NƐHƖMAAYA 8:16 - WƖA TENIŊ

¹⁶ Ŋɩɩ nɛ nɩalɩŋ mʋ chɛ pɩpaarɩ-la kaa kɔ hɛ lɛŋŋɛɛ pɩ ba tɩtɩa ba lusunuŋ nyuŋ, ba kaalɩsɩŋ lɛ, Wɩa dɩa kaalɩsɩŋ lɛ, ba jaŋ dɩ-hilimiŋ Lɩɩŋ Boi-baal-la leriŋ, arɩ dɩ-hilimii-la dɔŋɔ ma sɩ hɛ Efirem Boi-baalɩŋ lɛ.

NƐHƖMAAYA 8:16 ပူးပေါင်းရင်းမြစ်များ

2 SAMƲƐL 11:2

Dɩdaaŋ kʋbala Devit sii doŋ lɛ a gʋgɔllɛ ʋ kuoru dɩa lusuŋ nyuŋ. Nɩmɛ nɛ ʋ hɛ aŋ na haal kʋbala dɩ ʋʋ fo lɩɩŋ. Haal-la fa zɔmɔ nɛ woruŋ.

2 KUOROO 14:13

ka Iziral tinteeŋ kuoro Jehuas sɩ ŋaa Jʋas nanʋala, a ŋaa Ahazɩa ma nihiŋ yuo kɛŋ Juda tinteeŋ kuoro Amazɩa Bɛf Sɛmɛs lɛ. Ŋɩɩ lɛ nɛ Jehuas mʋ ŋmoo jebii-la ba sɩ saa golli Jerusalɛm lo, a chɩŋ Efirem Boi-baalɩŋ a kaa mʋ yi Je-gʋnʋŋ Boi-baalɩŋ lɛ. Ʋ duomuŋ fa ŋaa arɩ naakieliŋ zɔɔ-balɩa nɛ.

2 IZIRAL TƖŊŊAA NAABARƖŊ 20:5

Ŋɩɩ nɛ Jehosafat sii chɩŋ Juda arɩ Jerusalɛm nɩalɩŋ kala sɩ kʋ hilimi La TƖƖNA dɩɩ-bal-la kaalɩ-falɩɩ-la sɩpaaŋ,

2 IZIRAL TƖŊŊAA NAABARƖŊ 33:5

Wɩa dɩɩ-bal-la kaalɩsɩ-la balɩa kala lɛ nɛ ʋ saa korunuŋ aa chʋɔlɛ wɩa-nyuŋ kɩaa.

NƐHƖMAAYA 12:37

Ba sɩ mʋ yi Lɩɩ-bulo Boi-baalɩŋ, ba ha mʋmʋ, a mʋ jɩl lusuŋ-chol-sɩa-la ba sɩ to jʋjʋʋ Devit taŋ-la, a joŋ jebii-la ŋɩɩ a mʋ kieli Devit dɩa a mʋ Lɩɩŋ Boi-baal-la sɩ hɛ wɩɩpɔsʋŋ dɩɩrɩŋ.

NƐHƖMAAYA 12:39

La lɩɩ nɩmɛ a mʋ Efirem Boi-baalɩŋ, a mʋ Jesana Boi-baalɩŋ, a mʋ Chenfilee Boi-baalɩŋ, a mʋ Hananɛl Dɩɩ-duduoŋ arɩ dɩɩ-leŋii-la ba sɩɩ yɩrɛ Zɔlɔ, a kɛŋ ŋɩɩ mʋ yi Piesee boi-baalɩŋ. La sɩ mʋ yi nɩalɩŋ sɩɩ pɔ leriŋ boi-baalɩŋ, la chɩŋ.

NƐHƖMAAYA 3:26

arɩ Wɩa dɩɩ-bal-la tɩntɩnnaa sɩ hɛ Ɔfɛl dundolo-la nyuŋ. Ba wasa saa ŋɩɩ nɛ a mʋ challɛ Lɩɩŋ Boi-baal-la sɩ hɛ wɩɩpɔsʋŋ dɩɩrɩŋ arɩ dɩɩ-leŋii-la sɩ chɔŋɔ lɩɩ.

NƐHƖMAAYA 8:1

Nɩalɩŋ kala kʋ hilimi ba jaŋ dɩ-hilimiŋ arɩ nii-bala, Lɩɩŋ Boi-baal-la leriŋ. Ŋɩɩ nɛ ba bʋla pɩ Ɛzɩra sɩ ŋaa Wɩa tenniŋ kerichi, dɩ ʋ kɛŋ Wɩa wombiiŋ teŋ-la La TƖƖNA sɩ to Mosis lɛ a joŋo pɩ ba Iziral tɩŋŋaa kaa kʋ lɩɩ.

NƐHƖMAAYA 8:3

Ʋ chɩŋ ba jaŋ dɩ-hilimii-la lɛ, Lɩɩŋ Boi-baal-la leriŋ nɩalɩŋ sɩpaaŋ a faasa karɩmɛ teŋ-la ʋ lɩɩ, a chɩŋ chʋchʋɔŋ a kaa mʋ wɩɩhɛyɛ, ka nɩalɩŋ kala kpil dɩgɩlaa a jijegili.

JƐRƖMAAYA 19:13

Jerusalɛm dɩɩsɩŋ arɩ Juda kuoroo dɩɩsɩŋ kala jaŋ kɛŋ disiniŋ a nagɛ Tɔfɛf. Ba dɩɩsɩ-la kala lɛ ba sɩ nyɩgɛ kʋsʋɔrʋsʋŋ lusuŋ-nyuŋ a pɩpɩ chɛnɛ arɩ chɛnwʋlaa aŋ ŋaa kʋnyʋalaa ma pɩpɩ ba vesiŋ kala jaŋ kɛŋ disiniŋ.’ ”

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

MOSIS BƖRA WULLI WƖA WOMBIIŊ 22:8

Dɩ ŋ nɛ saa dɩɩ-falɩŋ a yuo, saa kɛrɛ golli lusu-la chu, dɩ nʋʋ sɩ́ lusu-la nyuŋ lɩɩ tel a sʋʋ dɩ ba joŋ cheeriŋ pɩŋ.