NƐHƖMAAYA 9:25 - WƖA TENIŊ

²⁵ Ba yuo laa tabalaa ba sɩ saa kɛrɩsɩŋ golli arɩ tinteyee sɩ sɩma nɛ. Ba laa dɩɩsɩŋ sɩ suo arɩ kʋzɔŋ dosunuŋ, vilee ba sɩ luo, girep tɩɩsɩŋ bagɩsɩŋ, olif tɩɩsɩŋ arɩ tɩɩsɩŋ dɔnsʋŋ ma sɩ yʋga a nɩnɛŋ. Ba dii kɩaa vɔgɛ nɛ woruŋ a kala nɛrɛ, ba tʋɔŋ tɔrɛ ŋ wʋzɔmɔ-la kala ŋ sɩ ŋaa lɛ.

NƐHƖMAAYA 9:25 ပူးပေါင်းရင်းမြစ်များ

1 KUOROO 14:9

Ŋ nɛ paala ŋaa wʋbɔŋŋɔɔ a kɩɩ nɩalɩŋ kala fa sɩ laa sɩpaaŋ dii kuoruŋ aŋ ka pɩŋ. Ŋ vɩamɛ nɛ, aŋ mɛ vesiŋ a pɩ ŋ tɩtɩa, a kɛŋ hɔɔŋ ma libi tɔŋŋɔɔ a kpʋkpaarɛ, a joŋ harɩŋ yɩamɛ, a ŋaa mɩ baanɩŋ sii.

1 KUOROO 8:66

Taŋ sɩ pʋla, kuoro Solomoŋ ta nɩalɩŋ kala ba mʋ dɩɩsɩŋ. Ba kala lɔllʋ aŋ mʋ dɩɩsɩŋ arɩ tʋɔtɔrʋŋ a tɩŋ wʋzɔmɔ-la kala La TƖƖNA sɩ ŋaa pɩ ʋ tɩntɩnna Devit arɩ ʋ nɩaa Iziral tɩŋŋaa.

NƐHƖMAAYA 9:35

Ba fa sɩ hɛ tintee-la ŋ sɩ joŋo pɩba lɛ a nɩnɩɩ sɩŋ-bal-la kala, tintee-la sɩ jalɩa aŋ pɛ sɩŋ lɛ, ba bɩŋ to koo a bɩrɩma lɩɩ ba wʋbɔŋŋɔɔ lɛ.

WƖA YƖƖLAA 105:44

Ʋ joŋ tinteyee dɔnsʋŋ nɩaa tinteeŋ arɩ ba bagɩsɩŋ kɩaa kala a pɩba,

WƖA YƖƖLAA 65:11

Ŋ zile yʋga, ŋ leŋe la kɩaa wasɛ nɛ woruŋ. Dɩ ŋ nɛ hɛ lee na-kala, kɩaa yie wasɛ nɛ kɩŋkɛŋ.

NAMAGABA 30:9

Dɩ ŋɩɩ dee, ka dɩ mɩ kɛŋ kɩaa yʋgɛ, mɩ jaŋ wuo vɩaŋ aŋ pɩɛsɛ, ‘Kʋbɛɛ nɛ ŋaa La Tɩɩna?’ Koo mɩ jaŋ ŋaa summu a gaa, a chei ŋ-na mɩ Wɩa yɩrɩŋ.”

AZAAYA 6:10

La TƖƖNA bɩra bʋl, “Leŋ dɩ nɩaa deemba tʋɔŋ dol, ŋaa dɩ ba dɩgɩlaa kparɩmɛ, aŋ ŋaa dɩ ba sɩaa ma tɔ. Dɩ ŋɩɩ dee ba jaŋ na wɩaa koo a nɩɩ wɩaa a bɩrɩmɛ ba tʋɔbɩɩnaa a kɔ mɩ teeŋ dɩ mɩ laaba ta.”

AZAAYA 63:7

Mɩ jaŋ leŋ dɩ nɩaa jɩŋ ŋɩɩ La TƖƖNA sɩ faasa cho nɩaa. Mɩ jaŋ dɛnnʋ a tɩŋ wɩalɩŋ kala ʋ sɩ ŋaa pɩ la Iziral tɩŋŋaa wɩaa. Ʋ chaasa ŋaa wʋzɔŋŋɔɔ yʋgɛ nɛ pɩla. La TƖƖNA fá la nenige nɛ a dagɛla ʋ chono-la sɩ bɩ dɛrɛ.

JƐRƖMAAYA 2:7

Mɩ kɛmma kaa kʋ jʋʋ tinteeŋ sɩ sɩma nɛ, dɩ ma dii ʋ kɩaa arɩ kʋzɔŋ na-kala sɩ hɛ ʋ lɛ a nɩɩ sɩma. Ama ma kʋ jʋʋ nɛ a ŋaa disiniŋ hɛ mɩ tintee-la mɩ sɩ joŋo pɩma lɛ, a leŋ mɩ dɩ-tɩɩlɩŋ nagɛ kʋŋ mɩ sɩɩ kɩsʋ.

JƐRƖMAAYA 31:14

Mɩ jaŋ leŋ dɩ Wɩɩsʋllɩ sɩpaalaaraa vɔgɛ arɩ Wɩɩsʋlʋŋ kʋ-daŋ, a leŋ dɩ mɩ nɩaa vɔgɛ arɩ kʋ-daŋ-la mɩ sɩ jaŋ pɩba. Mɩ-na ma TƖƖNA nɛ bʋla.”

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

ƐZƖKƖƐL 20:6

Tapʋlɩɩ-la mɩ ŋmɩɛsa pɩba arɩ mɩ jaŋ kɛmba lɩɩ Ijipiti tinteeŋ lɛ a kaa kɔ tintee-la mɩ sɩ chɛ bil ba lɛ, tintee-la sɩ sɩma a kɛŋ kɩaa woruŋ. Ʋ nɛ zɔmɔ kɩɩ tintee kala.”

DANƖƐL 11:24

Ʋ jaŋ yuo tintee-la sɩ kɛŋ kɩaa kɩŋkɛŋ nɩaa sɩ hɔnɔ ta jɩa a bɩɩnɛ wɩɩ bɩbaa jʋʋ. Ʋ jaŋ ŋaa wɩalɩŋ ʋ nyɩmmaba arɩ ʋ naabalɩmaba ha sɩ bɩ ŋaa aŋ ka. Ʋ jaŋ joŋ kɩalɩŋ ʋ sɩ yuo paa arɩ kɩalɩŋ ʋ sɩ yuo laa arɩ ba dʋa kala a kpaa ʋ harɩ-tooroo. Ʋ dɩ ʋ nɩaa jaŋ vʋʋrɛ dɩ ba mʋ yuo dii dɩɩ-duoruŋ, ama wɩaa deemba bɩ jaŋ dieni.

HOSIA 13:6

Mɩ nɛ fa pɩba kʋdiilee, ba dii vɔgɛ. Ba sɩ vɔgɔ, ba kɛŋ sɩɩ-duoŋ, a yʋ mɩ wɩaa.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

MOSIS BƖRA WULLI WƖA WOMBIIŊ 3:5

Tabalaa deemba kala ba fa saa kɛrɩsɩŋ sɩ leŋie nɛ a golli, a hɛ boiŋ niiree a kɛŋ borusuŋ arɩ daadoloo a tʋtɔ. Tabiisiŋ ma fa yʋga nɩmɛ ba sɩ bɩ kɛrɩsɩŋ saa golli.

MOSIS BƖRA WULLI WƖA WOMBIIŊ 32:13

Ʋ leŋe ba hɔŋ tintee-la sɩ chaasa zɔŋ lɛ nɛ, a dii tintee-la kɩaa a leŋ ba na tʋʋŋ bʋ-bʋa lɛ. Ʋ leŋe ba olif tɩɩsɩŋ wasɛ nɛ woruŋ kpagɩnyɩlɩŋ nyuŋ.

MOSIS BƖRA WULLI WƖA WOMBIIŊ 32:14

Ba nɛsɩŋ arɩ ba piesee kɛŋ yɩlɩŋ woruŋ, ba nɛsɩŋ, ba piesee arɩ ba bʋʋnaa kala chaasa nɛrɛ, a nagɛ Basaŋ tinteeŋ pʋsʋŋ. Ba mɛmpɛba ma chaasa zɔŋ woruŋ. Ba nyʋa girep nɛnɛɛ sɩnɩŋ ma sɩ chaasa zɔŋ.

MOSIS BƖRA WULLI WƖA WOMBIIŊ 32:15

Ma Iziral tɩŋŋaa dii kɩaa deemba nɛ a nɛrɛ woruŋ aŋ joŋ harɩŋ yɩa Wɩa sɩ dolie a nagɛ bʋŋ a ŋaama, aŋ vɩa ma Laataara.