NƐHƖMAAYA 7:2 - WƖA TENIŊ

² Mɩ joŋ Jerusalɛm hɛ mɩ naambie Hanani arɩ Hananaaya sɩ ŋaa dɩ-duo-la laalɩyuori-hɩaŋ nɩsɩŋ lɛ ba bibeŋ, bɛɛ wɩaa Hananaaya fa ŋaa nʋʋ sɩ jɩŋ ʋ tɩtɩa kɛnɩŋ nɛ a fɩfá Wɩa a kɩɩ nɩaa jesiŋ kala.

NƐHƖMAAYA 7:2 ပူးပေါင်းရင်းမြစ်များ

WƖAA DƖ-SUOMUŊ 42:18

Ŋɩɩ nɛ Josɛf bʋla pɩba tapʋl tori-la chɛɛŋ, “Mɩ ŋaa nʋʋ sɩɩ fá Wɩa nɛ, má ŋaa ŋ-la aŋ kɛŋ mɩɩsɩŋ:

2 SAMƲƐL 23:3

Iziral Wɩa, nɩɩ-la sɩ kɛŋ doluŋ a nagɛ bʋŋ bʋla pɩmɛ: ‘Dɩ kuoro nɛ kɛŋ tʋɔpʋla a bibeŋ ʋ nɩaa nyuŋ, a to Wɩa niiŋ lɛ a bibemba,

1 KUOROO 18:12

Ka dɩ mɩ nɛ leŋiŋ daha aŋ mʋ, dɩ La TƖƖNA Dɩma-la kʋ joŋuŋ kaa mʋ lee mɩ sɩ bɩ jɩŋ? Dɩ mɩ nɛ bʋla pɩ Ahab arɩ ŋ hɛ daha ka ʋ bɩŋ na, ʋ jaŋ kpʋmɛ. Ama mɩ-na ŋ tɩntɩnna to La TƖƖNA nɛ mɩ hambiriŋ kala lɛ.

1 KUOROO 18:3

Bʋa deeŋ lɛ dɩ baal-la ba sɩɩ yɩrɛ Obadaaya nɛ faa beŋ kuoro Ahab kuoru dɩa. (Obadaaya fa laa La TƖƖNA wɩaa dii nɛ woruŋ.

NƐHƖMAAYA 1:2

Mɩ naambiiriŋ dɔŋɔ ba sɩɩ yɩrɛ Hanani arɩ baalaa dɔnsʋŋ lɩɩ Juda tinteeŋ kɔ. Ŋɩɩ nɛ mɩ pɩɛsɛba a mʋ tɩgɛ Juu tɩŋŋaa nɩkaana-la sɩ bɩ sʋba aŋ lɩɩ yoŋ-baga kɔ, a bɩra pɩɛsɛ ba Jerusalɛm ma wɩaa.

NƐHƖMAAYA 10:23

Hosia, Hananaaya, Hasub,

NƐHƖMAAYA 13:13

Ŋɩɩ nɛ mɩ lɩɩsɛ Sɛlɛmaaya sɩ ŋaa Wɩɩsʋllɩ sɩpaalaara, Zadɔk sɩ ŋaa Wɩa teniŋ kerichi arɩ Levi tɩɩna kʋbala baa yɩrɛ Pedaaya, a leŋ ba nɛ bibeŋ chʋgʋsʋŋ dɩɩsɩ-la. Ŋɩɩ nɛ mɩ bɩra lɩɩsɛ Hanaŋ sɩ ŋaa Zaku nanʋala, a ŋaa Matanɩa ma nihiŋ ʋ tɩtɩgɛ ba lɛ, bɛɛ wɩaa baalaa deemba fa ŋaa nɩa ba sɩ bene dɩ ba ŋaa nɩtɩtɩɩba nɛ. Ba nɛ fa maga dɩ ba kpɩkpaa kɩalɩŋ nɩaa sɩ kaa kɔ a pɩpɩ ba naambiiriŋ.

NƐHƖMAAYA 2:8

Bɩra ŋmʋnsɛ teniŋ dɔŋɔ ma dɩ mɩ joŋo pɩ Asaf, nɩɩ-la sɩɩ beŋ ŋ duuŋ dɩ ʋ pɩmɛ doloo dɩ mɩ kaa ŋaa dɩ-duo-la sɩ hɛ Wɩa dɩɩ-bal-la boi-baalaa, a pɛ tabal-la kɛrɛ arɩ lee-la mɩ sɩ jaŋ jʋjʋʋ lɛ. A tɩŋ mɩ Wɩa naduo-la sɩ daŋ mɩ lɛ wɩaa, kuoro sɛɩ wɩalɩŋ kala mɩ sɩ pɩɛsa chɩchɛ.”

NƐHƖMAAYA 5:15

Ama nɩalɩŋ sɩ laa sɩpaaŋ ŋaa tintee-la nɩhɩasɩŋ aŋ ka pɩmɛ joŋ wʋdaŋ nɛ a nyagɛ nɩalɩŋ nyuŋ. Tapʋlɩɩ kala ba yie laa warɩpʋla mahɩŋ balɩa nɛ, a pɛ ba kʋdiilee arɩ ba girep nɛnɛɛ sɩnɩŋ lɛ. Nɩalɩŋ sɩɩ tɩgɛ ba lɛ ma joŋ wɩaa nyagɛ nɩalɩŋ nɛ. Ama a tɩŋ mɩ sɩɩ fá Wɩa, mɩ bɩ ŋɩɩ ŋaa.

NƐHƖMAAYA 7:3

Mɩ bʋla pɩba, “Má sɩ́ Jerusalɛm boi-baalaa suru, see dɩ wɩa haasa. Bʋa-la lɛ nɩalɩŋ sɩɩ pɔ boi-baala-la ha sɩ hɛ ba tɩntɩŋŋaa lɛ, má tɔ borusu-la a kɛŋ daa-dolo-la gɩrɩgɛ. Má lɩɩsɛ nɩalɩŋ dɔnsʋŋ sɩ hɛ Jerusalɛm lɛ dɩ ba pʋpɔ leriŋ, dɩ dɔnsʋŋ pʋpɔ lere-la ma sɩ jaŋ dagɛba, ka dɔnsʋŋ ma pʋpɔ lere-la sɩ kpagɛ ba dɩɩsɩŋ.”

JOB 1:1

Baal kʋbala nɛ fa hɛ Us tinteeŋ lɛ, baa yɩrɛ Job. Baala deeŋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋ faa fá Wɩa nɛ woruŋ a bɛrɛ wʋbɔŋŋɔɔ.

WƖA YƖƖLAA 101:6

Mɩ jaŋ lɩɩsɛ nɩalɩŋ sɩ laa Wɩa dii dɩ ba hɛ mɩ teeŋ. Nɩalɩŋ sɩ chaasa kɛŋ wʋtɩtɩɩ nɛ jaŋ tɩma pɩpɩmɛ.

MOSIS KƐŊ IZIRAL TƖŊŊAA LƖƖ 18:21

Ama tʋɔsɛ baalaa sɩ kaasa nɩalɩŋ tʋɔŋ, nɩalɩŋ sɩɩ fá Wɩa a kɛŋ wʋtɩtɩɩ a bɩ gɩrɩma ka dii. Chaarɛba dɩ ba ŋaa kʋhɩasɩŋ, dɩ dɔnsʋŋ bibeŋ nɩaa bʋɩba, dɔnsʋŋ ma bibeŋ nɩaa zɔlɔba, dɩ dɔnsʋŋ ma bibeŋ nɩaa mahɩŋ balɩa arɩ fiiba, dɩ dɔnsʋŋ maa beŋ nɩaa fiiba.

DANƖƐL 6:4

Ŋɩɩ nɛ nɩhɩasɩ-la arɩ sɩpaalaara-la tɩŋ ŋɩɩ wɩaa a wʋwalɩmɛ dɩ ba na dɩ Danɩɛl chei wɩɩ ʋ tɩntɩŋŋaa lɛ, ama ba bɩ wuo na wɩɩ. Ba bɩ ʋ wʋcheeli kala na, bɛɛ wɩaa ʋ fa kɛŋ wʋtɩtɩɩ, a bɩ nɩaa ka gɩrɩmɛ a kɛŋ sɩɩfɩɛsɩŋ ʋ tɩntɩŋŋaa lɛ.

NAMBABA 12:7

Ama ŋɩɩ dee mɩ yie bʋl wɩaa mɩ tɩntɩnna Mosis teeŋ. Mɩ laaʋ dii nɛ a joŋ mɩ nɩaa kala hɛ ʋ nɩsɩŋ lɛ.

Matiu 24:45

Ŋɩɩ nɛ La Tɩɩna Yesu mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la lɛ sɩ maga.

Matiu 25:21

Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa tɩntɩnnɩ-tɩtɩɩ nɛ. Ŋ hɛ doluŋ nɛ a wuo beŋ kɩaa sɩ bɩ yʋgɛ nyuŋ woruŋ, mɩ jaŋ leŋ dɩ ŋ bibeŋ kʋkɛnɛɛ. Kɔ dɩ mɩ dɩŋ kala nɩnɩɩ sɩma.’

1 Kɔrɩntɩ Nɩaa 4:2

Ʋ saa maga dɩ tɩntɩnnʋ kala kɛŋ wʋtɩtɩɩ a tɩtɩŋ ʋ tɩntɩŋŋaa.

2 Timoti 2:2

Wɩalɩŋ ŋ sɩ nɩa dɩ mɩ bʋla pɩ nɩ-daŋ, ŋ ma bʋl ba tɩtɩa a pɩ nɩaa sɩ kɛŋ wʋtɩtɩɩ, di ba ma joŋo dagɛ ba dɔnsʋŋ tɩŋŋaa.