NƐHƖMAAYA 8:3 - WƖA TENIŊ

³ Ʋ chɩŋ ba jaŋ dɩ-hilimii-la lɛ, Lɩɩŋ Boi-baal-la leriŋ nɩalɩŋ sɩpaaŋ a faasa karɩmɛ teŋ-la ʋ lɩɩ, a chɩŋ chʋchʋɔŋ a kaa mʋ wɩɩhɛyɛ, ka nɩalɩŋ kala kpil dɩgɩlaa a jijegili.

NƐHƖMAAYA 8:3 ပူးပေါင်းရင်းမြစ်များ

NƐHƖMAAYA 10:29

Ba kala pɛ ba sɩpaalaaraa lɛ a ŋmɩɛsɛ, dɩ ba nɛ vɩa nii-la dɩ ŋmɩaŋ-la diiba. Ba ŋmɩɛsa arɩ ba jaŋ fɩɛlɛ ba sɩaa a to wombie-la Wɩa sɩ to ʋ tɩntɩnna Mosis lɛ a joŋo pɩba, a pɛ wɩalɩŋ kala La TƖƖNA sɩ daga arɩ ʋ niiriŋ lɛ. Ba sɩ tɔ boŋ-la bʋl wɩɩ-la nɛ ŋ-la,

NƐHƖMAAYA 13:1

Tapʋlɩɩ-la ba faasa karɩmɛ teŋ-la Mosis sɩ ŋmʋnsa ʋ lɩɩ nɛ nʋʋkala nɩɩ. Teŋ-la tʋɔŋ nɛ ba na arɩ ʋ bɩ maga dɩ ba leŋ dɩ Amɔrɩ tɩɩna koo Mʋab tɩɩna kala guoli Wɩa nɩaa tʋɔŋ,

NƐHƖMAAYA 8:1

Nɩalɩŋ kala kʋ hilimi ba jaŋ dɩ-hilimiŋ arɩ nii-bala, Lɩɩŋ Boi-baal-la leriŋ. Ŋɩɩ nɛ ba bʋla pɩ Ɛzɩra sɩ ŋaa Wɩa tenniŋ kerichi, dɩ ʋ kɛŋ Wɩa wombiiŋ teŋ-la La TƖƖNA sɩ to Mosis lɛ a joŋo pɩ ba Iziral tɩŋŋaa kaa kʋ lɩɩ.

NƐHƖMAAYA 8:18

Tapʋlɩa-la kala, a chɩŋ tapʋl bumbuŋ kaa mʋ yi tapʋlɩa-la dɩdɛrɩŋ, Ɛzɩra karɩmɛ Wɩa wombiee teŋ-la nɛ. Ba fa gbieli gbiele-la tapʋlaa balɩpɛ nɛ, tapʋl-chori chɛɛŋ, ba hilimi arɩ Wɩa wombiiŋ teniŋ sɩ dagɛ ŋɩɩ.

NƐHƖMAAYA 8:4

Ba fa kɛŋ daasɩŋ nɛ a ŋaa kʋŋ ʋ sii je wɩɩ-la wɩaa, Ɛzɩra Wɩa teniŋ kerichi-la jɩla chɩŋ ʋ nyuŋ. Matɩtɩa, Sɛma, Anaaya, Yuria, Hɩlɩkaaya arɩ Maasɛya nɛ fa chɩŋ ʋ nadiiŋ sɛmɛ, ka Pedaaya, Mɩsɩɛl, Malɩkɩja, Hasum, Hasɩbadana, Zɛkarɩya arɩ Mesulam ma chɩŋ ʋ nagʋa sɛmɛ.

NƐHƖMAAYA 8:5

Ɛzɩra fa sɩ chɩŋ kʋ-la nyuŋ a je kɩɩ nɩalɩŋ kala ŋɩɩ, ba kala sɩaa fa pɛ ʋ lɛ nɛ. Ʋ sɩ kɛŋ teŋ-la suri, nɩalɩŋ kala sii chɩŋ.

Maak 12:37

Devit tɩtɩa yɩrɛ nɩa deeŋ ʋ Tɩɩna nɛ. Ɛɛ nɛ saa ʋ jaŋ wuo ŋaa ʋ nihiŋ dʋndʋŋ?” Yesu sɩɩ bʋl wɩaa, nɩaa yʋga a jegile nɩɩ ʋ teeŋ arɩ tʋɔtɔrʋŋ.

Luuk 19:48

Ama ba bɩ jɩŋ wombii-la ba sɩ jaŋ to, bɛɛ wɩaa nɩalɩŋ kala fa sɩ hɛ nɩmɛ jegile nɩnɩɩ wɩalɩŋ ʋ sɩɩ bʋl nɛ arɩ sɩɩfɩɛsɩŋ.

Luuk 8:18

Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ lɛ. Nɩɩ-la kala sɩɩ to Wɩa niiŋ wɩaa, Wɩa jaŋ faasa pɛ ʋ lɛ dɩ ʋ to woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la maa, ʋ jaŋ laaʋ kaa viiri.”

Tɩntɩŋŋaa 13:15

Ba sɩ hɔŋ ŋɩɩ, nʋʋ karɩmɛ wɩalɩŋ Mosis fa sɩ ŋmʋnsa bil dɩ nɩaa tuto, arɩ Wɩa tenni-la Wɩa wʋlaabʋllaa fa sɩ ŋmʋnsa. Ba sɩ karɩma dɛrɛ, Wɩɩchʋɔlɛ dɩa-la kʋhɩasɩŋ tɩŋ dɩ ba bʋla pɩba, “La naambiiriŋ, dɩ ma nɛ kɛŋ wɩɩ ma sɩ jaŋ bʋla pɩ nɩaa deemba dɩ ba nyuŋ nyaasɛ, má bʋl.”

Tɩntɩŋŋaa 13:27

Yesu sɩ kɔ, nɩalɩŋ sɩ hɛ Jerusalɛm lɛ arɩ ba kʋhɩasɩŋ fa bɩ jɩŋ arɩ ʋ nɛ ŋaa la Laataara. Ba bɩ Wɩa wʋlaabʋllaa wʋbʋlɩɩ-la bʋbʋɔŋ jɩŋ, wɩalɩŋ ba sɩ yie karɩmɛ chɛ-wiesii-la chɛɛŋ kala. Ama ba ha leŋe Wɩa wʋlaabʋllaa niiŋ wɩalɩŋ kʋ ŋaa wʋtɩtɩɩ, a kpʋ Yesu.

Tɩntɩŋŋaa 15:21

Ba dagɛ wɩalɩŋ Mosis fa sɩ bile dɩ la tuto tabiisi-la kala lɛ nɛ. Ba ŋaa ŋɩɩ faafaa kala nɛ a kaa kɔ jɩnɩŋ. Ba ma yie karɩmɛ wɩalɩŋ Wɩɩchʋɔlɛ dɩɩsɩŋ lɛ chɛ-wiesii-la chɛɛ na kala nɛ.”

Tɩntɩŋŋaa 16:14

Haala-la sɩ jegile nɩɩ wɩalɩŋ tʋɔŋ dɔŋɔ yɩrɩŋ nɛ fa Lidia. Ʋ lɩɩ Taataya tinteeŋ nɛ, a biri gɛnnɩŋ yɩyallɛ. Ʋ faa chʋɔlɛ Wɩa nɛ woruŋ. Ʋ sɩ nɩɩ wɩalɩŋ Pɔɔl fa sɩɩ bʋl, Wɩa suri ʋ tʋɔŋ, ʋ laa wɩalɩŋ dii.

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.

Tɩntɩŋŋaa 20:11

Ŋɩɩ nɛ ka Pɔɔl bɩra jɩl lusuŋ nyuŋ dɩa-la ba dii kʋdiile-la Kirisito fa sɩ sɩ ba dii a liliisi ʋ wɩaa. Ba sɩ dii dɛrɛ, ʋ bɩra kɛŋ wʋbʋlʋŋ halɩɩ taŋ pʋl, ʋ sii viiri.

Tɩntɩŋŋaa 20:7

Asibiri chɛɛŋ dɩdaanɩŋ la kala hɛ dɔŋɔ lɛ a dii kʋdiile-la Kirisito fa sɩ sɩ dɩ la didii a liliisi ʋ wɩaa. Ʋ taŋ nɩɩ pʋl dɩ Pɔɔl sii viiri. Ŋɩɩ nɛ ʋ bʋl wɩaa ŋɩɩ deeŋ deeŋ taŋ siesi.

Tɩntɩŋŋaa 28:23

Ŋɩɩ nɛ ba hɛ tapʋlʋŋ pɩ Pɔɔl. Tapʋlɩɩ-la sɩ yie, nɩaa yʋga a kɔ lee-la Pɔɔl sɩɩ jʋʋ. Pɔɔl bʋl Wɩa kuorii-la wɩaa a pɩpɩba sɩɩfɩɛsɩŋ a lɩɩ chʋchʋɔŋ kala a kaa mʋmʋ dɩdaanɩŋ. Ʋ karɩmɛ wɩalɩŋ Mosis fa sɩ ŋmʋnsa bil dɩ nɩaa tuto, arɩ wɩalɩŋ Wɩa wʋlaabʋllaa fa sɩ ŋmʋnsa bil Wɩa teniŋ tʋɔŋ. Ʋ dagɛba ŋɩɩ a bʋl Yesu wɩaa pɩba, a wʋwalɩmɛ dɩ ba laa Yesu wɩaa dii.

MOSIS BƖRA WULLI WƖA WOMBIIŊ 31:9

Ŋɩɩ nɛ Mosis ŋmʋnsɛ Wɩa wombie-la a joŋo pɩ Wɩɩsʋllɩ sɩpaalaaraa, Levi biiri-la sɩɩ chʋŋ La TƖƖNA niiriŋ daga-la a pɛ Iziral tɩŋŋaa sɩpaalaaraa kala lɛ.

1 Tɛsalonaaka Nɩaa 2:13

A tɩŋ wɩɩŋ deeŋ wɩaa, la yie lʋlɔllɛ Wɩa nɛ bʋa na-kala. La sɩ kɛŋ Wɩa wɩalɩŋ kʋ bʋla pɩma, ma laaba nɛ a sɛɩba. Ma bɩ ba joŋo arɩ ba ŋaa nuhuobiine wɩaa, ama ma sɛɩba arɩ ba sɛnɛ ŋaa Wɩa wɩaa nɛ, wɩalɩŋ ka tɩŋ ma nɩalɩŋ sɩ laaba dii lɛ nɛ.

JOSUA 8:35

Wɩalɩŋ kala Mosis fa sɩ daga, Josua bɩ ba kʋŋkala kere ta. Ba kala nɛ ʋ karɩmɛ a pɩ Iziral tɩŋŋaa, ba haalaa arɩ ba biiriŋ arɩ nɩwogusu-la kala fa sɩ hɛ ba tʋɔŋ.

Jɔɔŋ Wʋnaalaa 2:29

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dɩ aa hilimi Esia tinteeŋ lɛ.

Jɔɔŋ Wʋnaalaa 3:22

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi lee-kala Esia tinteeŋ lɛ.