NƐHƖMAAYA 9:23 - WƖA TENIŊ

²³ Ŋ leŋe ba biiriŋ yʋgɛ nɛ a nagɛ chɛnwʋlaa sɩ hɛ wɩa-nyuŋ. Ŋ kɛmba kaa kʋ jʋʋ tintee-la ŋ sɩ bʋla pɩ ba naabalɩmaba dɩ ba mʋ laa tɩɩ nɛ.

NƐHƖMAAYA 9:23 ပူးပေါင်းရင်းမြစ်များ

WƖAA DƖ-SUOMUŊ 12:7

Ŋɩɩ nɛ La TƖƖNA kɛŋ ʋ tɩtɩa dagɛ Abɩram, aŋ bʋla pʋ, “Mɩ jaŋ joŋ tinteeŋ deeŋ a pɩ ŋ dɩ ŋ doho nɩaa.” Ŋɩɩ nɛ Abɩram saa Wɩɩsʋllɩ koruŋ a pɩ La TƖƖNA, lee-la ʋ sɩ kɛŋ ʋ tɩtɩa dagʋ.

WƖAA DƖ-SUOMUŊ 15:18

Tapʋlɩɩ-la tɩtɩa nɛ La TƖƖNA bil niiŋ ʋ dɩ Abɩram pɛgɛ a bʋl, “Mɩ jaŋ joŋ tinteeŋ deeŋ a pɩ ŋ doho nɩaa a chɩŋ Ijipiti fuo-la a kaa mʋ Yufireti fuo-bal-la, nɩaa deemba tinteyee:

WƖAA DƖ-SUOMUŊ 15:5

Ŋɩɩ nɛ La TƖƖNA kɛŋ Abɩram lɩɩ dɩ-jalɩŋ aŋ bʋl, “Beŋ wɩa-nyuŋ a na chɛnwʋlaa sɩ magɛ ŋɩɩ, ŋ bɩ jaŋ wuo dɩɩsɛba. Ŋɩɩ nɛ ŋ doho nɩaa jaŋ magɛ.”

WƖAA DƖ-SUOMUŊ 17:8

Kɛnaŋ tinteeŋ deeŋ lɛ ŋ sɩ hɛ a ŋaa nʋhʋɔrʋ ŋ-la, mɩ jaŋ joŋu pɩ ŋ dɩ ŋ doho nɩaa dɩ ʋ ŋaa ma kʋŋ a kaa mʋ wuu dɩ mɩ ŋaa ba Wɩa.”

WƖAA DƖ-SUOMUŊ 22:17

mɩ jaŋ pɛ ŋ lɛ a leŋ dɩ ŋ doho nɩaa pʋŋ a nagɛ chɛnwʋlaa, koo hagɩlɩ-bumbugulo sɩ hɛ mʋgʋ-balɩŋ niiŋ. Ŋ doho nɩaa jaŋ yuo laa ba dʋndɔŋŋɔɔ tinteeŋ.

WƖAA DƖ-SUOMUŊ 26:3

Hɔŋ tinteeŋ deeŋ lɛ mʋa, mɩ jaŋ chɩŋ ŋ harɩŋ a pɛ ŋ lɛ. Ŋ dɩ ŋ doho nɩaa nɛ mɩ jaŋ joŋ leriŋ deeŋ pa arɩ mɩ sɩ bil niiŋ pɩ ŋ nyɩmma Abɩraham ŋɩɩ.

1 IZIRAL TƖŊŊAA NAABARƖŊ 27:23

Devit fa sɩɩ dɩɩsɛ Iziral tɩŋŋaa, ʋ fa bɩ nɩalɩŋ sɩ bɩ jɩsɩŋ mara yie dɩɩsa pɛ, bɛɛ wɩaa La TƖƖNA bʋla arɩ ʋ jaŋ ŋaa dɩ Iziral tɩŋŋaa pʋŋ a nagɛ chɛnwʋlaa sɩ hɛ wɩa-nyuŋ.

MOSIS KƐŊ IZIRAL TƖŊŊAA LƖƖ 1:12

Ba sɩ faasa dʋdɔgɩsɛba ŋɩɩ, ŋɩɩ tɩtɩa nɛ ba pʋŋa pɩpɛ, a jɛrɛ su tintee-la. A tɩŋ ŋɩɩ wɩaa Ijipiti tɩŋŋaa fɩfába woruŋ,

MOSIS KƐŊ IZIRAL TƖŊŊAA LƖƖ 1:7

Ama ba doho nɩaa fa lʋl biiriŋ yʋgɛ nɛ woruŋ a pʋŋa su tintee-la kala.

MOSIS BƖRA WULLI WƖA WOMBIIŊ 28:62

Ma fa yʋga nɛ woruŋ arɩ chɛnwʋlaa sɩ hɛ wɩa-nyuŋ, ama ma kala jaŋ dɛrɛ aŋ ka nɩaa baŋmɛnɛ, a tɩŋ ma sɩ vɩa ma TƖƖNA Wɩa niiŋ wɩaa.