NƐHƖMAAYA 6:14 - WƖA TENIŊ

¹⁴ Ŋɩɩ nɛ mɩ chʋɔlɛ Wɩa a bʋl, “Mɩ Wɩa, liisi wɩalɩŋ Tobia arɩ Sambalat sɩ ŋaa, liisi haal-la sɩ ŋaa Wɩa wʋlaabʋllʋ baa yɩrɛ Nʋadɩa arɩ Wɩa wʋlaabʋlla-la dɔnsʋŋ kala sɩɩ chɛ dɩ ba fugusimi wɩaa.”

NƐHƖMAAYA 6:14 ပူးပေါင်းရင်းမြစ်များ

NƐHƖMAAYA 13:29

Mɩ Wɩa, liisi ŋɩɩ ba sɩ ŋaa wɩaa a chei wombii-la ba sɩ maga dɩ ba to a ŋaa Wɩɩsʋlʋŋ pɩpɩŋ arɩ nii-la sɩ mʋ tɩgɛ ŋ Wɩɩsʋllɩ sɩpaalaaraa arɩ Levi doho nɩaa lɛ.

NƐHƖMAAYA 5:19

Mɩ Wɩa, liisi mɩ wɩaa aŋ pɛ mɩ lɛ a tɩŋ wɩalɩŋ kala mɩ sɩ ŋaa pɩ nɩaa deemba.

WƖA YƖƖLAA 137:7

La Tɩɩna, liise yi wɩɩ-la Ɛdɔm tɩŋŋaa sɩ ŋaa tapʋlɩɩ-la la dʋndɔŋŋɔɔ sɩ yuo dii Jerusalɛm lɛ. Ba sɩ, “Má chei taŋ-la a ŋmoo ʋ gentine kala lo muno muno.”

WƖA YƖƖLAA 22:1

Mɩ Wɩa, mɩ Wɩa, bɛɛ nɛ tɩɩ ŋ vɩamɛ ta? Bɛɛ nɛ tɩɩ ŋ hɛ dɩ-bolii aŋ vɩa dɩ ŋ laamɛ ta? Bɛɛ nɛ tɩɩ ŋ bɩ mɩ huunoo jegile nɩɩ?

WƖA YƖƖLAA 63:1

Wɩa, ŋ nɛ mɩ Wɩa. Mɩɩ hɩɛnɩŋ nɛ, mɩɩ chɛŋ nɛ mɩ tʋɔŋ lɛ a nagɛ nɩa sɩ hɛ tintee-hɩlɩŋ sɩ lɩma lɛ aa chɛ lɩɩŋ ŋɩɩ.

MOSIS KƐŊ IZIRAL TƖŊŊAA LƖƖ 15:20

Mɩrɩam fa ŋaa Arɔŋ dɩhaala nɛ, a ŋaa Wɩa wʋlaabʋllʋ. Ʋ sii a joŋ chɩnchɩga. Haalaa dɔnsʋŋ ma sii to ʋ harɩŋ a paa ba chɩnchɩgɩsɩŋ a gʋgʋa.

JƐRƖMAAYA 14:15

Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ nɩalɩŋ sɩɩ bʋl wɩaa mɩ yɩrɩŋ lɛ nɛ ŋ-la: Mɩ dee bɩ ba hɛ, ka ba bʋbʋl, ‘Laalɩŋ koo losuŋ bɩ jaŋ jʋʋ tinteeŋ deeŋ.’ Laalɩŋ jaŋ kpʋ wʋlaabʋllaa deemba tɩtɩa, dɩ losuŋ ma kɛŋ dɔnsʋŋ dɩ ba sʋʋ.

JƐRƖMAAYA 14:18

Dɩ mɩ nɛ jɩl pɔkɔŋ nyuŋ, mɩ yie na nɩalɩŋ ba sɩ kpʋa laalɩŋ lɛ nɛ. Dɩ mɩ nɛ jʋʋ tabal-la tʋɔŋ ma, mɩ yie na nɩaa losuŋ sɩ kɛnɛ ba sʋʋ nɛ. Wɩa wʋlaabʋllaa arɩ Wɩɩsʋllɩ sɩpaalaaraa kala mʋ tintee-la ba sɩ bɩ jɩŋ nɛ.”

JƐRƖMAAYA 28:1

Zedikaaya sɩ dii Juda tinteeŋ kuoruŋ, ʋ jɩ-nɛsɛ tʋɔŋ chɛŋ-nɔŋ lɛ nɛ, Wɩa wʋlaabʋlla Hananaaya, sɩ ŋaa Azu nanʋala a lɩɩ Gibioŋ bʋl wɩaa pɩmɛ La TƖƖNA dɩɩ-bal-la tʋɔŋ, Wɩɩsʋllɩ sɩpaalaaraa arɩ nɩalɩŋ kala sɩpaaŋ. Ʋ sɩ,

JƐRƖMAAYA 28:10

Ŋɩɩ nɛ Wɩa wʋlaabʋlla Hananaaya kɛŋ gɛnɛ-la arɩ daa-la sɩ hɛ Wɩa wʋlaabʋlla Jɛrɩmaaya baŋŋaa lɛ lɩɩsɛ a bori,

JƐRƖMAAYA 28:15

Ŋɩɩ nɛ Wɩa wʋlaabʋlla Jɛrɩmaaya bʋla pɩ wʋnyɩɛrɩ Wɩa wʋlaabʋlla Hananaaya, “Hananaaya, jegile nɩɩ, La TƖƖNA dee bɩŋ tɩma, ka ŋ nyɩɛ wɩaa a leŋ tinteeŋ deeŋ nɩaa laa ŋ wʋnyɩɛrɩ-la dii.

Matiu 24:11

Nɩalɩŋ sɩ nyɩɛ wɩaa arɩ ba ŋaa Wɩa wʋlaabʋllaa jaŋ yʋgɛ a kɔ a nyɩsɛ nɩaa yʋgɛ.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 7:15

Má pɔ ma tɩtɩa lɛ arɩ wʋnyɩɛrɩ Wɩa wʋlaabʋllaa. Ba jaŋ kɔ ma teeŋ a nagɛ nɩzɔmɔ ba sɩaa lɛ, ama ba tʋɔŋ lɛ, ba ŋaa nɩbɔmɔ nɛ a nagɛ guŋgurusuŋ sɩ yie kɛsɛ kɩaa chɩchaŋ.

2 Timoti 3:8

Baalaa balɩa nɛ fa hɛ nɩmɛ. Ba yɩraa nɛ Janɩs arɩ Jambɩrɛs. Ba fa bɩ Mosis harɩŋ chɩna, ŋɩɩ tɩtɩa nɛ baalaa deemba ma bɩ wʋtɩtɩɩ-la harɩŋ chɩna. Nɩaa deemba nyuŋ bɩ tɩŋ. Ba bɩ Yesu wɩaa laa dii.

1 Jɔɔŋ 5:16

Dɩ nʋʋkala nɛ na ʋ dɔŋɔ tɩɩna dɩ ʋ ŋaa wʋbɔŋ sɩ bɩ jaŋ leŋ dɩ ʋ sʋʋ, ʋ maga dɩ tɩɩna sʋl Wɩa pʋ nɛ dɩ Wɩa joŋ ʋ mɩɩsɩŋ chɛʋ. Mɩ bʋl ŋ-la a tɩgɛ nɩalɩŋ sɩ ŋaa wʋbɔmɔ-la lɛ sɩ bɩ maga dɩ ba sʋʋ lɛ nɛ a tɩŋ ba wʋbɔmɔ-la wɩaa. Wʋbɔŋŋɔɔ dɔnsʋŋ hɛ nɩmɛ, dɩ nʋʋ nɛ ŋaaba, ʋ tɩɩna jaŋ sʋʋ. Dɩ nʋʋ nɛ saa ŋaa wʋbɔŋŋɔɔ deemba, mɩ bɩ sɩ dɩ ma sʋl Wɩa dɩ ʋ joŋ ʋ mɩɩsɩŋ chɛʋ.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.