NƐHƖMAAYA 5:5 - WƖA TENIŊ

⁵ La ma ŋaa Juu tɩmma nɛ arɩ la naambiiri-la dɔnsʋŋ sɩ ŋaa ŋɩɩ. La biiriŋ zɔmɔ nɛ arɩ ba biiriŋ sɩ zɔmɔ ŋɩɩ, ama wɩaa jʋʋla a magɛ dɩ la leŋ dɩ la biiriŋ ŋaa yosi nɛ. La toloo dɔnsʋŋ paala ŋaa yosi nɛ, ama la bɩ dol kala kɛnɛ, bɛɛ wɩaa nɩaa dɔnsʋŋ nɛ tɩɩ bagɩsɩŋ arɩ la girep tɩɩsɩŋ bagɩsɩŋ.”

NƐHƖMAAYA 5:5 ပူးပေါင်းရင်းမြစ်များ

WƖAA DƖ-SUOMUŊ 29:14

Labaŋ bʋla pʋ, “Ŋ ŋaa mɩ chalɩŋ doho tɩtɩa nɛ.” Jekɔb hɛ ʋ teeŋ chɛŋ-piliŋ.

WƖAA DƖ-SUOMUŊ 37:27

Má leŋ la yallʋ pɩ Ɩsɩmɛl tɩŋŋaa aŋ sɩ́ wʋbɔŋ kala ŋaa ʋ lɛ, bɛɛ wɩaa ʋ ŋaa la naambii nɛ a ŋaa la tɩtɩa chalɩŋ.” Ŋɩɩ nɛ ba sɛɩ ʋ nii-la.

2 KUOROO 4:1

Tapʋlɩɩ kʋbala Wɩa wʋlaabʋllaa dɔŋɔ yo-haala mʋ Elaasa teeŋ, a yele pʋ, “Ŋ jɩma mɩ bala fa ŋaa ŋ harɩ-tooru nɛ a to La TƖƖNA woruŋ aŋ sʋʋ. Ama ʋ dii nʋʋ chɩŋ nɛ. Nɩɩ-la kɔ dɩ ʋ kɛsɛ mɩ hambolibiisiŋ balɩa a kaa mʋ dɩ ba ŋaa ʋ yosi.”

NAMAGABA 22:7

Summoo ŋaa kɩaa tɩŋŋaa yosi nɛ, chɩŋ-diiree ma ŋaa nɩalɩŋ teeŋ ba sɩ dii chɩŋŋaa yosi.

AZAAYA 50:1

Wɩɩ-la La TƖƖNA sɩ pɩɛsɛ Iziral tɩŋŋaa nɛ ŋ-la: “Teŋ-la mɩ sɩ ŋmʋnsa pɩ ma naaŋ, aŋ kiru ta hɛ nɩɩ nɛ? Koo kʋbɛɛ chɩŋ nɛ mɩ dii a joŋu yalla tiŋ? Ma wʋbɔŋŋɔɔ wɩaa nɛ tɩɩ ma nagɛ nʋʋ ba sɩ yalla. Ma wʋcheelee nɛ tɩɩ mɩ kirima ta.

AZAAYA 58:7

Má ŋaa ma kʋdiilee a pɩpɩ losumoo, aŋ pɛ summoo arɩ nɩalɩŋ ma sɩ bɩ dɩɩsɩŋ kɛnɛ lɛ dɩ ba na dɩjʋʋlaa. Dɩ nʋʋ nɛ kɛŋ yarɩ-biree a tɩŋ ʋ sɩ bɩ gɛrɩŋ kɛnɛ wɩaa, má pʋ gɛrɩŋ. Má sɩ́ ma naambiiriŋ vɩa ta, má pɩpɛ ba lɛ.

Matiu 18:25

Ʋ bɩ chɩŋ-la wuo tiŋ. Ŋɩɩ nɛ ʋ kʋhɩaŋ-la bʋl dɩ ba kɛŋ ʋ dɩ ʋ haala arɩ ʋ biiriŋ arɩ kɩalɩŋ kala ʋ sɩ kɛnɛ a kaa mʋ yallɛ a tiŋ chɩŋ-la.