NƐHƖMAAYA 5:15 - WƖA TENIŊ

¹⁵ Ama nɩalɩŋ sɩ laa sɩpaaŋ ŋaa tintee-la nɩhɩasɩŋ aŋ ka pɩmɛ joŋ wʋdaŋ nɛ a nyagɛ nɩalɩŋ nyuŋ. Tapʋlɩɩ kala ba yie laa warɩpʋla mahɩŋ balɩa nɛ, a pɛ ba kʋdiilee arɩ ba girep nɛnɛɛ sɩnɩŋ lɛ. Nɩalɩŋ sɩɩ tɩgɛ ba lɛ ma joŋ wɩaa nyagɛ nɩalɩŋ nɛ. Ama a tɩŋ mɩ sɩɩ fá Wɩa, mɩ bɩ ŋɩɩ ŋaa.

NƐHƖMAAYA 5:15 ပူးပေါင်းရင်းမြစ်များ

WƖAA DƖ-SUOMUŊ 20:11

Ŋɩɩ nɛ Abɩraham bʋl, “Mɩ bɩɩna ma bɩ Wɩa ka fá daha, ma jaŋ tɩŋ haal-la wɩaa a kpʋmɛ.

WƖAA DƖ-SUOMUŊ 42:18

Ŋɩɩ nɛ Josɛf bʋla pɩba tapʋl tori-la chɛɛŋ, “Mɩ ŋaa nʋʋ sɩɩ fá Wɩa nɛ, má ŋaa ŋ-la aŋ kɛŋ mɩɩsɩŋ:

NƐHƖMAAYA 5:16

Mɩ joŋ mɩ tɩtɩa kala hɛ jebii-la saanɩŋ lɛ nɛ, mɩ bɩ tintee kala yɔbɔ. Mɩ nɩalɩŋ kala sɩ tɩmaa pɩmɛ kʋ hɛ dɔŋɔ nɛ a ma tɩŋ jebii-la tɩntɩŋŋaa.

NƐHƖMAAYA 5:9

Ŋɩɩ nɛ mɩ bɩra bʋl, “Wɩɩ-la ma sɩɩ ŋaa, ʋ bʋa lɛ dee ŋɩɩ. Ma maga má fá Wɩa nɛ aŋ ŋaa wɩaa ba bʋa lɛ, dɩ tinteye-la sɩ bɩ Wɩa ka to aŋ ŋaa la dʋndɔmɔ sɩ́ wuo na wombiiŋ a sieri la lɛ.

JOB 31:23

Mɩ bɩ sɛɩ dɩ mɩ ŋaa wʋdosunuŋ deemba. Mɩɩ fá Wɩa sɩ kɛŋ doluŋ nɛ dɩ ʋ sɩ́ mɩ chei.

WƖA YƖƖLAA 112:1

Má dɛnnɛ La Tɩɩna. Nʋʋ na-kala sɩɩ zil La Tɩɩna tʋɔŋ jaŋ tɔrɛ, nʋʋ na-kala sɩɩ to ʋ niiŋ wɩaa arɩ tʋɔtɔrʋŋ.

WƖA YƖƖLAA 147:11

La Tɩɩna cho nɩalɩŋ sɩɩ fáʋ nɛ, nɩalɩŋ sɩ joŋ ba yɩɛlaa kala hɛ ʋ chono-la sɩ bɩ dɛrɛ lɛ.

NAMAGABA 16:6

Dɩ ŋ nɛ cho La Tɩɩna a kɛŋ wʋtɩtɩɩ, ʋ jaŋ joŋ ŋ wʋbɔŋŋɔɔ kala chɛŋ. Dɩ ŋ nɩɩ fá La Tɩɩna, ŋ yie vɩa wʋbɔŋŋɔɔ ŋaanɩŋ nɛ.

NAMAGABA 29:12

Dɩ kuoro nɛ jegilee nɩɩ wʋnyɩɛrɩŋ, ʋ tɩntɩnnɩ-hɩasɩŋ kala yie bɩrɩmɛ nɩbɔmɔ nɛ.

AZAAYA 50:10

Ma nɩalɩŋ kala sɩɩ zil La TƖƖNA, a sɛɩ wɩalɩŋ kala ʋ tɩntɩnna sɩ bʋla, dɩ ma nɩɩ vɛŋ birimiŋ lim tʋɔŋ a bɩ nyiniŋ kɛnɛ ma, má laa La TƖƖNA dii, a bibeŋ ma Wɩa lɛ.

JƐRƖMAAYA 32:9

Mɩ laa tintee-la yɔɔ mɩ naambie Hanamɛl teeŋ aŋ dɩɩsɛ warɩpʋla fii arɩ balɩpɛ a pʋ.

JEMBIEE 5:8

Yosuŋ nɛ mɩɩraa benla, ka nʋʋ tuo dɩ ʋ laala ta ba nɩsɩŋ lɛ.

Matiu 5:47

Dɩ ŋ nɛ tʋɔsɛ ŋ naambiiriŋ dʋndʋŋa chʋchʋɔlɛ, ŋ bɩ woruŋ ka ŋaa. Nɩalɩŋ sɩ bɩ Wɩa jɩŋ ma paala ŋɩŋaa ŋɩɩ nɛ.

2 Kɔrɩntɩ Nɩaa 11:9

Bʋa-la lɛ mɩ fa sɩ hɛ ma teeŋ, dɩ mɩ nɩɩ chɛ kʋŋkala, mɩ ha bɩ ma kʋŋkala baŋŋaa lɛ kɛnɛ. La naambiiri-la sɩ hɛ Masidoonia tinteeŋ lɛ nɛ faa pɩmɛ kɩalɩŋ kala mɩ sɩɩ chɛ. Mɩ fa bɩ chɛ dɩ mɩ ŋaa chʋga kʋŋkala ma lɛ. Mɩ saa bɩ chɛ dɩ mɩ ŋaa chʋga ma kʋŋkala lɛ.

2 Kɔrɩntɩ Nɩaa 12:13

Wɩalɩŋ mɩ sɩ ŋaa ma lɛ, ba tɩtɩa nɛ mɩ ŋaa nɩalɩŋ sɩ laa Yesu wɩaa dii aa hilimi lee-kala lɛ. Wɩɩ-la dʋndʋŋa mɩ sɩ bɩ ŋaa ma lɛ nɛ ŋ-la: Mɩ bɩ ma walɩma dɩ ma pɩmɛ kɩalɩŋ mɩ sɩɩ chɛ. Mɩ saa sʋlma dɩ ma joŋ wɩɩŋ deeŋ chɛmɛ.

1 SAMƲƐL 8:15

Ʋ jaŋ leŋ dɩ ma kɛŋ ma mɩaa arɩ ma girep nɛnɛɛ kpaa leree fii, dɩ ʋ laa kpaalɩŋ dɔŋɔ a pɩ ʋ tɩntɩnnɩ-hɩasɩŋ arɩ ʋ tɩntɩnnaa dɔnsʋŋ.