NƐHƖMAAYA 5:7 - WƖA TENIŊ

⁷ Mɩ kɛŋ wɩalɩŋ bɩɩnɛ mɩ tʋɔŋ lɛ, aŋ bʋl tinteeŋ nɩbala-la arɩ tɩntɩnnɩ-hɩasɩ-la teeŋ. Mɩ bʋla pɩba, “Maa laa nyʋʋrʋŋ nɛ ma naambiiriŋ tɩtɩa teeŋ.” Ŋɩɩ nɛ mɩ yɩrɛ hilim-bal dɩ mɩ chaasa bʋl ba teeŋ.

NƐHƖMAAYA 5:7 ပူးပေါင်းရင်းမြစ်များ

WƖA YƖƖLAA 109:11

Leŋ nɩalɩŋ chɩŋŋaa ʋ sɩ die kɛŋ ʋ kɩaa kala laa, leŋ dɩ nʋhʋɔraa laa ʋ dʋa kala.

WƖA YƖƖLAA 15:1

La Tɩɩna, kʋbɛɛ nɛ jaŋ wuo hɛ ŋ dɩɩ-bal-la tʋɔŋ, koo a hɔŋ ŋ peel-la sɩ bɩ disiniŋ kɛnɛ nyuŋ?

WƖA YƖƖLAA 15:5

Ba yie joŋ ba moribiee a chɩŋ nɩaa aŋ bɩ nyʋʋrʋŋ kaa pɛ. Ba bɩ kpalaa laa aŋ joŋ nɩalɩŋ sɩ bɩ wɩɩ cheye hɩhɛ wɩaa lɛ. Nɩalɩŋ sɩɩ ŋaa wɩaa deemba bʋa na-kala lɛ, ba jaŋ chɩŋ kpaŋkpaŋ, wɩɩkala bɩ ba wuo jigisi.

WƖA YƖƖLAA 27:8

Mɩ tʋɔbɩɩnaa bʋla pɩmɛ arɩ mɩ chʋɔlʋŋ. Mɩ Tɩɩna, mɩ jaŋ chʋɔlʋŋ.

WƖA YƖƖLAA 4:4

Dɩ ma nɛ na baanɩŋ, má sɩ́ leŋe dɩ baaŋ-la leŋ dɩ ma ŋaa wʋbɔŋ. Dɩ ma nɛ jʋʋ bɔsɔ, má pɩŋ sɔm a bɩbɩɩnɛ wɩalɩŋ.

WƖA YƖƖLAA 94:16

Kʋbɛɛ nɛ jaŋ sii chɩŋ mɩ harɩŋ dɩ la yuo nɩbɔŋŋɔɔ? Kʋbɛɛ nɛ jaŋ chɩna pɛ mɩ lɛ dɩ la yuo wʋbɔŋ ŋaaraa?

MOSIS KƐŊ IZIRAL TƖŊŊAA LƖƖ 22:24

Mɩ baanɩŋ jaŋ sii dɩ mɩ leŋ dɩ ba yuo kpʋma, ka ma haalaa arɩ ma biiriŋ ma ŋaa yo-haalaa arɩ biisinsiŋ.

MOSIS KƐŊ IZIRAL TƖŊŊAA LƖƖ 22:25

Dɩ ma kʋŋ nɛ joŋ moribiee chɩŋ ʋ naambie sɩ ŋaa summu, ʋ bɩ maga dɩ ʋ chɩchɛ nyʋʋrʋŋ arɩ nɩaa dɔnsʋŋ sɩ yie joŋ moribiee chɩŋ ba dɔnsʋŋ aŋ chɩchɛ nyʋʋrʋŋ ŋɩɩ.

NAMAGABA 27:5

Dɩ ŋ nɛ kpɩa nɩa lɛ nɩaa tʋɔŋ, ʋ nɛ kpɩa ŋ sɩ sɩ ŋ chou nɛ aŋ kaa faa.

NAMAGABA 28:4

Nɩalɩŋ sɩ vɩa Wɩa wombiiŋ nɩɩ bɛsɛ nɩbɔŋŋɔɔ lɛ, ama ba dɩ nɩalɩŋ sɩɩ to wombii-la-na bɩ sugili.

ƐZƖKƖƐL 22:12

Nɩalɩŋ sɩ hɛ ŋ lɛ yie laa kpalaa aŋ kpʋ nɩaa. Ba yie joŋ kɩaa chɩŋ nɩaa aŋ chɩchɛ nyʋʋrʋŋ yʋgɛ, aŋ gʋrɛ ma Iziral tɩŋŋaa dɔnsʋŋ a kuori. Ma yʋ mɩ wɩaa nɛ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 45:9

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Iziral sɩpaalaaraa, ma ŋaa wʋbɔŋŋɔɔ kieli nɛ. Má leŋ doluŋ diiniŋ arɩ nɩaa dɔgʋsʋŋ, aŋ to wʋtɩtɩɩ a ŋɩŋaa wɩaa ba bʋa lɛ. Má leŋ mɩ nɩaa tinteeŋ kaa laanɩŋ. Mɩ-na ma TƖƖNA Wɩɩjarɩbakɔ nɛ bʋla.

LEVI DOHO NƖAA 19:15

Ma pʋpɔ má sɩ́ wʋtɩtɩɩ joŋo faa. Má sɩ́ summo gʋrʋ a tɩŋ ʋ sɩ bɩ kʋŋ kɛnɛ wɩaa, a sɩ́ kɩaa tɩɩna ma lɛ pɛ a tɩŋ ʋ sɩ kɛŋ kɩaa. Má dii nʋʋkala sarɩya arɩ wʋtɩtɩɩ.

LEVI DOHO NƖAA 25:36

Má fá mɩ-na ma Wɩa a leŋ dɩ ma naambie guoli ma tʋɔŋ. Dɩ ma nɛ joŋ kʋŋ chɩmʋ, má sɩ́ leŋe dɩ ʋ tiŋ kʋŋ daŋ.

Matiu 18:17

Ama dɩ ʋ nɛ vɩa dɩ ʋ jegile nɩɩ ma teeŋ, ŋ-na bʋl wɩɩ-la pɩ nɩalɩŋ kala sɩ laa Yesu wɩaa dii aa hilimi. Dɩ ʋ nɛ vɩa dɩ ʋ jegile nɩɩ ba ma teeŋ, dɔgɩsʋ arɩ ŋ bɩ ʋ jɩŋ a nagɛ nɩɩ-la sɩ bɩ Wɩa jɩŋ koo a nagɛ lampoo laara sɩ bɩ wʋtɩtɩɩ kɛnɛ.

2 Kɔrɩntɩ Nɩaa 5:16

Ŋɩɩ wɩaa, a lɩɩ jɩnɩŋ kaa mʋmʋ la bɩ chɛ la beŋ nɩaa arɩ dʋnɩa nɩaa sɩɩ beŋ nɩaa ŋɩɩ. Bʋa kʋbala lɛ, la faa beŋ Kirisito ŋɩɩ nɛ, ama lɛɛlɛ la bɩra bɩ ʋ beŋ arɩ la fa sɩɩ benu ŋɩɩ.

Galiisia Nɩaa 2:11

Ama bʋa kʋbala Pɩɩta sii kɔ Antɩɔk. Ʋ sɩ kɔ, mɩ chaasa bʋl ʋ teeŋ nɩaa tʋɔŋ arɩ ʋ cheye nɛ. Wɩɩ-la sɩ tɩɩ mɩ bʋl ʋ cheye nɛ ŋ-la:

1 Timoti 5:20

Dɩ Wɩa nɩaa nɩhɩaŋ kala nɛ vɛnɛɛ ŋaa wʋbɔŋŋɔɔ ʋ bɩ leŋ, bʋl ʋ teeŋ nɩalɩŋ sɩ laa Yesu wɩaa dii aa hilimi sɩpaaŋ. Dɩ ŋ nɛ ŋaa ŋɩɩ, fawʋllʋŋ jaŋ kɛŋ nɩkaanaa.

Taatɩs 2:15

Ŋɩɩ wɩaa, joŋ wɩaa deemba a dagɛba, a kɛŋ dol-la Wɩa sɩ joŋo pɩŋ, a bʋl wɩaa nyaasɛ ba nyuŋ, dɩ ba nɛ ŋaa wɩɩ ma chei dɩ ŋ bʋl ba teeŋ. Sɩ́ leŋe dɩ nʋʋkala bee gʋʋnʋŋ.