NƐHƖMAAYA 5:13 - WƖA TENIŊ

¹³ Ŋɩɩ nɛ mɩ kɛŋ mɩ gɛrɩpɛ jalɩɩ-la sɩ vɔɔ mɩ tɩŋa puri a kaa kpesi aŋ bʋl, “Ŋ-la nɛ Wɩa jaŋ kɛŋ ma kʋŋkala sɩ jaŋ vɩa dɩ ŋ to niiŋ deeŋ a kpese ta. Wɩa jaŋ laa ŋ dɩa arɩ ŋ dʋa kala ka dɩ ŋ kɛŋ na-hɩllɩŋ.” Nɩalɩŋ kala sɩ hilimi lee-la bʋl, “Amɩɩ,” aŋ dɛnnɛ La TƖƖNA. Ŋɩɩ nɛ sɩpaalaara-la kɛŋ wɩɩ-la ba sɩ bʋla tɩŋ.

NƐHƖMAAYA 5:13 ပူးပေါင်းရင်းမြစ်များ

2 KUOROO 23:3

Kuoro Josaaya sii chɩŋ ʋ dɩchɩnɩŋ, jebii-la sɛmɛ a hɛ niiŋ pɩ La TƖƖNA arɩ ʋ jaŋ to ʋ wombiee arɩ wɩalɩŋ kala ʋ sɩ daga arɩ ʋ tʋɔŋ arɩ ʋ wɩɩ wɩɩkala, a ŋaa wɩalɩŋ kala ba sɩ ŋmʋnsa hɛ teŋ-la tʋɔŋ. Ŋɩɩ nɛ nɩalɩŋ ma kala sɛɩ arɩ ba jaŋ to nii-la sɩ hɛ Wɩa wombiee teŋ-la tʋɔŋ.

1 IZIRAL TƖŊŊAA NAABARƖŊ 16:36

Má dɛnnɛ La TƖƖNA Iziral tɩŋŋaa Wɩa a kaa mʋ wuu. Ŋɩɩ nɛ nɩalɩŋ kala bʋl, ‘Amɩɩ’ a dɛnnɛ La TƖƖNA.

NƐHƖMAAYA 8:6

Ɛzɩra dɛnnɛ La TƖƖNA sɩ ŋaa Wɩɩ-balɩŋ, nɩalɩŋ kala kɛŋ ba nɩsaa je aŋ laa bʋl, “Amɩɩ, Amɩɩ.” Ŋɩɩ nɛ ba tuu kpirimi a kɛŋ nyusuŋ chugili tinteeŋ a chʋɔlɛ La TƖƖNA.

WƖA YƖƖLAA 119:106

Mɩ hɛ niiŋ nɛ aŋ chɩna gbɛrɛ arɩ mɩ jaŋ to tʋɔpʋl wombie-la ŋ sɩ bile dɩ la tuto.

WƖA YƖƖLAA 50:14

Mɩ nɛ Wɩa, mɩ nɛ kɩɩ kʋŋkala. Wɩɩsʋlɩɩ-la doho mɩ sɩɩ chɛ nɛ, dɩ ma lʋlɔllɛmɛ, aŋ lɩɩsɛ niiri-la ma sɩ hɛ pɩmɛ.

WƖA YƖƖLAA 76:11

Má hɛ niiriŋ a pɩ La Tɩɩna ma Wɩa, aŋ lɩɩsɛ niiri-la. Má leŋ dɩ tinteye-la nɩaa kala sɩ hɔnɔ gollima kɛŋ kɩaa kʋ ŋaa zile pɩ Nɩɩ-la sɩ maga dɩ ba fá.

NAMAGABA 28:4

Nɩalɩŋ sɩ vɩa Wɩa wombiiŋ nɩɩ bɛsɛ nɩbɔŋŋɔɔ lɛ, ama ba dɩ nɩalɩŋ sɩɩ to wombii-la-na bɩ sugili.

TƖƖCHA 5:5

Dɩ ŋ nɛ bɩ niiŋ ta, ʋ nɛ kpɩa ŋ sɩ ta niiŋ aŋ bɩ lɩɩsa.

NAMBABA 5:22

Dɩ lɩɩŋ deeŋ la sɩ kaa kalɩbɛ nɛ tuu ŋ tʋɔŋ dɩ ŋ nɛ jɩŋ wɩɩ, wɩalɩŋ sɩ jaŋ ŋaa ŋ lɛ nɛ ŋɩɩ. Dɩ haal-la laa hɛ a bʋl, ‘A leŋ dɩ ŋɩɩ ŋaa, a leŋ dɩ ŋɩɩ ŋaa.’

Matiu 10:14

Dɩ ma nɛ mʋ nʋʋkala teeŋ, dɩ ʋ pɔ dɩ ma sɩ́ jʋʋ a bɩ ma wɩaa ma jegilee nɩɩ, má lɩɩ dɩa-la lɛ koo taŋ-la lɛ a kpesi ma naasɩŋ hagɩla ta. Ba jaŋ jɩŋ arɩ ba ŋaa wɩɩ nɛ a chei ma lɛ.

Tɩntɩŋŋaa 13:51

Pɔɔl arɩ Banabas kpesi ba nɛntɛŋŋɛɛ hagɩla ta a dagɛ arɩ ba chei wɩɩ nɛ, aŋ lɩɩ mʋ Ikooniam.

Tɩntɩŋŋaa 18:6

Ŋɩɩ nɛ Juu tɩmma-la lɩɩ Pɔɔl harɩŋ aŋ tʋʋsʋ. Ba sɩ ŋaa ŋɩɩ, ʋ kpesi ʋ gɛnnɩŋ kʋŋkɔlʋŋ hɛ ba lɛ aŋ bʋla pɩba, “Ma wʋbɔŋŋɔɔ jaŋ nyʋa ma nyuŋ lɛ. Mɩ wɩɩ dee. A lɩɩ jɩnɩŋ mɩ jaŋ mʋ a bʋl Wɩa wɩaa pɩ nɩalɩŋ sɩ bɩ Juu tɩŋŋaa ŋaa.”

1 Kɔrɩntɩ Nɩaa 14:16

Dɩ ma nɛ kʋ hilimi, aŋ ka dɩ nʋʋ kɛŋ yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl a dɩdɛnnɛ Wɩa, nɩalɩŋ sɩ hɔŋ nɩmɛ sɩ bɩ wɩɩ-la ŋ sɩɩ bʋl nɩa, dɩ ŋ nɛ chʋɔla dɛrɛ, ɛɛ nɛ ba jaŋ ŋaa jɩŋ wɩɩ-la bʋbʋɔŋ a bʋl Amɩɩ?

1 SAMƲƐL 15:28

Ŋɩɩ nɛ ʋ bʋla pɩ Sɔɔl, “Jɩnɩŋ, La TƖƖNA kɛŋ Iziral tinteeŋ kuoruŋ laa ŋ nɩsɩŋ lɛ nɛ arɩ doluŋ, a joŋo pɩ nʋʋ dɔŋ sɩ kpɩaŋ.