NƐHƖMAAYA 8:10 - WƖA TENIŊ

¹⁰ Nɛhɩmaaya bɩra bʋla pɩba, “Má mʋ dii kʋdii-sɩŋŋaa, a nyʋa sɩ-zɔmʋŋ aŋ ŋaa dɔnsʋŋ mʋ pɩ nɩalɩŋ sɩ bɩ kʋŋ kɛnɛ. Jɩnɩŋ ŋaa tapʋl-zɔŋ nɛ a pɩ La TƖƖNA. Má sɩ́ leŋe dɩ ma tʋɔŋ chei, bɛɛ wɩaa tʋɔtɔrʋ-la ma sɩ kɛnɛ La TƖƖNA lɛ ʋ nɛ ŋaa ma doluŋ.”

NƐHƖMAAYA 8:10 ပူးပေါင်းရင်းမြစ်များ

1 KUOROO 8:66

Taŋ sɩ pʋla, kuoro Solomoŋ ta nɩalɩŋ kala ba mʋ dɩɩsɩŋ. Ba kala lɔllʋ aŋ mʋ dɩɩsɩŋ arɩ tʋɔtɔrʋŋ a tɩŋ wʋzɔmɔ-la kala La TƖƖNA sɩ ŋaa pɩ ʋ tɩntɩnna Devit arɩ ʋ nɩaa Iziral tɩŋŋaa.

1 IZIRAL TƖŊŊAA NAABARƖŊ 16:27

Zɔmʋŋ arɩ ballɩŋ kala hɛ ʋ teeŋ, doluŋ arɩ tʋɔtɔrʋŋ su ʋ dɩa kala.

NƐHƖMAAYA 8:11

Levi doho nɩaa nyagɛ nɩalɩŋ bɔyɛ a bʋl, “Má leŋ dɩ ma yaraa pɛ dɔŋɔ lɛ, jɩnɩŋ ŋaa tapʋl-zɔŋ nɛ. Má sɩ́ leŋe ma tʋɔŋ chei.”

NƐHƖMAAYA 8:12

Ŋɩɩ nɛ nɩalɩŋ kala mʋ dɩ ba dii kɩaa aŋ nyʋa kɩaa a gbieli arɩ tʋɔtɔrʋŋ, aŋ pɛ ŋaa kʋdiile-la pɩ ba dɔnsʋŋ tɩŋŋaa, bɛɛ wɩaa ba nɩɩ wɩalɩŋ kala ba sɩ karɩma pɩba sɩaa nɛ.

ƐSƖTA 9:19

Ŋ-la nɛ tɩɩ Juu tɩmma-la sɩ hɛ tabiisiŋ lɛ joŋ chɛnɛ-la ba sɩɩ yɩrɛ Adaa tapʋlaa fii arɩ banɛsɛ chɛɛŋ ʋ ŋaa tʋɔŋ tɔrɛ tapʋlɩɩ ba yie dii kɩaa aŋ gbigbieli aŋ pɛ ŋaa kʋdiilee pɩpɩ dɔŋɔ.

ƐSƖTA 9:22

Tapʋlɩa-la lɛ nɛ la Juu tɩŋŋaa yuo dii la dʋndɔŋŋɔɔ. Ʋ maga dɩ ma liisi arɩ chɛnɛ deeŋ tʋɔŋ nɛ ma tʋɔ-cheeŋ bɩrɩmɛ tʋɔtɔrʋŋ, ma yele ma bɩrɩmɛ gbiele. Má joŋ tapʋlɩa-la dɩ ba ŋaa tʋɔtɔrɛ tapʋlɩa dɩ ma ŋaa kʋdiilee a dii aŋ gbigbieli aŋ ŋaa kʋdiile-la a pɩpɩ ma dɔnsʋŋ tɩŋŋaa arɩ summo.

WƖA YƖƖLAA 149:2

Iziral tɩmma, má jʋjʋɔsɛ Nɩɩ-la sɩ ŋaa ma lɛ. Zaayɔŋ nɩaa, má leŋ dɩ ma tʋɔŋ tɔrɛ ma Kuoro nyuŋ.

WƖA YƖƖLAA 89:17

Ŋ nɛ ŋaa ba tʋla arɩ ba doluŋ. Ŋ chonuŋ nɛ leŋe la wasa kɛŋ doluŋ woruŋ.

NAMAGABA 17:22

Tʋɔtɔrʋŋ ŋaa daaluŋ-zɔŋ nɛ, ama tʋɔ-cheeŋ-na yie leŋ ŋ jagɛ nɛ.

TƖƖCHA 11:2

Ŋaa kpaa nɩaa balɩpɛ, koo chori, bɛɛ wɩaa ŋ bɩ jɩŋ tapʋlɩɩ-la wʋlɔrʋŋ sɩ jaŋ jʋʋ tinteeŋ.

TƖƖCHA 2:24

Nuhuobiine bɩ jaŋ wuo nɩɩ sɩma kala ʋ tɩntɩŋŋaa lɛ, a pɛ ʋ sɩ na kɩaa dii aŋ nyʋa lɛ. Mɩ na dɩ wɩɩŋ deeŋ ma lɩɩ Wɩa teeŋ nɛ.

TƖƖCHA 3:13

Nʋʋkala maga dɩ ʋ dii aŋ nyʋa a nɩɩ kɩalɩŋ ʋ sɩ tɩma na sɩma, Wɩa nɛ pʋ.

TƖƖCHA 5:18

Ŋɩɩ nɛ mɩ jɩŋ dɩ ʋ ŋaa wʋzɔŋ nɛ a magɛ dɩ nuhuobiine dii aŋ nyʋa, a nɩɩ sɩma ʋ mɩɩsɩŋ lɛ tapʋlɩa-la baŋmɛnɛ Wɩa sɩ joŋo pʋ ʋ kaa tɩma lɔl dʋnɩa lɛ a na kɩalɩŋ. Ʋ kpaalɩŋ nɛ ŋɩɩ.

TƖƖCHA 9:7

Ŋɩɩ wɩaa, dii kɩaa arɩ tʋɔtɔrʋŋ, a nyʋa kɩaa a nɩɩ sɩma, bɛɛ wɩaa Wɩa sɩ cho dɩ ŋ ŋaa wɩɩ-la nɛ ŋɩɩ lɛɛlɛ.

SOLOMOŊ YƖƖL-SƖMƖŊ 5:1

Mɩ dɩhaala, mɩ ha-falɩŋ, mɩ kʋ jʋʋ mɩ lɩga nɛ. Mɩ kɛŋ mɩ tɩɩ-kel-la sʋɔra sɩ sɩma baa yɩrɛ mɛɛ arɩ mɩ tegisiŋ hɛ dɔŋɔ nɛ. Mɩ dii mɩ tʋʋ-nʋʋŋ arɩ ʋ tʋʋ-jaga kala nɛ. Mɩ nyʋa mɩ girep nɛnɛɛ sɩnɩŋ arɩ mɩ nayɩlɩŋ ma kala nɛ. La nɩchooloo, má dagɛ ma chonuŋ, a magɛ ŋɩɩ kala ma sɩɩ chɛ, a nagɛ nɩa sɩ dii kɩaa a nyʋa kɩaa vɔgɛ.

AZAAYA 49:5

Ŋɩɩ nɛ La TƖƖNA bʋl arɩ ka ba na lʋlmɛ, ʋ lɩɩsɛmɛ nɛ, mɩ ŋaa ʋ tɩntɩnnʋ, dɩ mɩ kɛŋ Jekɔb mɩɩra kɔ ʋ teeŋ, dɩ Iziral tɩŋŋaa hɛ dɔŋɔ lɛ kɔ ʋ leriŋ. La TƖƖNA zilmi nɛ, mɩ Wɩa nɛ mɩ doluŋ.

AZAAYA 61:10

Mɩ tʋɔŋ tɔrɛ La TƖƖNA lɛ nɛ woruŋ mɩ jʋjʋɔsɛ Wɩa sɩpaaŋ, bɛɛ wɩaa laatanɩŋ nagɛ gɛrɩŋ nɛ ʋ joŋo laalɛmɛ tʋɔpʋla ma nagɛ gɛrɩŋ ʋ joŋo kpɩɛrɛmɛ, a nagɛ ha-falɩŋ bala sɩ kpɩɛrɛ ʋ tɩtɩa ŋɩɩ a bɩra nagɛ ba sɩ kpɩɛrɛ ha-falɩŋ,

JOWƐL 2:23

Zaayɔŋ nɩaa, má leŋ dɩ ma tʋɔŋ tɔrɛ, má jʋjʋɔsɛ ma TƖƖNA Wɩa lɛ, bɛɛ wɩaa ʋ pɩma duoŋ-puso ŋɩɩ sɩ maga nɛ. Ʋ chaasa pɩma duonuŋ nɛ, duoŋ-puso arɩ yibiiŋ duonuŋ kala, arɩ ʋ fa sɩ vɛnɛ pɩpɩma ŋɩɩ.

ZƐKARƖYA 14:21

Pupoi na-kala sɩ hɛ Jerusalɛm arɩ Juda lɛ, jaŋ ŋaa La TƖƖNA doluŋ kala Tɩɩna kɩaa sɩ bɩ disiniŋ kɛnɛ. Nɩalɩŋ kala sɩ jaŋ kɔ dɩ ba kpʋ pʋsʋŋ a ŋaa Wɩɩsʋlʋŋ jaŋ joŋ puposu-la dɔnsʋŋ a kaa chɔ nammɩa. Bʋa-la lɛ, bayala kala bɩ jaŋ hɛ La TƖƖNA doluŋ kala Tɩɩna dɩa lɛ.

Luuk 11:41

Dɩ ma nɩɩ chɛ dɩ ma tʋɔŋ pʋllɛ, má kɛŋ ma tʋɔŋ a cho summoo a fɩfá ba nenige.

2 Kɔrɩntɩ Nɩaa 8:2

Ba faasa na hɛɛŋ nɛ, hɛɛ-la magɩsɛba nɛ woruŋ. Nɩaa deemba fa ŋaa summoo nɛ, ama a tɩŋ tʋɔtɔrʋ-la kɩŋkɛŋ ba sɩ kɛnɛ wɩaa, kɩalɩŋ mʋa ba sɩ kɛnɛ, ba joŋo dii zil-kʋkʋrʋkʋ nɩaa lɛ.

Fɩlɩpa Nɩaa 3:4

Mɩ-na nɛ paala magɛ dɩ mɩ joŋ mɩ yɩɛlaa hɛ yaraa wʋŋaalaa lɛ. Dɩ nʋʋkala nɛ bɩɩna arɩ ʋ kɛŋ wombiiŋ dɩ ʋ joŋ ʋ yɩɛlaa a hɛ yaraa wɩaa lɛ, mɩ-na jaŋ paala wuo bʋl arɩ mɩ kɛŋ wombiiŋ kɩɩ tɩɩna nɛ.

Jɔɔŋ Wʋnaalaa 11:10

Dʋnɩa nɩaa tʋɔŋ jaŋ tɔrɛ arɩ ba sɩ kpʋ ba balɩa-la. Ba jaŋ gbieli a ŋaa kɩaa didii zile dɔŋɔ lɛ, bɛɛ wɩaa Wɩa wʋlaabʋlla-la balɩa fa walɩmɛ dʋnɩa nɩaa nɛ woruŋ.

1 SAMƲƐL 25:8

Dɩ ŋ nɛ pɩɛsɛ tɩntɩnna-la, ba tɩtɩa jaŋ bʋla pɩŋ. Ŋɩɩ wɩaa, kɛŋ mɩ bapʋɔsɛ biisiŋ deemba woruŋ, bɛɛ wɩaa gbiele tapʋlɩɩ nɛ la kɔ daha. Mɩɩ sʋlʋŋ, kʋ-la kala ŋ sɩ kɛnɛ, ŋ jaŋ wuo joŋo pɩ ŋ tɩntɩnnaa arɩ ŋ nanʋala Devit.’ ”