NƐHƖMAAYA 7:1 - WƖA TENIŊ

¹ La sɩ paa jee-la wasa saa dɛrɛ, mɩ hɛ ʋ borusuŋ, a lɩɩsɛ nɩalɩŋ sɩɩ pɔ boi-baala-la, yɩɩlɩ yɩɩraa arɩ Levi doho nɩaa.

NƐHƖMAAYA 7:1 ပူးပေါင်းရင်းမြစ်များ

2 KUOROO 7:10

Ba mɩɩra kɔ Samarɩa a yɩrɛ nɩalɩŋ sɩɩ pɔ jaŋ-la boi-baalɩŋ a bʋla pɩba, “La mʋ Siiria tɩŋŋaa laalɩyuoroo buguŋ, la bɩ nʋʋkala na, la bɩ nʋʋ dɔmɔ ma nɩa nɩmɛ. Ba janɩŋ arɩ ba kakusuŋ dʋndʋŋa nɛ vɔɔ nɩmɛ, ka ba lɛŋŋɛɛ kala ha chɩŋ ba chɩnɩŋ.”

2 IZIRAL TƖŊŊAA NAABARƖŊ 31:2

Kuoro Hezikaaya kɛŋ Wɩɩsʋllɩ sɩpaalaaraa arɩ Levi doho kaa kpaa bugoo. Nʋʋkala arɩ ʋ tɩntɩmɩɩ, Wɩɩsʋllɩ sɩpaalaara koo Levi doho nʋʋ, dɩ ba sʋl kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ. Dɔnsʋŋ tɩtɩŋ Wɩa dɩɩ-bal-la lɛ a pɛ dɩdɛnnʋ, ka dɔnsʋŋ ma hɛ La TƖƖNA dɩɩ-bal-la boi-baalaa niiŋ a lʋlɔllʋ aŋ yɩɩ yɩɩlaa dɩdɛnnʋ.

ƐZƖRA 3:8

Ba sɩ mʋ Wɩa dɩa leriŋ Jerusalɛm lɛ, jɩ-lɩa tʋɔŋ chɛŋ-lɩa lɛ, Sɩalɩtɩɛl nanʋala Zerubabɛl, Jozadak nanʋala Jesua, arɩ ba naambiiriŋ kala (Wɩɩsʋllɩ sɩpaalaaraa, Levi doho nɩaa arɩ nɩalɩŋ kala sɩ lɩɩ yoŋ-baga kɔ Jerusalɛm) suomi tɩntɩmɩɩ-la. Ŋɩɩ nɛ ba lɩɩsɛ Levi doho nɩaa sɩ yi jɩsɩŋ mara a kaa mʋ, dɩ ba beŋ dɩ ba saa La TƖƖNA dɩa-la.

NƐHƖMAAYA 10:39

Levi doho nɩaa arɩ Iziral tɩŋŋaa kala, maga ba kɩɛsɛ mɩaa, girep nɛnɛɛ sɩnɩŋ arɩ olif nʋʋŋ nɛ, a kaa mʋ chʋgʋsʋŋ dɩa-la lɛ ba sɩɩ bil Wɩa dɩɩ-bal-la tɩntɩnnɩ kɩaa, arɩ lee-la Wɩɩsʋllɩ sɩpaalaaraa, boi-pɔɔrɔɔ arɩ yɩɩlɩ yɩɩraa sɩɩ jʋʋ. La bɩ jaŋ vɩa la Wɩa dɩɩ-balɩŋ ta.”

NƐHƖMAAYA 11:3

Iziral tinteeŋ ba sɩ kaa kpaa leree sɩpaalaaraa fa hɔŋ Jerusalɛm lɛ nɛ. Iziral tɩŋŋaa dɔnsʋŋ, a pɛ Wɩɩsʋllɩ sɩpaalaaraa, Levi doho nɩaa, nɩalɩŋ sɩɩ tɩŋ Wɩa dɩɩ-bal-la lɛ, arɩ Solomoŋ tɩntɩnnaa doho nɩaa fa hɔŋ ba tɩtɩa tinteyee lɛ nɛ Juda tasɩŋ lɛ.

NƐHƖMAAYA 12:24

Levi doho nɩaa sɩpaalaaraa nɛ fa ŋ-la: Hasabɩa, Sɛrɛbɩa, Kadɩmɩɛl nanʋala Jesua, arɩ ba tɩntɩnnɩ dɔsʋŋ ba sɩ kaa kpaa bugoo, balɩa yie chɩna chaasɛ dɔŋɔ a yɩɩ yɩɩlaa dɩdɛnnɛ Wɩa a lʋlɔllʋ, buguŋ dɔŋɔ yɩɩ dɔŋɔ laa hɩhɛ arɩ Wɩa tɩntɩnna Devit sɩ dagɛ ŋɩɩ.

NƐHƖMAAYA 6:1

Sambalat, Tobia, Arab tɩŋŋaa Gesem arɩ la dʋndɔmɔ-la kala nɩa dɩ mɩ wasa saa Jerusalɛm jebii-la kala wuol bɩ ka. Ama mɩ fa ha bɩ borusuŋ hɛ boi-baal-la lɛ.

NƐHƖMAAYA 6:15

Jee-la saanɩŋ dɛrɛ chɛnɛ-la ba sɩɩ yɩrɛ Ɛlʋl tʋɔŋ nɛ, ʋ tapʋlaa mara arɩ banɔŋ chɛɛŋ. Tapʋlaa mahɩŋ balɩa arɩ fii arɩ balɩa nɛ ba joŋo saa jee-la.

NƐHƖMAAYA 6:19

Ba yie bʋl wʋzɔmɔ-la Tobia sɩ ŋaa a pɩpɩmɛ aŋ bʋl wɩalɩŋ mɩ ma sɩ bʋla a pʋpʋ. Ŋɩɩ nɛ Tobia ŋmʋnsɛ tenniŋ aa fugusimi.