NƐHƖMAAYA 8:8 - WƖA TENIŊ

⁸ Ba fa karɩmɛ Wɩa wombiiŋ teŋ-la ʋ tʋʋlɛ nɛ woruŋ aŋ dagɛ wɩalɩŋ bʋbʋɔŋ dɩ nɩalɩŋ wuo jɩŋ.

NƐHƖMAAYA 8:8 ပူးပေါင်းရင်းမြစ်များ

2 KUOROO 23:2

Ba mʋ La TƖƖNA dɩɩ-bal-la, a pɛ Wɩɩsʋllɩ sɩpaalaaraa arɩ Wɩa wʋlaabʋllaa lɛ, Jerusalɛm arɩ Juda tinteeŋ nɩbalaa arɩ nɩbiisiŋ kala. Nɩmɛ nɛ Josaaya karɩmɛ Wɩa wombiee teŋ-la kala ba sɩ na La TƖƖNA dɩɩ-bal-la lɛ, nʋʋkala nɩɩ.

ƐZƖRA 4:18

“Teŋ-la ma sɩ ŋmʋnsa pɩla, ba karɩmʋ mɩ sɩpaaŋ, a kaa bɩrɩmɛ mɩ yikoro lɛ a pɩmɛ nɛ.

NƐHƖMAAYA 8:12

Ŋɩɩ nɛ nɩalɩŋ kala mʋ dɩ ba dii kɩaa aŋ nyʋa kɩaa a gbieli arɩ tʋɔtɔrʋŋ, aŋ pɛ ŋaa kʋdiile-la pɩ ba dɔnsʋŋ tɩŋŋaa, bɛɛ wɩaa ba nɩɩ wɩalɩŋ kala ba sɩ karɩma pɩba sɩaa nɛ.

NƐHƖMAAYA 8:7

Ŋɩɩ nɛ aŋ sii chɩŋ Levi doho nɩaa deemba dagɛ Wɩa wombie-la bʋbʋɔŋ a pɩba: Jesua, Banɩ, Sɛrɛbɩa, Jamɩŋ, Akub, Sabɛtaɩ, Hodia, Maasɛya, Kɛlɩta, Azarɩa, Jozabad, Hanaŋ arɩ Pɛlaaya.

NƐHƖMAAYA 8:9

Nɩalɩŋ sɩ nɩɩ Wɩa wombii-la, ba yaraa vɛŋ ba suomo yiyel. Ŋɩɩ nɛ Nɛhɩmaaya sɩ ŋaa ba tinteeŋ nɩhɩaŋ, Ɛzɩra, Wɩɩsʋllɩ sɩpaalaara, aŋ pɛ ŋaa Wɩa teniŋ kerichi arɩ Levi doho nɩalɩŋ sɩ dagɛ wɩalɩŋ bʋbʋɔŋ pɩpɩ nɩalɩŋ bʋla pɩba, “Jɩnɩŋ ŋaa tapʋl-zɔŋ nɛ a pɩ ma TƖƖNA Wɩa, ŋɩɩ wɩaa ma bɩ maga dɩ ma yel koo dɩ ma tʋɔŋ chei.”

NƐHƖMAAYA 9:3

Ba fa chɩŋ lee-la ba sɩ chɩna nɛ ka ba karɩmɛ ba TƖƖNA Wɩa wombiiŋ teŋ-la a mʋ yi hawa batori, aŋ bɩra kɛŋ hawa batori ma a dagɛ ba wʋbɔŋŋɔɔ aŋ chʋchʋɔlɛ ba TƖƖNA Wɩa.

ƐZƖKƖƐL 46:10

Sɩpaalaarʋ-la arɩ nɩalɩŋ kala maga dɩ ba to dɔŋɔ nɛ a kʋ jʋʋ. Dɩ ba nɛ bɩraa lɩɩ ma, ba kala maga dɩ ba bɩra to dɔŋɔ nɛ a lɩɩ.

HABAKU 2:2

Ŋɩɩ nɛ La TƖƖNA bʋla pɩmɛ, “Ŋmʋnsɛ wɩalɩŋ mɩ sɩ kaa dagɩŋ hɛ tabɩɩ-taalaa lɛ, a leŋ dɩ ba chaasa lɩɩ chɩŋ dɩ nʋʋ nɩɩ fá ma, dɩ ʋ wuo karɩmɛ a bʋla pɩ nɩaa.

Luuk 24:27

Ŋɩɩ nɛ Yesu dagɛ wɩalɩŋ kala ba sɩ ŋmʋnsa Wɩa teniŋ tʋɔŋ a tɩgɛ ʋ lɛ bʋbʋɔŋ a pɩba. Ʋ suomi teniŋ-la Mosis sɩ ŋmʋnsa a kaa mʋ tenni-la kala Wɩa wʋlaabʋllaa sɩ ŋmʋnsa lɛ.

Luuk 24:32

Ŋɩɩ nɛ ba bʋla pɩ dɔŋɔ, “La yaraa fa fɩɛla nɛ woruŋ ʋ sɩ bʋl wɩaa pɩpɩla wombiiŋ lɛ, aŋ pɛ dɩdagɛla Wɩa teniŋ wɩalɩŋ bʋbʋɔŋ.”

Luuk 24:45

Ŋɩɩ nɛ Yesu ŋaa ba kɛŋ wʋjɩmɩŋ dɩ ba wuo jɩŋ Wɩa teniŋ wɩaa bʋbʋɔŋ.

Tɩntɩŋŋaa 28:23

Ŋɩɩ nɛ ba hɛ tapʋlʋŋ pɩ Pɔɔl. Tapʋlɩɩ-la sɩ yie, nɩaa yʋga a kɔ lee-la Pɔɔl sɩɩ jʋʋ. Pɔɔl bʋl Wɩa kuorii-la wɩaa a pɩpɩba sɩɩfɩɛsɩŋ a lɩɩ chʋchʋɔŋ kala a kaa mʋmʋ dɩdaanɩŋ. Ʋ karɩmɛ wɩalɩŋ Mosis fa sɩ ŋmʋnsa bil dɩ nɩaa tuto, arɩ wɩalɩŋ Wɩa wʋlaabʋllaa fa sɩ ŋmʋnsa bil Wɩa teniŋ tʋɔŋ. Ʋ dagɛba ŋɩɩ a bʋl Yesu wɩaa pɩba, a wʋwalɩmɛ dɩ ba laa Yesu wɩaa dii.