NƐHƖMAAYA 8:17 - WƖA TENIŊ

¹⁷ Nɩalɩŋ kala fa sɩ mɩɩra lɩɩ yoŋ-baga kɔ hɛ lɛŋŋɛɛ a jʋjʋʋ. A lɩɩ bʋa-la lɛ Nuŋ nanʋala Josua fa sɩ hɛ nɩmɛ a kaa kɔ tapʋlɩɩ-la, Iziral tɩŋŋaa fa bɩ gbiele-la ŋɩɩ gbiele. Ba tʋɔŋ fa chaasa tɔrɛ nɛ woruŋ.

NƐHƖMAAYA 8:17 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:22

Tapʋlɩɩ-la nɩalɩŋ tʋɔŋ chaasa tɔrɛ nɛ ba dii kɩaa aŋ nyʋa kʋnyʋalaa La TƖƖNA sɩpaaŋ. Ba bɩra wasa lɩɩsɛ Solomoŋ, Devit nanʋala lɩa ʋ ŋaa kuoro a joŋ nʋʋŋ tɩsʋ La TƖƖNA sɩpaaŋ, aŋ lɩɩsɛ Zadɔk ma a joŋ nʋʋŋ tɩsʋ ʋ ŋaa Wɩɩsʋllɩ sɩpaalaara.

2 IZIRAL TƖŊŊAA NAABARƖŊ 30:26

Jerusalɛm kala fa ŋaa tʋɔtɔrʋ nɛ, bɛɛ wɩaa a chɩŋ Devit nanʋala Solomoŋ kuoruŋ bʋa lɛ a kaa kɔ, gbiele deeŋ nɛ ŋaa gbieli balɩŋ.

2 IZIRAL TƖŊŊAA NAABARƖŊ 35:18

Ba ha bɩ gbiele deeŋ doho gbiele a chɩŋ Wɩa wʋlaabʋlla Samʋɛl bʋa-la lɛ a kaa kɔ. Iziral kuoroo ma kʋŋkala ha bɩ gbiele deeŋ doho Josaaya arɩ Wɩɩsʋllɩ sɩpaalaaraa arɩ Levi doho nɩaa arɩ Juda arɩ Iziral nɩaa, a pɛ nɩalɩŋ kala sɩ hɛ Jerusalɛm lɛ sɩ gbiele.

2 IZIRAL TƖŊŊAA NAABARƖŊ 8:13

Ʋ fa sʋl kʋnyɩgaa Wɩɩsʋlʋŋ arɩ wɩalɩŋ Mosis sɩ ŋmʋnsa bil dɩ ba tuto sɩ daga dɩ ba ŋɩŋaa tapʋlɩɩ kala nɛ: Chɛ-wiesii-la chɛɛŋ, chɛŋ-falɩŋ gbiele arɩ gbiele-la batori ba sɩ yie vɛnɛɛ gbieli, boroboro sɩ bɩ sɩbʋrʋŋ kɛnɛ gbiele, yɔɔsʋŋ gbiele arɩ lɛŋŋɛɛ gbiele.

ƐZƖRA 3:4

Ŋɩɩ nɛ ba gbieli lɛŋŋɛɛ gbiele, a chɛ kʋnyɩgaa Wɩɩsʋlʋŋ kɩalɩŋ kala sɩ maga dɩ ba chɛ tapʋlɩɩ na-kala arɩ ŋɩɩ ba sɩ ŋmʋnsa bil.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

MOSIS BƖRA WULLI WƖA WOMBIIŊ 16:15

Má mʋ lee-la ma TƖƖNA Wɩa sɩ jaŋ dagɛma dɩ ma zizilu a gbieli gbiele-la tapʋlaa balɩpɛ. Má leŋ dɩ ma tʋɔŋ tɔrɛ, bɛɛ wɩaa ma TƖƖNA pɛ ma lɛ nɛ ma baga kɩaa wasɛ, a pɛ ma lɛ ma nɩsɩŋ tɩntɩŋŋaa ma kala lɛ.

Hiburu TƖŊŊAA 11:13

Nɩaa deemba kala laa Wɩa wɩaa dii nɛ aŋ-na sʋʋ. Ba bɩ kɩalɩŋ Wɩa sɩ sɩ ʋ jaŋ joŋo pɩba laa. Ba naba arɩ ba hɛ dɩ-bolii, ama ba laa dii arɩ maachie ba jaŋ laa kɩalɩŋ. Ba bɩra jɩma arɩ ba ŋaa nʋhʋɔraa nɛ, a ŋaa jʋjʋʋlɛ dʋnɩa deeŋ lɛ.

Hiburu TƖŊŊAA 11:9

Ʋ sɩ laa Wɩa wɩaa dii ŋɩɩ, ʋ mʋ hɔŋ tintee-la Wɩa sɩ sɩ ʋ jaŋ joŋo pʋ lɛ a nagɛ nʋhʋɔrʋ. Ʋ nanʋala Aɩzɩk arɩ ʋ nihiŋ Jekɔb ma fa hɔŋ lee-la tɩtɩa nɛ a ŋaa nʋhʋɔra. Ba fa hɛ lɛŋŋɛɛ nɛ a jʋjʋʋ. Wɩa fa bʋla arɩ ʋ jaŋ joŋ tintee-la pɩ ba kala nɛ.

Hiburu TƖŊŊAA 4:8

Bʋa-la lɛ ba naabalɩma Josua fa sɩ ŋaa Iziral tɩŋŋaa sɩpaalaara, ʋ bɩ ba wiese pa. Dɩ ʋ nɛ fa pɩba wiese, Wɩa fa bɩra bɩ jaŋ bʋl tapʋlɩɩ dɔŋ wɩaa.

JOSUA 1:1

La TƖƖNA tɩntɩnna Mosis sʋʋŋ harɩŋ lɛ, La TƖƖNA fa bʋl wɩaa a pɩ Nuŋ nanʋala Josua, nɩɩ-la fa sɩ pɛ Mosis lɛ ba tɩtɩŋ.