NƐHƖMAAYA 6:15 - WƖA TENIŊ

¹⁵ Jee-la saanɩŋ dɛrɛ chɛnɛ-la ba sɩɩ yɩrɛ Ɛlʋl tʋɔŋ nɛ, ʋ tapʋlaa mara arɩ banɔŋ chɛɛŋ. Tapʋlaa mahɩŋ balɩa arɩ fii arɩ balɩa nɛ ba joŋo saa jee-la.

NƐHƖMAAYA 6:15 ပူးပေါင်းရင်းမြစ်များ

ƐZƖRA 6:14

Ŋɩɩ nɛ Juu tɩŋŋaa nɩhɩasɩ-la bɩra sɩsaa dɩa-la. Bʋa-la lɛ Wɩa wʋlaabʋllaa Hagaɩ arɩ Zɛkarɩya sɩ ŋaa Ido doho nʋʋ fa bʋl wɩaa nyaasɛ ba nyuŋ nɛ woruŋ. Ŋɩɩ nɛ ba saa Wɩa dɩɩ-bal-la dɛrɛ arɩ Iziral tɩŋŋaa Wɩa sɩ bʋl ŋɩɩ, arɩ Pɛsɩa tinteeŋ kuoroo deemba Siirus, Daarus arɩ Atazɛzɛs ma sɩ pa wombiiŋ ŋɩɩ.

ƐZƖRA 6:15

Ba saa Wɩa dɩɩ-bal-la dɛrɛ chɛnɛ-la ba sɩɩ yɩrɛ Ada tapʋlaa batori chɛɛŋ nɛ, dɩ Daarus ma sɩ dii kuoruŋ, ʋ jɩ-dʋ lɛ nɛ ŋɩɩ.

NƐHƖMAAYA 7:1

La sɩ paa jee-la wasa saa dɛrɛ, mɩ hɛ ʋ borusuŋ, a lɩɩsɛ nɩalɩŋ sɩɩ pɔ boi-baala-la, yɩɩlɩ yɩɩraa arɩ Levi doho nɩaa.

WƖA YƖƖLAA 1:3

Ba nagɛ tɩɩsɩŋ ba sɩ chɔnsɔ fuoŋ niiŋ nɛ, ba nɩnɛŋ ba bʋa lɛ, ba pɩpaarɩŋ bɩ yuori. Wɩɩ na-kala nɛ dɩ nɩaa deemba ŋaa, ʋ yie vɛŋ woruŋ nɛ a pɩba.

WƖA YƖƖLAA 147:2

La Tɩɩna nɛ wasa saa Jerusalɛm, ʋ nɛ kɛŋ Iziral tɩŋŋaa fa sɩ hɛ yoŋ-baga lɛ mɩɩra kɔ ba jaŋ.

DANƖƐL 9:25

Jɩŋ wɩɩŋ deeŋ sɩaa woruŋ: A chɩŋ bʋa-la lɛ ba sɩ pa wombiiŋ dɩ ba paa Jerusalɛm wasa saa, a kaa kɔ bʋa-la lɛ Wɩa sɩ jaŋ lɩɩsɛ sɩpaalaarʋ-la dɩ ʋ kɔ, jaŋ ŋaa yɔɔsʋŋ balɩpɛ sɩ bala lɛ. Ba sɩ jaŋ bɩra bil wombiee ma a lu bʋɔsʋŋ ma a kaa pɔ ba tɩtɩa Jerusalɛm lɛ jaŋ ŋaa jɩsɩŋ zɔɔ-banɛsɛ arɩ mahɩŋ banɛsɛ arɩ batori lɛ. Ama bʋa deeŋ lɛ wʋjʋʋlaa jaŋ hɛ nɩmɛ.