NƐHƖMAAYA 9:2 - WƖA TENIŊ

² Ba fa kɛŋ ba tɩtɩa pɔrɛ lɩɩ nɩwogusu-la kala sɩ hɛ ba tʋɔŋ lɛ nɛ. Ba fa sii chɩŋ nɛ a dagɛ ba wʋcheelee arɩ wʋbɔmɔ-la ba naabalɩmaba sɩ ŋaa.

NƐHƖMAAYA 9:2 ပူးပေါင်းရင်းမြစ်များ

1 KUOROO 8:47

dɩ ba nɛ hɛ tintee-la ba sɩ kɛsɛba mʋ ba ŋaa yosi lɛ, aŋ bɩrɩmɛ ba tʋɔbɩɩnaa a sʋlʋŋ arɩ wʋbɔmɔ-la ba sɩ ŋaa ba cheye nɛ,

ƐZƖRA 10:11

Lɛɛlɛ, má dagɛ wɩalɩŋ ma sɩ ŋaa chei a pɩ La TƖƖNA ma naabalɩmaba Wɩa aŋ ŋɩŋaa wɩalɩŋ ʋ sɩɩ chɛ. Má pɔrɛ ma tɩtɩa a lɩɩ nɩalɩŋ sɩ gollima tʋɔŋ arɩ tintee-wogusuŋ toloo-la ma sɩ jaa lɛ.”

ƐZƖRA 6:21

Ŋɩɩ nɛ Iziral tɩmma-la sɩ lɩɩ yoŋ-baga kɔ chaŋ nammɩa-la, a pɛ nɩalɩŋ kala ma sɩ lɩɩsɛ ba tɩtɩa disiŋ wɩalɩŋ nɩalɩŋ sɩ bɩ Wɩa ka to sɩɩ ŋaa lɛ, a ŋaa siri dɩ ba to Iziral tɩŋŋaa Wɩa.

ƐZƖRA 9:1

La sɩ ŋaa wɩaa deemba kala harɩŋ, Iziral tɩŋŋaa sɩpaalaaraa kɔ mɩ teeŋ a bʋl, “Iziral tɩŋŋaa, a pɛ Wɩɩsʋllɩ sɩpaalaaraa arɩ Levi doho nɩaa lɛ bɩ ba tɩtɩa lɩɩsa wʋkɩsɩa-la nɩwogusu-la sɩ golliba sɩɩ ŋaa lɛ: Kɛnaŋ tɩŋŋaa, Hiti tɩŋŋaa, Pɛrɛs tɩŋŋaa, Jebus tɩŋŋaa, Amɔŋ tɩŋŋaa, Mʋab tɩŋŋaa, Ijipiti tɩŋŋaa arɩ Amɔrɩ tɩŋŋaa.

ƐZƖRA 9:15

La TƖƖNA Iziral tɩŋŋaa Wɩa, ŋ ŋaa tʋɔpʋl Tɩɩna nɛ. Ŋ leŋe la dɔnsʋŋ ka nɛ a bɩ sʋba. La kɔ ŋ sɩpaaŋ nɛ arɩ la cheeriŋ, arɩ la sɩ jɩma arɩ la bɩ wombiiŋ kɛnɛ dɩ la kɔ ŋ sɩpaaŋ ma kala.”

ƐZƖRA 9:2

Ba jaa nɩaa deemba toloo nɛ, aŋ jaa pɩ ba hambolibiisiŋ ma, a leŋ Wɩa nɩaa sɩ bɩ disiniŋ kɛnɛ guoli nɩwogusuŋ tʋɔŋ. Sɩpaalaaraa arɩ tɩntɩnnɩ-hɩasɩŋ nɛ paala laa sɩpaaŋ ŋaa wɩɩŋ deeŋ a chei.”

NƐHƖMAAYA 1:6

La TƖƖNA, suri sɩaa pɩmɛ, aŋ jegile nɩɩ mɩ-na ŋ tɩntɩnna teeŋ, ŋɩɩ mɩ sɩɩ sʋlʋŋ wɩɩhɛyɛ arɩ tɩtaŋɩŋ a pɩpɩ ŋ tɩntɩnnaa, Iziral tɩŋŋaa. Mɩ dagɛ wʋbɔmɔ-la la Iziral tɩŋŋaa sɩ ŋaa ŋ lɛ aa pɩŋ nɛ. Mɩ dɩ mɩ naabalɩmaba kala ŋaa wʋbɔŋŋɔɔ nɛ ŋ lɛ.

NƐHƖMAAYA 10:28

Nɩkaana-la kala, Wɩɩsʋllɩ sɩpaalaaraa, Levi doho nɩaa, boi-pɔɔrɔɔ, yɩɩlɩ yɩɩraa, Wɩa dɩɩ-bal-la tɩntɩnnaa arɩ nɩalɩŋ kala sɩ pɔrɛ ba tɩtɩa a lɩɩ tintee wogusu-la nɩaa sɩ guoli la tʋɔŋ tintee-la lɛ, a tɩŋ ba sɩɩ chɛ dɩ ba to Wɩa wombiiŋ ʋ sɩ bile dɩ la tuto wɩaa, ba dɩ ba haalaa arɩ ba biiriŋ kala sɩ waa a jaŋ wuo jɩŋ wɩaa sɩaa.

NƐHƖMAAYA 10:29

Ba kala pɛ ba sɩpaalaaraa lɛ a ŋmɩɛsɛ, dɩ ba nɛ vɩa nii-la dɩ ŋmɩaŋ-la diiba. Ba ŋmɩɛsa arɩ ba jaŋ fɩɛlɛ ba sɩaa a to wombie-la Wɩa sɩ to ʋ tɩntɩnna Mosis lɛ a joŋo pɩba, a pɛ wɩalɩŋ kala La TƖƖNA sɩ daga arɩ ʋ niiriŋ lɛ. Ba sɩ tɔ boŋ-la bʋl wɩɩ-la nɛ ŋ-la,

NƐHƖMAAYA 13:3

Iziral tɩmma-la sɩ nɩɩ Wɩa wombii-la ʋ sɩ bile dɩ ba tuto, ba chaarɛ nɩwogusu-la kala sɩ guoli ba tʋɔŋ.

NƐHƖMAAYA 13:30

Ŋɩɩ nɛ mɩ pɩɩsɛ nɩalɩŋ disiniŋ ta a mʋ tɩgɛ kʋŋkala sɩ ŋaa kʋwogo lɛ, aŋ dagɛ Wɩɩsʋllɩ sɩpaalaaraa arɩ Levi doho nɩaa ba tɩntɩmɩŋ.

WƖA YƖƖLAA 144:11

Laamɛ ta nɩbɔŋŋɔɔ nɩsɩŋ lɛ, laamɛ ta nɩwogusu-la nɩsɩŋ lɛ, nɩalɩŋ sɩɩ nyɩɛ wɩaa nɩsɩŋ lɛ, a yie hɛ niiŋ aŋ vɩa dɩ ba tou.

WƖA YƖƖLAA 144:7

Kɛŋ ŋ nɩsɩŋ tɩɛna lɩɩ wɩa-nyuŋ kʋ tuu a lɛrɛ lɩɩsɛmɛ lɩɩ-luŋuŋ tʋɔŋ, laamɛ ta nɩwogusuŋ nɩsɩŋ lɛ,

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 2:6

La TƖƖNA, ŋ vɩa ŋ nɩaa nɛ, Jekɔb doho nɩalɩŋ, bɛɛ wɩaa baa ŋaa vʋgʋrʋ wɩaa nɛ, wɩalɩŋ nɩalɩŋ sɩ hɛ wɩɩpɔsʋŋ dɩɩrɩŋ arɩ Fɩlɩsɩtɩa tɩŋŋaa sɩɩ ŋaa. Baa to nɩwogusuŋ naabarɩŋ wombiee nɛ.

JƐRƖMAAYA 14:20

La TƖƖNA, la sɛɩ la tʋɔhɛɩ wɩalɩŋ la sɩ ŋaa nɛ arɩ wɩalɩŋ kala la nyɩmmaba sɩ cheye. La chaasa ŋaa wʋbɔŋŋɔɔ nɛ ŋ lɛ.

JƐRƖMAAYA 3:13

Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

DANƖƐL 9:20

Mɩ fa sɩɩ chʋɔlɛ Wɩa a dɩdagɛ mɩ dɩ mɩ nɩaa Iziral tɩŋŋaa wʋbɔŋŋɔɔ, a sʋsʋl mɩ TƖƖNA Wɩa a mʋ tɩgɛ ʋ dundolo-la sɩ bɩ disiniŋ kɛnɛ lɛ ŋɩɩ,

HOSIA 5:7

Ba bɩ wʋtɩtɩɩ kɛnɛ La TƖƖNA teeŋ, ba lʋl mɛŋgaa-biiriŋ nɛ. Lɛɛlɛ ba chɛŋ-falɩŋ gbielee jaŋ chei ba dɩ ba bagɩsɩŋ kala.