NƐHƖMAAYA 9:17 - WƖA TENIŊ

¹⁷ Ba vɩa dɩ ba jegile nɩɩ nɛ a bɩ wʋmagɩla-la ŋ sɩ ŋaa ma liise. Ba vɩa aŋ kɛŋ nyu-duo nɛ a lɩɩsɛ ba sɩpaalaara dɩ ʋ mɩɩra kɛmba mʋ Ijipiti tinteeŋ, lee-la ba fa sɩ ŋaa yosi. Ama ŋ ŋaa Wɩa sɩ joŋ wɩaa chɩchɛ nɩaa nɛ, a fɩfá nɩaa nisusuŋ, a kɛŋ zile. Ŋ baanɩŋ bɩ lɩma lɩma ka sii, ŋ chonuŋ ma bɩ dɛrɛ. Ŋɩɩ wɩaa, ŋ bɩ ba vɩa ta,

NƐHƖMAAYA 9:17 ပူးပေါင်းရင်းမြစ်များ

1 KUOROO 6:13

Mɩ jaŋ guoli mɩ nɩaa Iziral tɩŋŋaa tʋɔŋ, mɩ bɩ jaŋ vɩaba ta.”

1 KUOROO 8:57

A leŋ dɩ La TƖƖNA Wɩa hɛ la teeŋ arɩ ʋ fa sɩ hɛ la naabalɩmaba teeŋ ŋɩɩ. Mɩɩ sʋlʋ dɩ ʋ hɛ la ma teeŋ a sɩ́ la vɩa ta.

2 IZIRAL TƖŊŊAA NAABARƖŊ 36:13

Zedikaaya fa vɩa kuoro Nebukadineza ma niiŋ nɛ, nɩɩ-la sɩ leŋe ʋ ŋmɩɛsɛ Wɩa yɩrɩŋ lɛ arɩ ʋ jaŋ tou arɩ wʋtɩtɩɩ. Ʋ fa kɛŋ nyuduoŋ nɛ a vɩa dɩ ʋ bɩrɩmɛ ʋ tʋɔŋ a to La TƖƖNA, Iziral tɩŋŋaa Wɩa.

ƐZƖRA 9:9

La fa ŋaa yosi ma nɛ, ama ŋ-na la Wɩa bɩ la vɩa ta la yoŋ-baga-la lɛ. Ŋ dagɛ ŋ zile pɩla nɛ a leŋ Pɛsɩa tinteeŋ kuoro cho la wɩaa, a leŋ la kɛŋ mɩɩsɩŋ dɩ la wasa saa ŋ dɩa-la a bɩrɩmɛ lere-la kala sɩ cheye, ŋ leŋe la Juda arɩ Jerusalɛm nɩaa hɔŋ nɛ wɩɩ bɩ la walɩmɛ.

NƐHƖMAAYA 9:31

Ama a tɩŋ ŋ sɩɩ fá nɩaa nenige kɩŋkɛŋ wɩaa, ŋ bɩ ba cheye koo a vɩaba ta, bɛɛ wɩaa ŋ ŋaa Wɩa sɩ kɛŋ zile nɛ a fɩfá nɩaa nisusuŋ.

WƖA YƖƖLAA 106:13

Ama ʋ bɩ diene, ka ʋ nɩaa guu yʋ wɩalɩŋ ʋ sɩ ŋaa, a bɩ gbɛrɛ dɩ ʋ dagɛba.

WƖA YƖƖLAA 106:7

Bʋa-la lɛ la naabalɩmaba sɩ hɛ Ijipiti tinteeŋ lɛ, ba bɩ wʋkpuŋkperisi-la ŋ sɩ ŋaa wɩaa liise. Ba bɩ ŋ chono-la sɩ bɩ dɛrɛ ma wɩaa liise, aŋ lɩɩ ŋ-na Wɩa sɩ kɩɩ kʋŋkala harɩŋ Mʋgʋ-fɩaŋ leriŋ.

WƖA YƖƖLAA 130:4

Ama ŋ nɛ joŋ wɩaa chɩchɛla, ŋɩɩ wɩaa ʋ maga dɩ la fáŋ.

WƖA YƖƖLAA 78:10

Ba fa bɩ nii-la Wɩa sɩ bile ʋ dɩ ba pɛgɛ ka to a vɩa dɩ ba to wombii-la ʋ sɩ bile dɩ ba tuto.

WƖA YƖƖLAA 78:11

Ba fa yʋ wɩalɩŋ ʋ sɩ ŋaa nɛ, wʋkpuŋkperisi-la ʋ sɩ ŋaa dagɛba.

WƖA YƖƖLAA 78:38

Ama Wɩa fa ha fá ʋ nɩaa nenige nɛ, a joŋ ba wʋbɔŋŋɔɔ chɛba, a bɩ ba cheye. Naansɩɩŋ yʋga nɛ ʋ sɩ nyalɩma a bɩ baanɩŋ ka na ba nyuŋ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

MOSIS KƐŊ IZIRAL TƖŊŊAA LƖƖ 32:9

Ŋɩɩ nɛ La TƖƖNA bɩra bʋla pɩ Mosis, “Mɩ jɩŋ nɩaa deemba nɛ, ba ŋaa nyu-duo tɩmma nɛ.

NAMAGABA 1:24

Ama mɩ sɩ yɩrɛma ma vɩa wɩaa, mɩ kɛŋ mɩ nɩsɩŋ yɩa, ka ma kʋŋkala bɩ kɛnɛ.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

ƐZƖKƖƐL 5:6

Ama a tɩŋ ʋ bɔnsʋŋ wɩaa, ʋ vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ daga nɛ, a kɩɩ tinteye-la nɩaa sɩ gollu. Ʋ vɩa mɩ wombie-la mɩ sɩ bile nɛ, a bɩ wɩalɩŋ mɩ sɩ daga maa to.

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

JOWƐL 2:13

Má leŋ dɩ ma tʋɔŋ nɛ chei aŋ sɩ́ ma gɛnnɩŋ nɛ kɩɛsʋ. Má mɩɩra kɔ ma TƖƖNA Wɩa teeŋ, ʋ nɛ kɛŋ zile, a fɩfá nɩaa nenige. Ʋ baanɩŋ bɩ lɩma lɩma ka sii, aŋ cho nɩaa ma woruŋ. Ʋ yie kɛŋ ʋ tɩtɩa hɛ dɔŋɔ dɩ ʋ joŋ wɩaa chɛla nɛ bʋa na-kala a bɩ chɛ ʋ dɔgɩsɛla.

LEVI DOHO NƖAA 26:44

Arɩ ŋɩɩ kala, dɩ ba nɛ hɛ ba dʋndɔŋŋɔɔ tinteeŋ lɛ, mɩ bɩ jaŋ vɩaba ta koo a bɛrɛba a cheiba, dɩ ŋɩɩ leŋ nii-la sɩ hɛ mɩ dɩ ba pɛgɛ chei. Mɩ nɛ ba TƖƖNA Wɩa.

NAHUM 1:3

La TƖƖNA baanɩŋ bɩ lɩma lɩma ka sii, ama ʋ kɛŋ doluŋ nɛ woruŋ. Ʋ bɩ jaŋ leŋ nɩalɩŋ sɩ ŋaa wɩaa chei pɛɩ, ʋ jaŋ dɔgɩsɛba. Ʋ wombiiŋ hɛ pel-vinvilimiŋ arɩ duoŋ-peliŋ tʋɔŋ nɛ, ʋ naasɩŋ bʋmbʋgʋŋ nɛ duoŋ-bɩlɩmbaanaa.

NAMBABA 14:11

La TƖƖNA pɩɛsɛ Mosis, “Ɛɛ nɛ nɩaa deemba chɛ dɩ ba vɩamɛ a diene magɛ? Bɛɛ nɛ tɩɩ nɩaa deemba bɩ mɩ laa dii arɩ mɩ sɩ ŋaa wʋkpuŋkperisiŋ arɩ wʋmagɩlaa magɛ ŋɩɩ ba tʋɔŋ?

NAMBABA 14:41

Ŋɩɩ nɛ Mosis bʋl, “Bɛɛ nɛ tɩɩ ma bɩ chɛ dɩ ma to La TƖƖNA niiŋ? Dɩ ma nɩɩ ŋaa ŋɩɩ, ma bɩ jaŋ na wʋzɔŋ.

NAMBABA 16:14

Ŋ sɩ sɩ ŋ jaŋ kɛnla mʋ tintee-la sɩ kɛŋ kɩaa woruŋ dɩ la kɛŋ la tɩtɩa tɩɩnɛnɛɛ bagɩsɩŋ arɩ ŋmaŋkaanɩŋ, ŋ kɛŋ la mʋ nɛ aŋ chɩchɛ dɩ ŋ nyɩnyɩsɛ laa? La bɩ kɔ.”

Tɩntɩŋŋaa 7:39

Ama La naabalɩmaba vɩa Mosis niiŋ nɛ aŋ joŋ ba harɩŋ yɩaʋ, ba tʋɔbɩɩnaa kala fa cho dɩ ba fa mɩɩra mʋ Ijipiti tinteeŋ nɛ.

Rom Tɩŋŋaa 9:15

Wɩa fa bʋla pɩ Mosis, “Nɩalɩŋ mɩ sɩ lɩɩsa dɩ mɩ fá ba bunso, mɩ jaŋ fá ba bunso. Nɩalɩŋ ma mɩ sɩ lɩɩsa dɩ mɩ fá ba nenige, mɩ jaŋ fá ba nenige.”

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.

1 SAMƲƐL 12:22

A tɩŋ La TƖƖNA yɩrɩ-balɩŋ wɩaa, ʋ bɩ jaŋ kɔ dɩ ʋ vɩa ʋ nɩaa ta, ʋ tʋɔtɔrʋŋ lɛ nɛ ʋ lɩɩsɛma ma ŋaa ʋ nɩaa.