NƐHƖMAAYA 9:22 - WƖA TENIŊ

²² Ŋ joŋ kuoroo tinteyee arɩ tinteyee pɩba nɛ, ba tɩɩ ba kala. Ba yuo laa Hɛsɩbɔŋ kuoro Sɩhɔŋ tinteeŋ nɛ arɩ Basaŋ kuoro Ɔgɩ tinteeŋ.

NƐHƖMAAYA 9:22 ပူးပေါင်းရင်းမြစ်များ

WƖA YƖƖLAA 105:44

Ʋ joŋ tinteyee dɔnsʋŋ nɩaa tinteeŋ arɩ ba bagɩsɩŋ kɩaa kala a pɩba,

WƖA YƖƖLAA 78:65

Ʋ ŋɩɩ harɩŋ lɛ nɛ, La Tɩɩna sii a nagɛ nɩa sɩ pɩŋ doŋ a hirige sii, a nagɛ bapʋɔsɩ-duoŋ sɩ nyʋa sɩnɩŋ bugi ʋ kɛnʋ tɩtɩŋ.

JƐRƖMAAYA 27:5

mɩ kɛŋ mɩ dol-balɩŋ arɩ mɩ naduoŋ nɛ a ŋaa dʋnɩa arɩ nuhuobiine arɩ pʋsʋ-la kala sɩ hɛ ʋ lɛ. Mɩ yie jomba pɩ nʋʋ na-kala mɩ tʋɔŋ sɩ tɔrɛ ʋ nyuŋ nɛ.

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

MOSIS BƖRA WULLI WƖA WOMBIIŊ 1:4

Bʋa-la lɛ dɩ La TƖƖNA yuo dii Amɔrɩ tɩŋŋaa kuoro Sɩhɔŋ sɩ hɛ taŋ-la ba sɩɩ yɩrɛ Hɛsɩbɔŋ lɛ, arɩ Basaŋ tɩŋŋaa kuoro Ɔgɩ ma sɩɩ beŋ tasɩ-la ba sɩɩ yɩrɛ Asɩtarɔf arɩ Ɛdɩrɛ.

MOSIS BƖRA WULLI WƖA WOMBIIŊ 32:26

Mɩ fa sɩ mɩ jaŋ kɛmba pɩsɛ aŋ leŋ dɩ ba yɩrɩŋ lɛl dʋnɩa lɛ.

MOSIS BƖRA WULLI WƖA WOMBIIŊ 4:46

a kɔ fuo-la sɩ kpagɛ taŋ-la ba sɩɩ yɩrɛ Bɛf Pio sɩ hɛ Jɔdaŋ wɩɩpɔsʋŋ lɛ nɛ. Lee-la ŋaa Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ tinteeŋ nɛ. Mosis arɩ Iziral tɩŋŋaa sɩ lɩɩ Ijipiti tinteeŋ lɛ kɔ nɛ ba yuo diiu, aŋ laa tintee-la.

MOSIS BƖRA WULLI WƖA WOMBIIŊ 4:47

Ba sɩ laa ʋ tinteeŋ ʋ ŋaa ba kʋŋ ŋɩɩ, ba laa Basaŋ tɩŋŋaa kuoro Ɔgɩ ma tinteeŋ. Kuoroo deemba balɩa kala ŋaa Amɔrɩ tɩŋŋaa kuoroo nɛ a hɛ Jɔdaŋ fuo-la wɩɩpɔsʋŋ dɩɩrɩŋ.

JOSUA 10:11

Amɔrɩ tɩmma-la fa sɩɩ fá dɩ ba laa ba tɩtɩa Iziral tɩŋŋaa laalɩyuoroo nɩsɩŋ lɛ ŋɩɩ, a chɩŋ Bɛf Horoŋ lɛ a mʋmʋ Azɛka, La TƖƖNA leŋ duoŋ-tabɩɩ-balaa lɩɩ wɩa-nyuŋ a kʋ tuu telee yagɛba. Duoŋ-tabɩa-la fa kpʋ ba nɩ-daŋ nɛ a paala kɩɩ nɩalɩŋ Iziral laalɩyuoro-la sɩ kpʋa.

JOSUA 11:23

Josua laa tintee-la kala nɛ, arɩ La TƖƖNA fa sɩ dagɛ Mosis ŋɩɩ, a kaa kpaa a pɩ Iziral tɩŋŋaa doho doho-la ʋ ŋaa ba kʋŋ. Ŋɩɩ nɛ tintee-la nɩaa saa wiesi laalɩŋ lɛ.