NƐHƖMAAYA 9:10 - WƖA TENIŊ

¹⁰ Ŋ ŋaa wʋmagɩlaa arɩ wʋkpuŋkperisiŋ nɛ Ijipiti kuoro, ʋ tɩntɩnnɩ-hɩasɩŋ arɩ ʋ nɩaa kala lɛ, bɛɛ wɩaa ŋ jɩŋ ŋɩɩ Ijipiti tɩŋŋaa sɩ wʋrɩgɛ ba nɛ. Ŋ laa yɩrɩŋ a pɩ ŋ tɩtɩa nɛ a kaa kɔ arɩ jɩnɩŋ kala.

NƐHƖMAAYA 9:10 ပူးပေါင်းရင်းမြစ်များ

NƐHƖMAAYA 9:16

Ama la naabalɩmaba ŋaa nyu-duo tɩmma nɛ a kɛŋ babii-ballɩŋ a bɩ dagɩŋ ka nɩɩ, a vɩa dɩ ba to ŋ niiŋ.

NƐHƖMAAYA 9:29

Ŋ chagɩlɛ ba nɛ arɩ ba mɩɩra kʋ to ŋ wombiiŋ ŋ sɩ bile dɩ ba tuto, ama ba bigisi ba tɩtɩa lɛ nɛ a bɩ ŋ niiŋ to. Ba vɩa ŋ wombie-la nɩa sɩ jaŋ to a kɛŋ mɩɩsɩŋ nɛ, aŋ ha ŋɩŋaa wʋbɔŋŋɔɔ. Ba kɛŋ nyuduoŋ arɩ dɩgɩlɩŋ-bɩnɩɩ nɛ a joŋ harɩŋ yɩaŋ a bɩ chɛ dɩ ba jegile nɩɩ.

WƖA YƖƖLAA 83:18

Leŋ dɩ ba jɩŋ arɩ ŋ dʋndʋŋa nɛ La Tɩɩna Wɩa sɩ kɩɩ kʋŋkala a hɛ nɩmɛ a bibeŋ dʋnɩa kala.

MOSIS KƐŊ IZIRAL TƖŊŊAA LƖƖ 18:11

Lɛɛlɛ mɩ jɩma arɩ La TƖƖNA nɛ kɩɩ vesiŋ kala, bɛɛ wɩaa ʋ laa Iziral tɩŋŋaa ta nɛ Ijipiti tɩŋŋaa nɩsɩŋ lɛ, nɩalɩŋ fa sɩɩ ŋaa sɩɩ-jʋʋ wɩaa ba lɛ.”

MOSIS KƐŊ IZIRAL TƖŊŊAA LƖƖ 3:20

Mɩ jaŋ joŋ mɩ doluŋ a fʋgɛ Ijipiti tɩŋŋaa, a ŋaa wʋmagɩlaa Ijipiti tinteeŋ lɛ. Ŋɩɩ harɩŋ, ʋ jaŋ leŋ dɩ ma mʋ.

MOSIS KƐŊ IZIRAL TƖŊŊAA LƖƖ 5:2

Ŋɩɩ nɛ Ijipiti tinteeŋ kuoro pɩɛsɛ, “Kʋbɛɛ nɛ ŋaa ma TƖƖNA, aa chɛ dɩ mɩ sɛɩ ʋ niiŋ, a leŋ dɩ ma mʋ? Mɩ bɩ ma TƖƖNA jɩŋ, mɩ bɩ jaŋ leŋ dɩ Iziral tɩŋŋaa mʋ.”

MOSIS KƐŊ IZIRAL TƖŊŊAA LƖƖ 7:1

Ŋɩɩ nɛ La TƖƖNA bʋla pɩ Mosis, “Bee na, mɩ ŋaa ŋ nagɛ mɩ-na Wɩa nɛ Ijipiti tinteeŋ kuoro teeŋ, ka ŋ naambie Arɔŋ ŋaa ŋ wʋlaabʋlla.

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

AZAAYA 42:20

Ma Iziral tɩŋŋaa, ma na wɩaa a yʋgɛ nɛ, aŋ vɩa dɩ ma chɩna gbɛrɛ wɩalɩŋ, ma dɩgɩlaa suro nɛ, ka ma bɩ wɩɩkala ka nɩɩ.”

AZAAYA 63:12

Nɩɩ-la sɩ joŋ ʋ doluŋ a pɩ Mosis, ʋ leŋ mʋga-la fa sɩ pɩŋ ba sɩpaaŋ kpaa balɩa, dɩ ʋ laa yɩrɩ-la sɩ bɩ dɛrɛ a pɩ ʋ tɩtɩa,

AZAAYA 63:14

a nagɛ ba sɩ yie daa nɛsɩŋ kaa mʋ fuonaaŋ ba dii ya-fɩɛlɩŋ aŋ pɩnaa wiesi ŋɩɩ, ŋ Dɩma pɩ ŋ nɩaa wiese nɛ. Ŋ-la nɛ ŋ beŋ ŋ nɩaa nyuŋ a laa yɩrɩ-bal-la sɩ bɩ dɛrɛ.

JƐRƖMAAYA 32:20

Ŋ ŋaa wʋmagɩlaa arɩ wʋkpuŋkperisiŋ nɛ Ijipiti tinteeŋ lɛ, aŋ ha ŋɩŋaaba a kaa kɔ jɩnɩŋ, Iziral tɩŋŋaa arɩ dʋnɩa nɩaa kala tʋɔŋ. Ŋɩɩ leŋ ŋ laa yɩrɩ-balɩŋ lee-kala.

ƐZƖKƖƐL 20:9

Ama a tɩŋ mɩ yɩrɩŋ wɩaa, mɩ fa ŋaa wɩɩ-la sɩ jaŋ leŋ dɩ mɩ yɩrɩŋ sɩ́ chei nɛ, dɩ tinteye-la nɩaa tʋɔŋ ba sɩ guolo na, nɩalɩŋ tʋɔŋ mɩ sɩ kɛŋ mɩ tɩtɩa dagɛ Iziral tɩŋŋaa aŋ kɛmba kaa lɩɩ Ijipiti tinteeŋ lɛ.

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

DANƖƐL 9:15

La TƖƖNA Wɩa, ŋ nɛ kɛŋ ŋ naduo-la a kɛŋ ŋ nɩaa kaa lɩɩ Ijipiti tinteeŋ lɛ a laa yɩrɩŋ pɩ ŋ tɩtɩa a kaa kɔ arɩ jɩnɩŋ. La ŋaa wʋbɔŋ nɛ, la cheye nɛ.

Tɩntɩŋŋaa 7:36

Mosis ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ, aŋ-na kɛsɛ ʋ nɩaa lɩɩ Ijipiti tʋɔŋ. Ʋ fa ŋaa wʋmagɩlaa arɩ wʋkpuŋkperisiŋ nɛ mʋgʋ-bal-la ba sɩɩ yɩrɛ Mʋgʋ-fɩaŋ arɩ tintee-hɩlɩɩ-la lɛ ba sɩ baara jɩsɩŋ mahɩŋ balɩa.

Rom Tɩŋŋaa 9:17

bɛɛ wɩaa ba ŋmʋnsɛ Wɩa teniŋ tʋɔŋ a tɩgɛ Faaro lɛ arɩ Wɩa bʋla pʋ, “Wɩɩ-la sɩ tɩɩ mɩ leŋ ŋ dii kuoruŋ nɛ ŋ-la: mɩ ŋaa ŋɩɩ dɩ mɩ wuo to ŋ lɛ nɛ a dagɛ mɩ doluŋ, dɩ ba yɩrɛ mɩ yɩrɩŋ dʋnɩa kala lɛ.”

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

MOSIS BƖRA WULLI WƖA WOMBIIŊ 7:19

Ma na wʋkpuŋkperisi-la arɩ wʋmagɩla-la arɩ wʋduoru-la La TƖƖNA Wɩa sɩ kɛŋ ʋ doluŋ ŋaa nɛ, aŋ kɛmma kaa kʋ lɩɩ Ijipiti tinteeŋ lɛ. Wɩalɩŋ tɩtɩa nɛ ma TƖƖNA Wɩa jaŋ joŋo ŋaa nɩalɩŋ ma sɩɩ fá lɛ.

1 Pɩɩta 5:5

Ma bapʋɔsɩ-biisiŋ ma, má joŋ ma tɩtɩa hɛ ma nɩhɩasɩŋ nɩsɩŋ lɛ. Má kala kɛŋ ma tɩtɩa muuri dɔŋɔba teeŋ. Má liisi arɩ Wɩa teniŋ tʋɔŋ ba bʋla, “Wɩa lɩɩ nɩalɩŋ sɩɩ bigisi ba tɩtɩa lɛ harɩŋ nɛ, ama nɩalɩŋ sɩ kɛŋ ba tɩtɩa muuri, ʋʋ pɛ ba lɛ nɛ.”