NƐHƖMAAYA 5:16 - WƖA TENIŊ

¹⁶ Mɩ joŋ mɩ tɩtɩa kala hɛ jebii-la saanɩŋ lɛ nɛ, mɩ bɩ tintee kala yɔbɔ. Mɩ nɩalɩŋ kala sɩ tɩmaa pɩmɛ kʋ hɛ dɔŋɔ nɛ a ma tɩŋ jebii-la tɩntɩŋŋaa.

NƐHƖMAAYA 5:16 ပူးပေါင်းရင်းမြစ်များ

NƐHƖMAAYA 5:15

Ama nɩalɩŋ sɩ laa sɩpaaŋ ŋaa tintee-la nɩhɩasɩŋ aŋ ka pɩmɛ joŋ wʋdaŋ nɛ a nyagɛ nɩalɩŋ nyuŋ. Tapʋlɩɩ kala ba yie laa warɩpʋla mahɩŋ balɩa nɛ, a pɛ ba kʋdiilee arɩ ba girep nɛnɛɛ sɩnɩŋ lɛ. Nɩalɩŋ sɩɩ tɩgɛ ba lɛ ma joŋ wɩaa nyagɛ nɩalɩŋ nɛ. Ama a tɩŋ mɩ sɩɩ fá Wɩa, mɩ bɩ ŋɩɩ ŋaa.

NƐHƖMAAYA 5:17

Juu tɩŋŋaa zɔlɔ arɩ mahɩŋ balɩa arɩ fii a pɛ tɩntɩnnɩ-hɩasɩŋ lɛ paala didii kɩaa mɩ dɩa lɛ nɛ, a saa pɛ nɩalɩŋ sɩ lɩɩ tinteye-la sɩ golli-la a kɔ lɛ.

NAMBABA 16:15

Ŋɩɩ nɛ Mosis chaasa na baanɩŋ, a bʋla pɩ La TƖƖNA, “Sɩ́ ba Wɩɩsʋlʋŋ laa, mɩ ha bɩ ba kʋŋkala kakumo kaa laa, mɩ ha bɩ ba kʋŋkala wɩɩ ma cheye.”

Luuk 8:15

Kɩalɩŋ sɩ tel tintee-zɔmʋŋ tʋɔŋ ma nɛ ŋaa nɩalɩŋ sɩ nɩɩ Wɩa niiŋ wɩalɩŋ a laaba hɛ ba tʋɔŋ lɛ a tutoba, a pɛsɛ wɩalɩŋ lɛ halɩɩ, ba kɛŋ doho.”

Rom Tɩŋŋaa 2:7

Nɩalɩŋ sɩ kɛŋ kenyiri a ŋɩŋaa wʋzɔŋŋɔɔ, a ŋaa ŋɩɩ a chɩchɛ dɩ ba laa yɩrɩŋ Wɩa sɩpaaŋ, a chɩchɛ mɩɩsɩ-la sɩ bɩ dɛrɛ, Wɩa jaŋ joŋo pɩba.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

Galiisia Nɩaa 6:9

Ŋɩɩ wɩaa, má sɩ́ leŋe dɩ la lɔl wʋzɔŋŋɔɔ ŋaanɩŋ lɛ. Dɩ la nɛ ŋaa wʋzɔŋŋɔɔ a lɔl aŋ nyalɩmɛ, dɩ bʋa-la nɛ yie, Wɩa jaŋ tinla.