NƐHƖMAAYA 6:6 - WƖA TENIŊ

⁶ Teŋ-la tʋɔŋ ŋ-la nɛ ba ŋmʋnsa hɛ: “Tinteyee tʋɔŋ nɩaa ka bʋl, arɩ ŋ dɩ Juu tɩŋŋaa ka vʋʋrɛ nɛ dɩ ma hɛ yuosuŋ, ŋɩɩ nɛ tɩɩ ma wasaa saa jee-la ŋɩɩ. Ba bɩra bʋla arɩ ŋŋ chɛ ŋ ŋaa ba kuoro nɛ, Gesem ma bʋl arɩ wʋtɩtɩɩ nɛ.

NƐHƖMAAYA 6:6 ပူးပေါင်းရင်းမြစ်များ

ƐZƖRA 4:12

Kuoro, laa chɛ ŋ jɩŋ arɩ Juu tɩmma-la sɩ lɩɩ ŋ teeŋ a kɔ Jerusalɛm wasaa saa tabal-la nɩaa sɩ ŋaa nɩbɔmɔ aa vɩa kuoroo niiŋ nɛ. Ba wasaa saa jebie-la nɛ arɩ ba gentisiŋ.

ƐZƖRA 4:15

dɩ ŋ leŋ dɩ ba beŋ ŋ naabalɩmaba tenniŋ tʋɔŋ. Dɩ ba nɛ bene, ŋ jaŋ na arɩ tabalɩŋ deeŋ nɩaa ŋaa nɩa sɩɩ vɩa kuoroo niiŋ nɛ, a wʋwalɩmɛ kuoroo arɩ tinteyee sɩpaalaaraa faafaa kala. Ŋɩɩ nɛ tɩɩ ba chei tabal-la ŋɩɩ.

NƐHƖMAAYA 2:19

Ama Sambalat arɩ Tobia a pɛ Arab tɩɩna ma ba sɩɩ yɩrɛ Gesem sɩ nɩɩ wɩɩ-la, ba mɔŋ-la a sisierila a bʋl, “Bɛɛ kʋŋ nɛ maa ŋaa ŋ-la? Maa vɩa kuoro niiŋ nɛ koo?”

NƐHƖMAAYA 6:13

Ba kpalʋ nɛ ka dɩ ʋ bʋl wɩaa a yʋɔrɛ mɩ nandaasɩŋ dɩ ŋɩɩ leŋ dɩ mɩ ŋaa wʋbɔŋ, dɩ ba to ŋɩɩ lɛ a chei mɩ yɩrɩŋ a hɩɩsɩ mɩ.

NƐHƖMAAYA 6:5

Nɔŋ lɛ nɛ, Sambalat tɩŋ nɩɩ-la sɩ tɩma pʋpʋ ʋ kɔ mɩ teeŋ arɩ tɩndaarɩ-la tɩtɩa, aŋ kori teniŋ ba sɩ ŋmʋnsa a bɩ magɩlɩŋ hɛ.

NƐHƖMAAYA 6:7

Ŋ paala lɩɩsɛ Wɩa wʋlaabʋllaa nɛ ba heele bʋl Jerusalɛm lɛ, arɩ ŋ nɛ ŋaa Juda tinteeŋ kuoro. Wɩɩŋ deeŋ saa jaŋ jʋʋ Pɛsɩa tinteeŋ kuoro dɩgɩlɩŋ, ŋɩɩ wɩaa kɔ dɩ la bʋl wɩɩ-la a hɛ dɔŋɔ.”

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

Matiu 5:11

Dɩ nɩaa nɛ tʋʋsɛma aŋ pɛ to naasɩŋ dʋdɔgɩsɛma aŋ nyɩɛ wɩaa pɩpɩma a tɩŋ ma sɩ ŋaa mɩ harɩ-tooroo wɩaa, Wɩa ma jaŋ pɛ ma lɛ.

Luuk 23:2

Nɩmɛ nɛ ba suomo dɩdagɛ wɩalɩŋ ʋ sɩ cheye, “La kɛŋ baala deeŋ dɩ ʋ nyɩsɛ la nɩaa dɩ ba vɩa la wombii-la la sɩɩ to, aŋ bʋl dɩ ba sɩ́ lampoo ma time pɩ Rom tinteeŋ kuoru-balɩŋ. Ʋ bɩra bʋla a tɩgɛ ʋ tɩtɩa lɛ dɩ ʋ nɛ ŋaa Kirisito, Nɩɩ-la Wɩa sɩ lɩɩsa, aŋ bʋl dɩ ʋ ŋaa kuoru ma nɛ.”

Jɔɔŋ 19:13

Paalɩt sɩ nɩa dɩ ba bʋl wɩaa deemba, ʋ kɛŋ Yesu kaa kʋ lɩɩ, aŋ mʋ hɔŋ ʋ sarɩya diiri kpasa nyuŋ. Ba kɛŋ lee-la kaa yɩrɛ ‘Gabata’ nɛ Hiburu yikoro lɛ. Ʋ bʋbʋɔŋ nɛ: Lee-la tabɩaa ŋaa mʋla mʋla nɛ.

Rom Tɩŋŋaa 3:8

Dɩ ŋɩɩ nɛ fa, mɩ fa jaŋ bʋl dɩ má leŋ dɩ la ŋaa wʋbɔŋŋɔɔ a na wʋzɔŋŋɔɔ. Nɩaa dɔnsʋŋ paala tʋʋsɛla nɛ aŋ bʋl dɩ la daga arɩ nʋʋ nɛ ŋaa wʋbɔŋŋɔɔ, ʋ jaŋ na wʋzɔŋŋɔɔ. Dɩ Wɩa nɛ joŋ cheeriŋ pɩ nɩaa deemba, ʋ kɩaa jaŋ sɩŋ.

2 Kɔrɩntɩ Nɩaa 6:8

Nɩaa dɔnsʋŋ ka zilla, ka dɔnsʋŋ ma tʋtʋʋsɛla. Nɩaa dɔnsʋŋ bɩbɛsɛ la lɛ, ka dɔnsʋŋ ma bʋl wʋbɔŋŋɔɔ a tɩtɩgɛ la lɛ. Ba bɩɩna arɩ laa nyɩsɛ nɩaa nɛ, ama wʋtɩtɩɩ nɛ la bʋbʋl.

1 Pɩɩta 3:16

Bʋa na-kala lɛ, má leŋ dɩ ma tʋɔbɩɩnaa chesi, dɩ ma wʋŋaalaa dagɛ arɩ maa to Kirisito nɛ. Dɩ ma nɩɩ ŋaa ŋɩɩ, hɩɩsɩŋ jaŋ dii nɩalɩŋ sɩɩ chei ma yɩrɩŋ.