NƐHƖMAAYA 7:73 - WƖA TENIŊ

⁷³ Wɩɩsʋllɩ sɩpaalaaraa, Levi doho nɩaa, nɩalɩŋ sɩɩ pɔ Wɩa dɩɩ-bal-la boi-baalaa, yɩɩlɩ yɩɩraa arɩ nɩalɩŋ sɩɩ tɩŋ Wɩa dɩɩ-bal-la lɛ arɩ Iziral tɩmma-la dɔnsʋŋ kala fa kʋ hɔŋ ba tɩtɩa tasɩŋ lɛ nɛ. Jɩ-pɛɩ kʋʋ yi dɩ Iziral tɩŋŋaa hɔŋ ba tasɩŋ lɛ.

NƐHƖMAAYA 7:73 ပူးပေါင်းရင်းမြစ်များ

2 KUOROO 7:10

Ba mɩɩra kɔ Samarɩa a yɩrɛ nɩalɩŋ sɩɩ pɔ jaŋ-la boi-baalɩŋ a bʋla pɩba, “La mʋ Siiria tɩŋŋaa laalɩyuoroo buguŋ, la bɩ nʋʋkala na, la bɩ nʋʋ dɔmɔ ma nɩa nɩmɛ. Ba janɩŋ arɩ ba kakusuŋ dʋndʋŋa nɛ vɔɔ nɩmɛ, ka ba lɛŋŋɛɛ kala ha chɩŋ ba chɩnɩŋ.”

1 IZIRAL TƖŊŊAA NAABARƖŊ 9:2

Iziral tɩmma-la sɩ laa sɩpaaŋ mɩɩra kɔ ba tasɩŋ, a hɔŋ ba dɩ-tɩɩlaa nɛ ŋ-la: Wɩɩsʋllɩ sɩpaalaaraa, Levi doho nɩaa, Wɩa dɩa tɩntɩnnaa arɩ Iziral tɩŋŋaa dɔnsʋŋ.

ƐZƖRA 2:70

Wɩɩsʋllɩ sɩpaalaaraa, Levi doho nɩaa, yɩɩlɩ yɩɩraa, nɩalɩŋ sɩɩ pɔ Wɩa dɩɩ-bal-la boi-baalaa, arɩ nɩalɩŋ sɩɩ tɩŋ Wɩa dɩɩ-bal-la lɛ a pɛ nɩaa dɔnsʋŋ lɛ mɩɩra mʋ hɔŋ tasɩ-la lɛ ba naabalɩmaba sɩ lɩa lɛ, ka Iziral tɩŋŋaa nɩkaana-la hɔŋ ba tasɩŋ lɛ.

ƐZƖRA 3:1

Jɩna tʋɔŋ chɛŋ-pɛɩ sɩ kʋʋ yi dɩ Iziral tɩŋŋaa hɔŋ ba tasɩŋ lɛ, ŋɩɩ nɛ nɩalɩŋ kala kʋ hilimi Jerusalɛm lɛ arɩ nii-bala.

NƐHƖMAAYA 11:3

Iziral tinteeŋ ba sɩ kaa kpaa leree sɩpaalaaraa fa hɔŋ Jerusalɛm lɛ nɛ. Iziral tɩŋŋaa dɔnsʋŋ, a pɛ Wɩɩsʋllɩ sɩpaalaaraa, Levi doho nɩaa, nɩalɩŋ sɩɩ tɩŋ Wɩa dɩɩ-bal-la lɛ, arɩ Solomoŋ tɩntɩnnaa doho nɩaa fa hɔŋ ba tɩtɩa tinteyee lɛ nɛ Juda tasɩŋ lɛ.

NƐHƖMAAYA 7:72

Nɩkaanaa ma kala sɩ pa kɩalɩŋ ŋaa sɛlɩmɛ kilo zɔlɔ arɩ mahɩŋ batori arɩ chori nɛ, hɔpʋla ma kilo zɔlɔ arɩ mahɩŋ balɩa, Wɩɩsʋllɩ sɩpaalaaraa gɛnnɩŋ mahɩŋ batori arɩ balɩpɛ.