NƐHƖMAAYA 4:11 - WƖA TENIŊ

¹¹ La dʋndɔŋŋɔɔ ma bʋl, “Juu tɩmma-la jaŋ kʋ jɩjɩŋ koo a nɩnala dɩ la hɛ ba tʋɔŋ a kpʋba, ka dɩ tɩntɩmɩɩ-la birigi.”

NƐHƖMAAYA 4:11 ပူးပေါင်းရင်းမြစ်များ

2 SAMƲƐL 17:2

Mɩ jaŋ yuou bʋa-la lɛ lɔlʋŋ sɩ jʋʋ-ʋ, ʋ nandaasɩŋ kala yʋɔrɛ. Mɩ jaŋ guu mʋ dɩ ʋ lɛ, dɩ fawʋllʋŋ kɛnʋ, dɩ ʋ nɩaa kala fá viiri. Ka dɩ mɩ kpʋ ʋ dʋndʋŋa,

NƐHƖMAAYA 4:10

Ama Juda nɩaa sɩ, “Tɩntɩnnaa doluŋ kala dɛrɛ nɛ, ka tabɩaa arɩ tɩɛrɩŋ ma daŋ dɔŋɔ lɛ yʋgɛ. Ŋɩɩ leŋ la bɩ jaŋ wuo wasa paa jebii-la saa.”

NƐHƖMAAYA 4:12

Ŋɩɩ nɛ la Juu tɩmma-la dɔnsʋŋ sɩ jʋʋ kpɩkpagɛba kʋ lɔgɔ pɩla bʋlɩa bʋlɩa wɩalɩŋ ba sɩ vʋʋra tɩgɛ la lɛ.

NƐHƖMAAYA 4:9

Ŋɩɩ nɛ la ma sʋl la Wɩa, aŋ lɩɩsɛ nɩaa ba pʋpɔ leriŋ tɩtaŋɩŋ arɩ wɩɩhɛyɛ kala a mʋ tɩgɛ wɩɩ-la ba sɩ vʋʋra lɛ.

WƖA YƖƖLAA 56:6

Ba yie vʋʋrɛ nɛ a faa bibeŋ mɩ naavɛnɛɛ, a chɩchɛ wombiiŋ dɩ ba kpʋmɛ.

AZAAYA 47:11

Wʋlɔrʋnʋŋ jaŋ jʋʋŋ, ŋ chichiribii-la bɩ jaŋ wuo lɩɩsɩŋ ba lɛ. Wʋlɩmɩŋ jaŋ jʋʋŋ, ka ŋ bɩ jaŋ wuo time laa ŋ tɩtɩa. Wɩɩ ŋ ha sɩ bɩ bɩɩna aŋ ka jaŋ guu jʋʋŋ a cheyiŋ.

Tɩntɩŋŋaa 23:12

Ʋ taŋ sɩ pʋla, Juu tɩŋŋaa dɔnsʋŋ hilimi dɔŋɔ lɛ a vʋʋrɛ dɩ ba kpʋ Pɔɔl. Ba ŋmɩɛsa nɛ arɩ ba nɛ bɩ ʋ kpʋa, ba bɩ jaŋ dii kɩaa, a bɩ jaŋ nyʋa lɩɩŋ ma.

Tɩntɩŋŋaa 23:21

Saa sɩ́ sɛɩ, bɛɛ wɩaa nɩalɩŋ dɔnsʋŋ jaŋ faa wombiiŋ lɛ a gbɛrʋ. Ba kɩɩ nɩaa mahɩŋ balɩa. Ba ŋmɩɛsa nɛ dɩ ba nɛ bɩ Pɔɔl kpʋa, ba bɩra bɩ jaŋ dii kɩaa, ba bɩ jaŋ nyʋa lɩɩŋ maa. Ba kɛŋ ba tɩtɩa hɛ dɔŋɔ nɛ dɩ ŋ pʋ wombiiŋ dɩ ʋ kɔ.”

1 Tɛsalonaaka Nɩaa 5:2

bɛɛ wɩaa ma tɩtɩa jɩma woruŋ dɩ La Tɩɩna Yesu nɩɩ kɔ tapʋlɩɩ-la, ʋ jaŋ kʋ dɩ ma lɛ, a nagɛ gaara sɩ yie guu kɔ ŋɩɩ tɩtaŋɩŋ.