NƐHƖMAAYA 8:12 - WƖA TENIŊ

¹² Ŋɩɩ nɛ nɩalɩŋ kala mʋ dɩ ba dii kɩaa aŋ nyʋa kɩaa a gbieli arɩ tʋɔtɔrʋŋ, aŋ pɛ ŋaa kʋdiile-la pɩ ba dɔnsʋŋ tɩŋŋaa, bɛɛ wɩaa ba nɩɩ wɩalɩŋ kala ba sɩ karɩma pɩba sɩaa nɛ.

NƐHƖMAAYA 8:12 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:22

Tapʋlɩɩ-la nɩalɩŋ tʋɔŋ chaasa tɔrɛ nɛ ba dii kɩaa aŋ nyʋa kʋnyʋalaa La TƖƖNA sɩpaaŋ. Ba bɩra wasa lɩɩsɛ Solomoŋ, Devit nanʋala lɩa ʋ ŋaa kuoro a joŋ nʋʋŋ tɩsʋ La TƖƖNA sɩpaaŋ, aŋ lɩɩsɛ Zadɔk ma a joŋ nʋʋŋ tɩsʋ ʋ ŋaa Wɩɩsʋllɩ sɩpaalaara.

NƐHƖMAAYA 8:10

Nɛhɩmaaya bɩra bʋla pɩba, “Má mʋ dii kʋdii-sɩŋŋaa, a nyʋa sɩ-zɔmʋŋ aŋ ŋaa dɔnsʋŋ mʋ pɩ nɩalɩŋ sɩ bɩ kʋŋ kɛnɛ. Jɩnɩŋ ŋaa tapʋl-zɔŋ nɛ a pɩ La TƖƖNA. Má sɩ́ leŋe dɩ ma tʋɔŋ chei, bɛɛ wɩaa tʋɔtɔrʋ-la ma sɩ kɛnɛ La TƖƖNA lɛ ʋ nɛ ŋaa ma doluŋ.”

NƐHƖMAAYA 8:11

Levi doho nɩaa nyagɛ nɩalɩŋ bɔyɛ a bʋl, “Má leŋ dɩ ma yaraa pɛ dɔŋɔ lɛ, jɩnɩŋ ŋaa tapʋl-zɔŋ nɛ. Má sɩ́ leŋe ma tʋɔŋ chei.”

NƐHƖMAAYA 8:13

Tapʋl-lɩa chɛɛŋ, dɩa dɩa nɩhɩasɩŋ kala a pɛ Wɩɩsʋllɩ sɩpaalaaraa arɩ Levi doho nɩaa lɛ, kʋ hilimi Ɛzɩra sɩ ŋaa Wɩa teniŋ kerichi teeŋ dɩ ba gʋnnɛ Wɩa wombii-la ʋ sɩ bile dɩ la tuto.

ƐSƖTA 9:22

Tapʋlɩa-la lɛ nɛ la Juu tɩŋŋaa yuo dii la dʋndɔŋŋɔɔ. Ʋ maga dɩ ma liisi arɩ chɛnɛ deeŋ tʋɔŋ nɛ ma tʋɔ-cheeŋ bɩrɩmɛ tʋɔtɔrʋŋ, ma yele ma bɩrɩmɛ gbiele. Má joŋ tapʋlɩa-la dɩ ba ŋaa tʋɔtɔrɛ tapʋlɩa dɩ ma ŋaa kʋdiilee a dii aŋ gbigbieli aŋ ŋaa kʋdiile-la a pɩpɩ ma dɔnsʋŋ tɩŋŋaa arɩ summo.

JOB 23:12

Mɩ bɩ ʋ niiŋ wʋdagaa vɩa. Mɩ cho ʋ niiŋ wɩalɩŋ a kɩɩ mɩ kʋdiilee.

WƖA YƖƖLAA 119:111

Wɩalɩŋ ŋ sɩ daga ŋaa dʋa nɛ a pɩmɛ a kaa mʋ wuu, ba nɛ leŋe mɩ tʋɔŋ tʋtɔrɛ.

WƖA YƖƖLAA 119:127

Mɩ cho wɩalɩŋ ŋ sɩ daga a kɩɩ sɛlɩmɛ, mɩ choba kɩɩ sɛlɩmɛ sɩ chaasa zɔŋ.

WƖA YƖƖLAA 119:130

Wɩalɩŋ ŋ sɩ daga ŋaa pʋlʋŋ nɛ, dɩ nʋʋ nɛ jɩŋ ba bʋbʋɔŋ, baa pɩ nɩalɩŋ sɩ bɩ wɩaa jɩŋ woruŋ wʋjɩmɩŋ nɛ.

WƖA YƖƖLAA 119:14

Dɩ mɩ nɩɩ to ŋ wʋdagaa, ŋɩɩ yie leŋ mɩ kɛŋ tʋɔtɔrʋŋ nɛ, a nagɛ nɩa sɩ dʋa kɩaa yʋgɛ.

WƖA YƖƖLAA 119:16

Mɩ tʋɔŋ tɔrɛ wɩalɩŋ ŋ sɩ daga nyuŋ nɛ, mɩ bɩ jaŋ kɔ dɩ mɩ yʋ ŋ niiŋ wɩaa.

WƖA YƖƖLAA 119:171

Mɩ jaŋ dɛnnɩŋ bʋa na-kala lɛ, a tɩŋ ŋ sɩ dagɛmɛ ŋ niiŋ wɩaa.

WƖA YƖƖLAA 119:174

La Tɩɩna, mɩɩ gbɛrɩŋ nɛ dɩ ŋ laamɛ ta, mɩ tʋɔŋ tɔrɛ wombii-la ŋ sɩ bile dɩ la tuto lɛ nɛ.

WƖA YƖƖLAA 119:72

Wombii-la ŋ sɩ bile dɩ la tuto kɛŋ nyʋʋrʋŋ mɩ teeŋ, a kɩɩ moribie-la kala sɩ hɛ dʋnɩa lɛ.

WƖA YƖƖLAA 119:97

Mɩ chaasa cho wombii-la ŋ sɩ bile dɩ la tuto nɛ woruŋ. Mɩ kɛnʋ chʋchɔgɩsɛ mɩ tʋɔŋ lɛ nɛ tapʋlɩɩ kala.

JƐRƖMAAYA 15:16

Ŋ sɩ bʋl ŋ wɩaa pɩmɛ, mɩ jegile nɩɩ nɛ. Wɩalɩŋ nɩɩ pɩmɛ tʋɔtɔrʋŋ, mɩ choba woruŋ, bɛɛ wɩaa mɩ ŋaa ŋ nʋʋ nɛ, La TƖƖNA Wɩa doluŋ kala Tɩɩna.

Luuk 24:32

Ŋɩɩ nɛ ba bʋla pɩ dɔŋɔ, “La yaraa fa fɩɛla nɛ woruŋ ʋ sɩ bʋl wɩaa pɩpɩla wombiiŋ lɛ, aŋ pɛ dɩdagɛla Wɩa teniŋ wɩalɩŋ bʋbʋɔŋ.”

Rom Tɩŋŋaa 7:18

Mɩ sɩ kɛŋ nuhuobiine yaraa ŋɩɩ, mɩ jɩma arɩ wʋzɔŋŋɔɔ ŋaanɩŋ bɩ mɩ lɛ hɛ. Mɩ fa cho dɩ mɩɩ ŋaa wʋzɔŋŋɔɔ nɛ, a ŋaa lʋlɔl.

Jɔɔŋ Wʋnaalaa 11:10

Dʋnɩa nɩaa tʋɔŋ jaŋ tɔrɛ arɩ ba sɩ kpʋ ba balɩa-la. Ba jaŋ gbieli a ŋaa kɩaa didii zile dɔŋɔ lɛ, bɛɛ wɩaa Wɩa wʋlaabʋlla-la balɩa fa walɩmɛ dʋnɩa nɩaa nɛ woruŋ.