NƐHƖMAAYA 9:16 - WƖA TENIŊ

¹⁶ Ama la naabalɩmaba ŋaa nyu-duo tɩmma nɛ a kɛŋ babii-ballɩŋ a bɩ dagɩŋ ka nɩɩ, a vɩa dɩ ba to ŋ niiŋ.

NƐHƖMAAYA 9:16 ပူးပေါင်းရင်းမြစ်များ

2 KUOROO 17:14

Ama Iziral tɩŋŋaa fa bɩ jegile nɩɩ. Ba nyuŋ fa dolie a nagɛ ba nyɩmmaba-la sɩ bɩ ba TƖƖNA Wɩa wɩaa laa dii nɛ.

2 IZIRAL TƖŊŊAA NAABARƖŊ 29:6

La nyɩmmaba fa bɩ wʋtɩtɩɩ kɛnɛ La TƖƖNA Wɩa teeŋ, ba faa ŋaa wɩalɩŋ sɩ bɩ ʋ tʋɔŋ ka tɔrɛ nɛ. Ba fa vɩa La TƖƖNA dɩɩ-bal-la ta nɛ aŋ joŋ harɩŋ yɩa La TƖƖNA.

2 IZIRAL TƖŊŊAA NAABARƖŊ 30:8

Má sɩ́ nyuduoŋ kɛŋ a nagɛba. Má joŋ ma tɩtɩa a hɛ La TƖƖNA nɩsɩŋ lɛ. Má kɔ La TƖƖNA dɩɩ-bal-la ʋ sɩ leŋe ʋ bɩ disiniŋ kɛnɛ a kaa mʋ wuu. Má chʋɔlɛ La TƖƖNA ma Wɩa, dɩ baaŋ-la ʋ sɩ faasa na ma nyuŋ fɩɛlɛ.

2 IZIRAL TƖŊŊAA NAABARƖŊ 36:13

Zedikaaya fa vɩa kuoro Nebukadineza ma niiŋ nɛ, nɩɩ-la sɩ leŋe ʋ ŋmɩɛsɛ Wɩa yɩrɩŋ lɛ arɩ ʋ jaŋ tou arɩ wʋtɩtɩɩ. Ʋ fa kɛŋ nyuduoŋ nɛ a vɩa dɩ ʋ bɩrɩmɛ ʋ tʋɔŋ a to La TƖƖNA, Iziral tɩŋŋaa Wɩa.

NƐHƖMAAYA 9:10

Ŋ ŋaa wʋmagɩlaa arɩ wʋkpuŋkperisiŋ nɛ Ijipiti kuoro, ʋ tɩntɩnnɩ-hɩasɩŋ arɩ ʋ nɩaa kala lɛ, bɛɛ wɩaa ŋ jɩŋ ŋɩɩ Ijipiti tɩŋŋaa sɩ wʋrɩgɛ ba nɛ. Ŋ laa yɩrɩŋ a pɩ ŋ tɩtɩa nɛ a kaa kɔ arɩ jɩnɩŋ kala.

NƐHƖMAAYA 9:29

Ŋ chagɩlɛ ba nɛ arɩ ba mɩɩra kʋ to ŋ wombiiŋ ŋ sɩ bile dɩ ba tuto, ama ba bigisi ba tɩtɩa lɛ nɛ a bɩ ŋ niiŋ to. Ba vɩa ŋ wombie-la nɩa sɩ jaŋ to a kɛŋ mɩɩsɩŋ nɛ, aŋ ha ŋɩŋaa wʋbɔŋŋɔɔ. Ba kɛŋ nyuduoŋ arɩ dɩgɩlɩŋ-bɩnɩɩ nɛ a joŋ harɩŋ yɩaŋ a bɩ chɛ dɩ ba jegile nɩɩ.

WƖA YƖƖLAA 106:6

La ŋaa wʋbɔŋŋɔɔ nɛ arɩ la naabalɩmaba fa sɩ ŋaa ŋɩɩ. La ŋaa nɩbɔmɔ nɛ a ŋaa wʋbɔŋŋɔɔ.

WƖA YƖƖLAA 81:8

Mɩ nɩaa Iziral tɩmma, má nɩɩ, mɩɩ chɛ dɩ mɩ chagɩlɛma nɛ, mɩ cho dɩ ma jegile nɩɩ mɩ teeŋ nɛ.

MOSIS KƐŊ IZIRAL TƖŊŊAA LƖƖ 15:26

Ʋ sɩ, “Dɩ ma nɛ jaŋ jegile nɩɩ mɩ-na ma TƖƖNA Wɩa niiŋ woruŋ a ŋɩŋaa wɩaa ba bʋa lɛ, a to wɩalɩŋ kala mɩ sɩ dagɛma, mɩ bɩ jaŋ joŋ nyanyalɩa-la mɩ sɩ joŋo hɛ Ijipiti tɩŋŋaa lɛ a hɛ ma lɛ. Mɩ nɛ ŋaa ma TƖƖNA, mɩ nɩɩ vaarɛ ma nyanyalaa.”

MOSIS KƐŊ IZIRAL TƖŊŊAA LƖƖ 32:9

Ŋɩɩ nɛ La TƖƖNA bɩra bʋla pɩ Mosis, “Mɩ jɩŋ nɩaa deemba nɛ, ba ŋaa nyu-duo tɩmma nɛ.

NAMAGABA 29:1

Dɩ ŋ nyuŋ nɛ dolie, dɩ ba tʋrʋŋ tʋrʋŋ lɔl, ŋ jaŋ kʋʋ jɩŋ dɩ ba guu chei ŋ kala. Wɩɩkala tuo sɩ jaŋ laaŋ ta.

AZAAYA 48:18

Dɩ ma nɛ fa jegile nɩɩ wɩalɩŋ mɩ sɩ dagɛma, a kɛmba tɩŋ, wɩaa fa jaŋ vɛŋ woruŋ pɩma a nagɛ fuoŋ sɩ suo a pɩpɛllɛ.

AZAAYA 48:4

Mɩ jɩma ma nyuŋ dolie nɛ woruŋ a nagɛ hɔɔŋ.

AZAAYA 63:10

Ka ba vɩa ʋ niiŋ, aŋ ŋaa Wɩa Dɩŋ-zɔmʋŋ tʋɔŋ chei. Ŋɩɩ nɛ ʋ bɩrɩmɛ ba dʋndɔŋ a tɩtɩa sii chɩŋ ba lɛ a yuoba.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 2:31

Iziral tɩmma, má jegile nɩɩ wɩɩ-la mɩ sɩɩ pɩɛsɛma: Mɩ wɩaa hɛyɛ ma teeŋ a nagɛ tintee-hɩlɩŋ wɩaa sɩ hɛyɛ ŋɩɩ nɛ, koo mɩ wɩaa lɔrɛ ma teeŋ a nagɛ birimiŋ wɩaa sɩ lɔrɔ ŋɩɩ nɛ? Bɛɛ nɛ saa tɩɩ ma bʋl: La laa la tɩtɩa nɛ ŋ nɩsɩŋ lɛ dɩ la gɔllɔ ta jɩa, a bɩra bɩ jaŋ mɩɩra kɔ ŋ teeŋ?

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

ƐZƖKƖƐL 5:6

Ama a tɩŋ ʋ bɔnsʋŋ wɩaa, ʋ vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ daga nɛ, a kɩɩ tinteye-la nɩaa sɩ gollu. Ʋ vɩa mɩ wombie-la mɩ sɩ bile nɛ, a bɩ wɩalɩŋ mɩ sɩ daga maa to.

Tɩntɩŋŋaa 7:51

Ŋɩɩ nɛ Sɩtɩɩvɩŋ bʋl, “Ma nyuŋ dolie kɩŋkɛŋ nɛ. Ma dɩgɩlaa ma kparɩmɛ. Ma tʋɔŋ ma dol arɩ nɩalɩŋ sɩ bɩ Wɩa jɩŋ. Ma ma yie vɩa ma to Wɩa Dɩŋ-zɔmʋŋ lɛ, arɩ ma naabalɩmaba fa sɩ ŋaa ŋɩɩ.

Rom Tɩŋŋaa 2:5

Ma tʋɔŋ dolie. Ma vɩa dɩ ma bɩrɩma lɩɩ ma wʋbɔŋŋɔɔ lɛ nɛ. Ma wasa ŋaa Wɩa baanɩŋ faasa sisii nɛ. Tapʋlɩɩ-la ʋ sɩ jaŋ dii dʋnɩa nɩaa sarɩya, ʋ jaŋ dii sarɩya arɩ wʋtɩtɩɩ dɩ nɩaa na.

MOSIS BƖRA WULLI WƖA WOMBIIŊ 31:27

Mɩ jɩma ma ŋaa nyu-duo tɩmma nɛ a bɩ dagɩŋ ka nɩɩ. Mɩ ha sɩ hɛ mɩ mɩɩsɩŋ lɛ ka ma vɩa La TƖƖNA niiŋ ŋ-la, ɛɛ nɛ ʋ jaŋ nagɛ dɩ mɩ nɛ sʋba?

MOSIS BƖRA WULLI WƖA WOMBIIŊ 32:15

Ma Iziral tɩŋŋaa dii kɩaa deemba nɛ a nɛrɛ woruŋ aŋ joŋ harɩŋ yɩa Wɩa sɩ dolie a nagɛ bʋŋ a ŋaama, aŋ vɩa ma Laataara.

MOSIS BƖRA WULLI WƖA WOMBIIŊ 5:29

Dɩ ba nɛ jaŋ kɛŋ ŋɩɩ naaŋ lɛ a zizilmi, aŋ tuto wɩalɩŋ mɩ sɩ daga, ŋɩɩ fa jaŋ leŋ dɩ wɩaa vɛŋ woruŋ a pɩ ba dɩ ba biiriŋ kala a kaa mʋ wuu.

MOSIS BƖRA WULLI WƖA WOMBIIŊ 9:13

Ŋɩɩ nɛ La TƖƖNA bɩra bʋla pɩmɛ, “Mɩ jɩŋ nɩaa deemba nɛ, ba ŋaa nyu-duo tɩmma nɛ woruŋ.

MOSIS BƖRA WULLI WƖA WOMBIIŊ 9:27

Liisi ŋ tɩntɩnnaa Abɩraham, Aɩzɩk arɩ Jekɔb wɩaa, aŋ sɩ́ nɩaa deemba nyuduoŋ, ba wʋbɔŋŋɔɔ arɩ ba wʋcheelee wɩaa beŋ.

MOSIS BƖRA WULLI WƖA WOMBIIŊ 9:6

Má jɩŋ arɩ ma tʋɔpʋla wɩaa dee bɩ tɩɩ ma TƖƖNA Wɩa joŋ tintee-zɔmʋŋ deeŋ a pɩma. Ma paala ŋaa nyu-duo tɩmma nɛ.

Hiburu TƖŊŊAA 3:13

Ama má pɛ dɔŋɔ lɛ tapʋlɩɩ-na kala a lɩɩ jɩnɩŋ a kaa mʋmʋ, dɩ wʋbɔŋŋɔɔ sɩ́ wuo nyɩsɛ ma kʋŋkala a leŋ dɩ ma ŋaa sɩɩ-duo wɩaa Wɩa sɩpaaŋ.

Hiburu TƖŊŊAA 3:15

Wɩalɩŋ ba sɩ bʋla Wɩa teniŋ tʋɔŋ nɛ ŋ-la: “Jɩnɩŋ, dɩ ma nɛ kɔ dɩ ma nɩɩ Wɩa yikoro, má sɩ́ sɩɩ-duoŋ kɛŋ a nagɛ ma naabalɩmaba fa sɩ kɛŋ sɩɩ-duoŋ a lɩɩ Wɩa harɩŋ ŋɩɩ.”