NƐHƖMAAYA 6:13 - WƖA TENIŊ

¹³ Ba kpalʋ nɛ ka dɩ ʋ bʋl wɩaa a yʋɔrɛ mɩ nandaasɩŋ dɩ ŋɩɩ leŋ dɩ mɩ ŋaa wʋbɔŋ, dɩ ba to ŋɩɩ lɛ a chei mɩ yɩrɩŋ a hɩɩsɩ mɩ.

NƐHƖMAAYA 6:13 ပူးပေါင်းရင်းမြစ်များ

NƐHƖMAAYA 6:12

Mɩ jɩma arɩ Wɩa dee bɩ ʋ tɩma, ama Sambalat arɩ Tobia nɛ kpalʋ ka dɩ ʋ nyɩsɛmɛ arɩ wɩaa deemba.

NƐHƖMAAYA 6:6

Teŋ-la tʋɔŋ ŋ-la nɛ ba ŋmʋnsa hɛ: “Tinteyee tʋɔŋ nɩaa ka bʋl, arɩ ŋ dɩ Juu tɩŋŋaa ka vʋʋrɛ nɛ dɩ ma hɛ yuosuŋ, ŋɩɩ nɛ tɩɩ ma wasaa saa jee-la ŋɩɩ. Ba bɩra bʋla arɩ ŋŋ chɛ ŋ ŋaa ba kuoro nɛ, Gesem ma bʋl arɩ wʋtɩtɩɩ nɛ.

NAMAGABA 22:1

Yɩrɩ zɔmʋŋ nɛ kpɩa dʋa. Dɩ nɩaa nɩɩ ziliŋ, ŋɩɩ nɛ kɛŋ yuŋuŋ a kɩɩ ŋ sɩ kɛŋ sɛlɩmɛ koo warɩpʋla.

NAMAGABA 29:5

Nɩɩ-la kala sɩ dii nii-sɩma ʋ dɔŋɔ tɩɩna teeŋ, bɛrɛ́ nɛ ʋ hɛ bil ʋ lɛ ŋɩɩ.

TƖƖCHA 7:1

Yɩrɩ zɔmʋŋ nɛ kpɩa tʋlaalɩ-zɔmʋŋ. Tapʋlɩɩ-la nʋʋ sɩ sʋba nɛ kpɩa tapʋlɩɩ-la ba sɩ lʋlʋ.

AZAAYA 51:7

Ma nɩalɩŋ sɩ jɩŋ wʋtɩtɩɩ, a joŋ mɩ wombii-la mɩ sɩ bile dɩ ba tuto wɩaa hɛ ma nyuŋ lɛ, má jegile nɩɩ mɩ teeŋ. Dɩ nɩaa nɛ ŋaa wɩaa a jʋjʋʋ ma lɛ koo a tʋtʋʋsɛma, má sɩ́ leŋe dɩ fawʋllʋŋ kɛmma.

AZAAYA 57:11

Kʋbɛɛ nɛ ma fɩfá, a bɩ wʋtɩtɩɩ kɛnɛ mɩ teeŋ, a bɩ mɩ wɩaa ka liisi? Mɩ sɩ tɔrɛ mɩ niiŋ a dieni kɩŋkɛŋ wɩaa nɛ tɩɩ ma bɩ mɩ ka fá koo?

JƐRƖMAAYA 1:17

Kɛŋ ŋ tɩtɩa hɛ dɔŋɔ a mʋ bʋl wɩɩ-la kala mɩ sɩ jaŋ bʋla pɩŋ a pɩba. Sɩ́ ba fá, ŋɩɩ dee mɩ jaŋ leŋ dɩ fawʋllʋŋ kɛnɩŋ ba sɩpaaŋ.

JƐRƖMAAYA 18:18

Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

ƐZƖKƖƐL 2:6

Ama ŋ-na nuhuobiiŋ, sɩ́ ba fá, a sɩ́ ba wʋbʋlaa ma fá. Ʋ jaŋ nagɛ ŋ hɛ chɛyɛɛ arɩ sɔpʋllʋŋ arɩ nʋɔmaa tʋɔŋ nɛ, ama sɩ́ leŋe dɩ ŋ bɔyɛ joŋ ba wʋbʋlaa lɛ, sɩ́ ba fá. Jɩŋ arɩ ba ŋaa nɩa sɩ bɩ dagɩŋ ka sɛɩ nɛ.

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Matiu 22:15

Ŋɩɩ nɛ Farisii tɩŋŋaa sii lɩɩ a vʋʋrɛ ŋɩɩ ba sɩ jaŋ magɩsɛ Yesu a bɛrɛ kɛnʋ arɩ wʋpɩɛsaa.

Matiu 26:59

Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ nɩalɩŋ kala sɩ yie hilime vʋvʋʋrɛ wɩaa chɩchɛ dɩ ba nyɩɛ wɩaa a tɩgɛ Yesu lɛ dɩ ba kpʋʋ.

Tɩntɩŋŋaa 6:13

Ba kɛŋ nɩaa kaa kɔ dɩ ba kʋ nyɩɛ wɩaa pʋ a bʋl, “Baala deeŋ yie vɛnɛɛ bʋl wɩaa aa chei Wɩa dɩɩ-bal-la ba sɩ joŋo hɛ Wɩa nɩsɩŋ lɛ, arɩ wɩalɩŋ Mosis sɩ ŋmʋnsa bil dɩ la tuto nɛ.

2 Kɔrɩntɩ Nɩaa 11:12

Mɩ sɩɩ tɩŋ mɩ tɩntɩŋŋaa aŋ bɩ kʋŋkala ka chɛ ma teeŋ ŋɩɩ, mɩ ha jaŋ ŋɩŋaa ŋɩɩ. Mɩ bɩ chɛ dɩ nɩalɩŋ sɩ sɩ ba ŋaa Yesu nanzɔɔba nɛ sɩ wuo na wombiiŋ a bibigisi ba tɩtɩa lɛ arɩ la dɩ ba kala to wɛŋ-bala a tɩtɩŋ tɩntɩŋŋaa.

1 Timoti 5:14

Ŋɩɩ wɩaa, mɩ jaŋ bʋl dɩ yo-haala-la sɩ ŋaa hantolibiisiŋ, dɩ ba jaa balaba a lʋlʋl biiriŋ a bibemba, a tɩtɩŋ ba dɩa tɩntɩŋŋaa. Dɩ ba nɛ ŋaa ŋɩɩ, la dʋndɔmɔ Sɩtaanɩ bɩ jaŋ wuo na wombiiŋ a bʋl wʋbɔŋ kala a tɩgɛ la lɛ.

2 Timoti 1:7

Wɩa bɩ ʋ Dɩŋ-zɔmʋŋ joŋo hɛ la lɛ dɩ la fɩfá fawʋllʋŋ, ama dɩ ʋ pɛ la lɛ dɩ la wuo kɛŋ doluŋ la mɩɩsɩŋ lɛ, a cho nɩaa, a jɩŋ la tɩtɩa kɛnɩŋ woruŋ.

Taatɩs 2:8

Bʋl wʋtɩtɩɩ, dɩ nʋʋkala sɩ́ wuo kaa lɛrɛ. Dɩ ŋ nɛ ŋaa ŋɩɩ, hɩɩsɩŋ jaŋ kɛŋ ŋ dʋndɔŋŋɔɔ, bɛɛ wɩaa ba bɩ jaŋ wuo na wʋbɔŋ kala a bʋla tɩgɛ la lɛ.

Jeems 4:17

Dɩ nʋʋ nɛ jɩŋ wʋzɔmʋŋ sɩ maga dɩ ʋ ŋaa, ka ʋ vɩa dɩ ʋ ŋaa wɩɩ-la, ŋɩɩ ŋaa wʋbɔŋ nɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”