NƐHƖMAAYA 8:9 - WƖA TENIŊ

⁹ Nɩalɩŋ sɩ nɩɩ Wɩa wombii-la, ba yaraa vɛŋ ba suomo yiyel. Ŋɩɩ nɛ Nɛhɩmaaya sɩ ŋaa ba tinteeŋ nɩhɩaŋ, Ɛzɩra, Wɩɩsʋllɩ sɩpaalaara, aŋ pɛ ŋaa Wɩa teniŋ kerichi arɩ Levi doho nɩalɩŋ sɩ dagɛ wɩalɩŋ bʋbʋɔŋ pɩpɩ nɩalɩŋ bʋla pɩba, “Jɩnɩŋ ŋaa tapʋl-zɔŋ nɛ a pɩ ma TƖƖNA Wɩa, ŋɩɩ wɩaa ma bɩ maga dɩ ma yel koo dɩ ma tʋɔŋ chei.”

NƐHƖMAAYA 8:9 ပူးပေါင်းရင်းမြစ်များ

2 KUOROO 22:11

Kuoro Josaaya sɩ nɩɩ wɩalɩŋ sɩ hɛ Wɩa wombiee teŋ-la tʋɔŋ, ʋ kɛŋ ʋ gɛnnɩŋ kɩɛsɛ aa dagɛ tʋɔ-cheeŋ.

2 KUOROO 22:19

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ-na ma TƖƖNA sɩpaaŋ, ŋ sɩ nɩa arɩ mɩ jaŋ chei Jerusalɛm arɩ ʋ nɩaa, ka dɩ lee-la pɩŋ jikpeeŋ, ŋ kɛŋ ŋ gɛnnɩŋ kɩɛsɛ a yel mɩ sɩpaaŋ, ŋɩɩ wɩaa mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

2 IZIRAL TƖŊŊAA NAABARƖŊ 15:3

Ʋ fa diene kɩŋkɛŋ nɛ Iziral tɩŋŋaa sɩ bɩ Wɩɩ-tɩtɩɩ-la to, a bɩ nʋʋ sɩ ŋaa Wɩɩsʋllɩ sɩpaalaarʋ ma kɛnɛ dɩ ʋ dagɛba Wɩa wombiee ʋ sɩ bile dɩ ba tuto.

2 IZIRAL TƖŊŊAA NAABARƖŊ 30:22

Ŋɩɩ nɛ Hezikaaya bʋl wɩaa a nyaasɛ Levi doho nɩalɩŋ nyuŋ arɩ ba sɩ wuo kɛŋ jɩma a laa ba sɩpaaŋ ba dɛnnɛ La TƖƖNA. Tapʋlɩa-la balɩpɛ ba sɩ gbieli gbiele-la a sʋl nii-magɛ dɔŋɔ Wɩɩsʋlʋŋ, ba dii kʋdiilee nɛ aŋ dɛnnɛ La TƖƖNA, ba naabalɩmaba Wɩa.

2 IZIRAL TƖŊŊAA NAABARƖŊ 34:19

Kuoro Josaaya sɩ nɩɩ wɩalɩŋ sɩ hɛ Wɩa wombiiŋ teŋ-la tʋɔŋ, ʋ kɛŋ ʋ gɛnnɩŋ kɩɛsɛ aa dagɛ tʋɔ-cheeŋ.

2 IZIRAL TƖŊŊAA NAABARƖŊ 34:21

“Má mʋ chɛ na La TƖƖNA teeŋ a mʋ tɩgɛ wɩalɩŋ sɩ hɛ teŋ-la tʋɔŋ a pɩ mɩ dɩ Iziral nɩkaanaa arɩ Juda nɩaa. La TƖƖNA chaasa na baanɩŋ nɛ la nyuŋ, a tɩŋ la naabalɩmaba sɩ bɩ ʋ niiŋ wɩaa to. Ba bɩ wɩalɩŋ kala ba sɩ ŋmʋnsa hɛ teŋ-la tʋɔŋ to.”

2 IZIRAL TƖŊŊAA NAABARƖŊ 35:3

Ʋ yɩrɛ Levi doho nɩalɩŋ ba sɩ joŋo hɛ La TƖƖNA nɩsɩŋ lɛ, nɩalɩŋ sɩɩ dagɛ Iziral tɩŋŋaa Wɩa wombiee a bʋla pɩba, “Má joŋ Wɩa niiriŋ daga-la a kaa jʋʋ bil Wɩa dɩɩ-bal-la kuoro Devit nanʋala Solomoŋ sɩ saa tʋɔŋ. Ma bɩra bɩ jaŋ chʋŋʋ a bɩbaarɛ, ama ma jaŋ tɩma pɩpɩ ma TƖƖNA Wɩa arɩ ʋ nɩaa Iziral tɩŋŋaa.

ƐZƖRA 2:63

Tinteeŋ nɩhɩaŋ kiriba dɩ ba sɩ́ kʋdiile-la sɩ ŋaa Wɩa kʋzɔmɔ dii, see dɩ Wɩɩsʋllɩ sɩpaalaara kɛŋ Urim arɩ Tumim chɛ na.

ƐZƖRA 7:11

Teŋ-la kuoro Atazɛzɛs sɩ ŋmʋnsa joŋ dɔŋɔ pɩ Ɛzɩra nɛ ŋ-la. Ɛzɩra fa ŋaa Wɩɩsʋllɩ sɩpaalaarʋ nɛ, a dɩdagɛ nɩaa, a jɩŋ La TƖƖNA, Iziral tɩŋŋaa Wɩa wʋdagaa arɩ ʋ niiriŋ woruŋ:

NƐHƖMAAYA 10:1

Nɩalɩŋ sɩ joŋ ba neniee daŋ teŋ-la lɛ nɛ ŋ-la: Hakalɩa nanʋala Nɛhɩmaaya sɩ ŋaa ba tinteeŋ nɩhɩaŋ, Zedikaaya,

NƐHƖMAAYA 12:26

Nɩaa deemba kala fa hɛ nɩmɛ nɛ a tɩtɩŋ ba tɩntɩŋŋaa, bʋa-la lɛ Jesua nanʋala Joyakim fa sɩ ŋaa Wɩɩsʋllɩ sɩpaalaaraa nɩhɩaŋ. Ʋ fa ŋaa Jozadak ma nihiŋ nɛ. Bʋa-la tɩtɩa lɛ nɛ Nɛhɩmaaya fa ŋaa ba tinteeŋ nɩhɩaŋ, ka Ɛzɩra ma fa ŋaa Wɩɩsʋllɩ sɩpaalaara aŋ pɛ ŋaa Wɩa teniŋ kerichi.

NƐHƖMAAYA 7:65

Tinteeŋ nɩhɩaŋ kiriba dɩ ba sɩ́ kʋdiile-la sɩ ŋaa Wɩa kʋzɔmɔ dii, see dɩ Wɩɩsʋllɩ sɩpaalaara kɛŋ Urim arɩ Tumim chɛ na.

NƐHƖMAAYA 7:70

Dɩa dɩa nɩhɩasɩ-la dɔnsʋŋ ma fa chɛ kɩaa pɛ tɩntɩmɩɩ-la lɛ nɛ. Tinteeŋ nɩhɩaŋ pa sɛlɩmɛ yuŋuŋ sɩ ŋaa kilo chori nɛ, Wɩa dɩa tɩntɩnnɩ-gbansɩŋ ma mahɩŋ balɩa arɩ fii, Wɩɩsʋllɩ sɩpaalaaraa ma gɛnnɩŋ zɔɔ-banɔŋ arɩ mara arɩ fii.

NƐHƖMAAYA 8:2

Ŋɩɩ nɛ chɛŋ-pɛɩ tapʋl-bumbuŋ, Ɛzɩra sɩ ŋaa Wɩɩsʋllɩ sɩpaalaara kɛŋ teŋ-la kɔ nɩalɩŋ sɩ hilime sɩpaaŋ. Nɩalɩŋ fa ŋaa baalaa arɩ haalaa nɛ, a pɛ hambiisi-la sɩ waa a jaŋ wuo jɩŋ wɩaa sɩaa lɛ.

TƖƖCHA 3:4

Bʋa-la lɛ nɩaa sɩ jaŋ yel arɩ bʋa-la lɛ ba sɩ jaŋ mɔŋ. Bʋa-la lɛ ba sɩ jaŋ ŋmoo niiŋ arɩ bʋa-la lɛ ba sɩ jaŋ gbieli.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

HOSIA 4:6

Wɩaa jaŋ chei mɩ nɩaa a tɩŋ ba sɩ bɩ mɩ jɩŋ. Ma sɩ vɩa dɩ ma jɩmmɛ ŋɩɩ, mɩ ma vɩama nɛ arɩ ma ŋaa Wɩɩsʋllɩ sɩpaalaaraa. Ma sɩ vɩa mɩ wombii-la mɩ sɩ bile dɩ ma tuto ŋɩɩ, mɩ ma jaŋ vɩa ma biiriŋ.

LEVI DOHO NƖAA 23:24

“Bʋla pɩ Iziral tɩŋŋaa: ‘Chɛŋ-pɛɩ tʋɔŋ tapʋl bumbuŋ, ʋ maga dɩ má wiesi aŋ hilimi mɩ yɩrɩŋ lɛ a ŋmʋʋ banyile a gbieli.

MALAKAƖ 2:13

Wɩɩ-la dɔŋɔ ma sɩ ŋaa nɛ ŋ-la: Ma yie yel sɩlɩɩrɩŋ su La TƖƖNA koruŋ nɛ, a chaasa yiyel a ŋmuŋmoo niiŋ a tɩŋ ʋ bɩra sɩ bɩ ma Wɩɩsʋlʋŋ ka laa wɩaa.

Rom Tɩŋŋaa 3:20

Nʋʋkala bɩ jaŋ wuo to wɩalɩŋ Mosis sɩ bile lɛ a kɛŋ tʋɔpʋla Wɩa sɩpaaŋ. Ama wɩalɩŋ Mosis sɩ bile dɩ nɩaa tuto nɛ dagɛla la jɩŋ arɩ nʋʋkala ka ŋaa wʋbɔŋŋɔɔ nɛ.

Rom Tɩŋŋaa 7:9

Bʋa-la lɛ mɩ fa ha sɩ bɩ wɩalɩŋ Mosis fa sɩ bile jɩŋ, mɩ fa weye nɛ. Ŋɩɩ nɛ mɩ kʋ jɩŋ wɩalɩŋ Mosis sɩ bile dɩ nɩaa tuto. Mɩ sɩ kʋ jɩŋ wɩalɩŋ ŋɩɩ, wʋbɔmʋŋ fa sɩ nagɛ kʋsʋʋ mɩ teeŋ, ʋ mɩɩra kʋ kɛŋ doluŋ a ŋaa mɩ nagɛ nɩsʋʋ.

MOSIS BƖRA WULLI WƖA WOMBIIŊ 12:12

Nɩmɛ nɛ ma jaŋ gbieli ma TƖƖNA Wɩa sɩpaaŋ. Ma dɩ ma biiriŋ arɩ ma dɩa tɩntɩnnaa arɩ Levi doho nɩalɩŋ sɩ hɛ ma tasɩŋ lɛ. Ma jɩma, ba bɩ tinteeŋ kpaalɩŋ kɛnɛ ma tʋɔŋ.

MOSIS BƖRA WULLI WƖA WOMBIIŊ 12:7

Nɩmɛ nɛ ma dɩ ma dɩa nɩaa jaŋ dii kɩalɩŋ ma TƖƖNA Wɩa sɩpaaŋ, aŋ jʋɔsɛ kɩalɩŋ kala ma sɩ kɛnɛ lɛ, bɛɛ wɩaa ma TƖƖNA Wɩa nɛ pɛ ma lɛ ma naba.

MOSIS BƖRA WULLI WƖA WOMBIIŊ 16:11

Ma dɩ ma biiriŋ, ma tɩntɩnnaa, baalaa arɩ haalaa, Levi doho nɩalɩŋ arɩ nɩwogusuŋ, biisinsiŋ arɩ yo-haala-la sɩ hɛ ma tʋɔŋ, ma kala maga dɩ má mʋ lee-la ma TƖƖNA sɩ jaŋ lɩɩsɛ dɩ ma zilu nɩmɛ a gbieli ʋ sɩpaaŋ.

MOSIS BƖRA WULLI WƖA WOMBIIŊ 26:14

Mɩ bɩ ŋ kpaal-la mʋa ma die mɩ sɩɩ yel yoho, mɩ bɩ mʋa ma lɩɩsa bʋa-la lɛ mɩ sɩ kɛŋ disiniŋ, mɩ bɩra bɩ ba mʋa ma joŋo a ŋaa Wɩɩsʋlʋŋ pɩ lɛlɛɛ. Mɩ to ŋ-na mɩ TƖƖNA Wɩa niiŋ nɛ, a ŋaa wɩalɩŋ kala ŋ sɩ dagɛmɛ.

Jeems 4:9

Má leŋ dɩ ma tʋɔŋ chei. Máa yel, aa ŋmoo niiŋ. Má leŋ dɩ ma tʋɔtɔrʋŋ bɩrɩmɛ tʋɔ-cheeŋ.