ wɩalɩŋ mɩ sɩ dagɛ ma naabalɩmaba dɩ ba to, arɩ mɩ niiŋ wɩalɩŋ kala mɩ sɩ to mɩ tɩntɩnna-la sɩ ŋaa mɩ wʋlaabʋllaa lɛ a bʋla pɩma.”

2 KUOROO 17:14

Ama Iziral tɩŋŋaa fa bɩ jegile nɩɩ. Ba nyuŋ fa dolie a nagɛ ba nyɩmmaba-la sɩ bɩ ba TƖƖNA Wɩa wɩaa laa dii nɛ.

2 IZIRAL TƖŊŊAA NAABARƖŊ 24:19

La TƖƖNA tɩŋ ʋ wʋlaabʋllaa dɩ ba kpʋrɩsɛ nɩalɩŋ dɩgɩlaa dɩ ba mɩɩra kɔ ʋ teeŋ, ama ba vɩa dɩ ba nɩɩ.

2 IZIRAL TƖŊŊAA NAABARƖŊ 33:10

La TƖƖNA kpʋrɩsɛ Manasɛ arɩ ʋ nɩaa dɩgɩlaa, ama ba bɩ jegile nɩɩ.

2 IZIRAL TƖŊŊAA NAABARƖŊ 36:15

Ŋɩɩ nɛ La TƖƖNA ba naabalɩmaba Wɩa fá ba nenige a to ʋ wʋlaabʋllaa lɛ a bʋl wɩaa pɩba bʋlɩa bʋlɩa, bɛɛ wɩaa ʋ fa bɩ chɛ ʋ chei nɩalɩŋ arɩ ʋ dɩɩ-bal-la.

NƐHƖMAAYA 13:15

Bʋa-la lɛ, mɩ na Juda nɩaa dɩ baa chagɛ girep nɛnɛɛ sɩnɩŋ chɛ-wiesii-la chɛɛŋ, a kɛŋ ba kakusuŋ chʋchʋŋ mɩaa, girep nɛnɛɛ sɩnɩŋ, girep, tutogi-nambɩlaa arɩ chʋgʋsʋŋ dɔnsʋŋ. Ba chʋŋ kɩaa deemba kala chɛ-wiesii-la chɛɛŋ nɛ a kʋʋ jʋʋ Jerusalɛm. Ŋɩɩ nɛ mɩ bʋla pɩba dɩ ba sɩ kɩaa yallʋ chɛ-wiesii-la chɛɛŋ.

NƐHƖMAAYA 9:10

Ŋ ŋaa wʋmagɩlaa arɩ wʋkpuŋkperisiŋ nɛ Ijipiti kuoro, ʋ tɩntɩnnɩ-hɩasɩŋ arɩ ʋ nɩaa kala lɛ, bɛɛ wɩaa ŋ jɩŋ ŋɩɩ Ijipiti tɩŋŋaa sɩ wʋrɩgɛ ba nɛ. Ŋ laa yɩrɩŋ a pɩ ŋ tɩtɩa nɛ a kaa kɔ arɩ jɩnɩŋ kala.

NƐHƖMAAYA 9:16

Ama la naabalɩmaba ŋaa nyu-duo tɩmma nɛ a kɛŋ babii-ballɩŋ a bɩ dagɩŋ ka nɩɩ, a vɩa dɩ ba to ŋ niiŋ.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

NƐHƖMAAYA 9:30

Jɩ-daŋ nɛ ŋ kɛŋ kenyiri arɩ ba. Ŋ Dɩma to ŋ wʋlaabʋllaa lɛ nɛ a bʋl wɩaa chagɩlɛba. Ama ba bɩ jegile nɩɩ, ŋɩɩ nɛ ŋ jomba hɛ tintee-wogusuŋ nɩaa nɩsɩŋ lɛ.

MOSIS KƐŊ IZIRAL TƖŊŊAA LƖƖ 10:3

Ŋɩɩ nɛ Mosis arɩ Arɔŋ mʋ Ijipiti tinteeŋ kuoro teeŋ, a bʋla pʋ, “La TƖƖNA, Iziral tɩŋŋaa Wɩa sɩ, ‘Ɛɛ nɛ ŋ chɛ dɩ ŋ vɩa mɩ niiŋ diene magɛ? Leŋ dɩ mɩ nɩaa mʋ a chʋɔlɛmɛ.

JƐRƖMAAYA 17:23

Ama ba fa bɩ jegile nɩɩ a kaa tɩŋ. Ba fa kɛŋ nyuduoŋ nɛ a bɩ chɛ ba jegile nɩɩ koo a sɛɩ dagɩŋ.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 42:19

Ma-na Juda nɩkaanaa, La TƖƖNA bʋla pɩma, ‘Má sɩ́ Ijipiti mʋ.’ Ma jɩŋ wɩɩŋ deeŋ lɛ: Mɩ kpʋrɩsɛ ma dɩgɩlaa nɛ jɩnɩŋ

JƐRƖMAAYA 43:2

ŋɩɩ nɛ Hosaaya nanʋala Azarɩa arɩ Karɩa nanʋala Johanaŋ arɩ nɩalɩŋ kala sɩ kɛŋ sɩɩ-duoŋ bʋla pɩ Jɛrɩmaaya, “Ŋŋ nyɩɛ wɩaa nɛ. La TƖƖNA Wɩa bɩŋ tɩma dɩ ŋ kʋ bʋla pɩla arɩ la sɩ́ mʋ hɔŋ Ijipiti tinteeŋ lɛ.

JƐRƖMAAYA 44:10

Arɩ jɩnɩŋ kala ba ha bɩ ba tɩtɩa kaa muuri koo a zilmi, koo a to wombii-la mɩ sɩ bile dɩ ba tuto, arɩ mɩ wʋdagaa mɩ sɩ bile pɩ ma dɩ ma naabalɩmaba.

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

ƐZƖKƖƐL 20:11

Mɩ fa joŋ mɩ wɩaa dagɛba nɛ a leŋ ba jɩŋ mɩ wombie-la mɩ sɩ bile dɩ ba tuto. Dɩ nʋʋ nɛ sɛɩba a kɛmba tɩtɩŋ, ʋ jaŋ kɛŋ mɩɩsɩŋ.

DANƖƐL 5:20

Ama Nebukadineza sɩ kʋ kɛŋ sɩɩ-duoŋ a bɩrɩmɛ babiibal, ʋ tʋɔŋ dol, Wɩa kɛŋ ʋ kuoruŋ laa nɛ, ʋ yɩrɩŋ dɩsɛ.

HOSIA 6:5

Ŋɩɩ wɩaa nɛ mɩ tɩŋ mɩ wʋlaabʋllaa ba kɛŋ mɩ niiŋ wɩaa kʋ tɔɔ ma sɩɩŋ lɛ. Mɩ niiŋ wɩalɩŋ nɛ mɩ kaa kpʋma, mɩ wʋbʋlaa nagɛ taŋ sɩ lɩgɩsa nɛ ma nyuŋ lɛ.

LEVI DOHO NƖAA 18:5

Má to mɩ wombiee arɩ wɩalɩŋ mɩ sɩ dagɛma, nɩɩ-la kala sɩ toba, ŋ jaŋ kɛŋ mɩɩsɩŋ. Mɩ nɛ ŋaa ma TƖƖNA Wɩa.

Matiu 19:17

Ŋɩɩ nɛ Yesu pɩɛsʋ, “Bɛɛ nɛ tɩɩ ŋ pɩɛsɛmɛ wʋzɔmɔ-la ŋ sɩ jaŋ ŋɩŋaa wɩaa? Nɩbala dʋndʋŋa nɛ zɔmɔ. Dɩ ŋ nɩɩ chɛ dɩ ŋ kɛŋ mɩɩsɩ-la sɩ bɩ dɛrɛ, tuto wɩalɩŋ Wɩa sɩ daga.”

Luuk 10:28

Ŋɩɩ nɛ Yesu bʋla pʋ, “Wɩalɩŋ kala ŋ sɩ bʋla ŋaa wʋtɩtɩɩ nɛ. Ŋ nɛ ŋaa ŋɩɩ, ŋ jaŋ kɛŋ mɩɩsɩŋ.”

Rom Tɩŋŋaa 10:5

Mosis fa ŋmʋnsa a tɩgɛ nɩalɩŋ sɩɩ to wɩalɩŋ ʋ sɩ bile dɩ nɩaa to a kɛŋ tʋɔpʋla Wɩa sɩpaaŋ, dɩ ba nɛ wuo to wɩalɩŋ, ba jaŋ kɛŋ mɩɩsɩŋ.

Galiisia Nɩaa 3:12

Yarɩda dee ba kaa tuto wɩalɩŋ Mosis sɩ ŋmʋnsa bil dɩ nɩaa tuto. Ba bʋl ŋɩɩ nɛ Wɩa teniŋ tʋɔŋ. Ba sɩ, “Dɩ nʋʋ nɛ to wɩalɩŋ kala Mosis sɩ ŋmʋnsa bil, ʋ jaŋ kɛŋ mɩɩsɩŋ.”

MOSIS BƖRA WULLI WƖA WOMBIIŊ 31:21

Dɩ wʋlɔrʋnʋŋ arɩ wʋwalɩmaa nɛ jʋʋba, yɩɩlɩŋ deeŋ nɛ jaŋ liliisiba, bɛɛ wɩaa ba dɩ ba doho nɩaa kala bɩ jaŋ yʋ yɩɩl-la. Mɩ paala jɩŋ ba tʋɔbɩɩnaa kala nɛ aŋ-na kɛmba kaa kɔ tintee-la mɩ sɩ hɛ niiŋ dɩ mɩ joŋo pɩba.”

MOSIS BƖRA WULLI WƖA WOMBIIŊ 31:27

Mɩ jɩma ma ŋaa nyu-duo tɩmma nɛ a bɩ dagɩŋ ka nɩɩ. Mɩ ha sɩ hɛ mɩ mɩɩsɩŋ lɛ ka ma vɩa La TƖƖNA niiŋ ŋ-la, ɛɛ nɛ ʋ jaŋ nagɛ dɩ mɩ nɛ sʋba?

MOSIS BƖRA WULLI WƖA WOMBIIŊ 4:26

Jɩnɩŋ, wɩa-nyuŋ arɩ tinteeŋ pɛ na nɛ, dɩ ma nɛ ŋaa wɩaa deemba kʋŋkala ma sɩɩ chol Jɔdaŋ fuo-la dɩ ma laa tintee-la a tɩɩ lɛ, La TƖƖNA jaŋ guu cheima. Ma bɩ jaŋ hɔŋ nɩmɛ dieni ka dɩ ʋ cheima.

SƖPAALAARAA 6:10

Mɩ bʋla pɩma nɛ, arɩ mɩ nɛ ŋaa ma TƖƖNA Wɩa, má sɩ́ Amɔrɩ tɩmma-la tinteeŋ lɛ ma sɩ hɔnɔ vesiŋ to, ama ma bɩ jegile nɩɩ mɩ teeŋ.’ ”