NƐHƖMAAYA 2:19 - WƖA TENIŊ

¹⁹ Ama Sambalat arɩ Tobia a pɛ Arab tɩɩna ma ba sɩɩ yɩrɛ Gesem sɩ nɩɩ wɩɩ-la, ba mɔŋ-la a sisierila a bʋl, “Bɛɛ kʋŋ nɛ maa ŋaa ŋ-la? Maa vɩa kuoro niiŋ nɛ koo?”

NƐHƖMAAYA 2:19 ပူးပေါင်းရင်းမြစ်များ

NƐHƖMAAYA 13:28

Ɛlɩasɩb sɩ ŋaa Wɩɩsʋllɩ sɩpaalaaraa nɩhɩaŋ nanʋala dɔŋɔ nɛ fa Joyada. Ama Joyada hɩɩlɩ-baala nɛ fa Sambalat, Horo tɩɩna-la. Ŋɩɩ nɛ mɩ kiri Joyada ta mɩ teeŋ.

NƐHƖMAAYA 2:10

Sanbalat sɩ ŋaa Horo tɩɩna, arɩ Tobia ma sɩ ŋaa Amɔŋ tɩŋŋaa tɩntɩnnɩ-hɩaŋ sɩ nɩɩ wɩɩ-la, ba faasa na baanɩŋ a tɩŋ nʋʋ sɩ kɔ dɩ ʋ ŋaa wʋzɔmʋŋ a pɩ Iziral tɩŋŋaa wɩaa.

NƐHƖMAAYA 4:1

Baal kʋbala ba sɩɩ yɩrɛ Sambalat sɩ nɩa dɩ la wasa paa jebii-la a sɩsaa nɛ, ʋ baanɩŋ chaasa sii woruŋ, ʋ sisieri la-na Juu tɩŋŋaa lɛ

NƐHƖMAAYA 6:6

Teŋ-la tʋɔŋ ŋ-la nɛ ba ŋmʋnsa hɛ: “Tinteyee tʋɔŋ nɩaa ka bʋl, arɩ ŋ dɩ Juu tɩŋŋaa ka vʋʋrɛ nɛ dɩ ma hɛ yuosuŋ, ŋɩɩ nɛ tɩɩ ma wasaa saa jee-la ŋɩɩ. Ba bɩra bʋla arɩ ŋŋ chɛ ŋ ŋaa ba kuoro nɛ, Gesem ma bʋl arɩ wʋtɩtɩɩ nɛ.

NƐHƖMAAYA 6:9

Ba kala faa nɛrɩgɛ dɩ ba fugisila nɛ, dɩ la nandaasɩŋ yʋɔrɛ tɩntɩmɩɩ-la lɛ, dɩ la sɩ́ wuo dɛrɛ. Ama mɩ sʋl Wɩa a bʋl, “Wɩa, pɩmɛ doluŋ.”

JOB 30:1

Ama lɛɛlɛ mɩ ŋaa mɔmɩɩ nɛ, nɩalɩŋ mɩ ma sɩ hɩa mʋmɔmmɛ, nɩalɩŋ nyɩmmaba mɩ sɩ paala beŋ dɩ ba bɩ maga dɩ mɩ jomba hɛ vasɩ-la sɩɩ to mɩ piesee harɩŋ.

WƖA YƖƖLAA 123:4

Nɩalɩŋ sɩɩ dagɛ ba tɩtɩa mɔnla a kieli nɛ, sɩɩ-duo tɩŋŋaa bee gʋʋnɛla a kieli nɛ.

WƖA YƖƖLAA 79:4

Tinteye-la nɩaa sɩ gollila tʋʋsɛla, a mɔnla, aŋ sisieri la lɛ.

WƖA YƖƖLAA 80:6

Ŋ leŋe la ŋaa mɔmɩa nɛ tinteye-la nɩaa sɩ gollila teeŋ, la dʋndɔŋŋɔɔ sisieri la lɛ.

WƖA YƖƖLAA 80:7

Wɩa doluŋ kala Tɩɩna, kɛnla mɩɩra kɔ, a suri ŋ sɩaa pɩla dɩ la na wiese.

AZAAYA 36:5

Ma sɩ ma kɛŋ laalɩŋ-yuonuŋ jɩma arɩ doluŋ nɛ, ama ma wʋbʋlɩɩ-la kala ŋaa pɛɩ nɛ. Kʋbɛɛ lɛ nɛ ma joŋ ma yɩɛlaa a daŋ aŋ vɩamɛ?

JƐRƖMAAYA 20:8

Dɩ mɩ nɛ bʋl wɩaa bʋa na-kala, mɩ yie yel nɛ a heele bʋbʋl doluŋ sɩ diila arɩ cheeriŋ sɩ puula. La TƖƖNA niiŋ wɩaa joŋ joŋŋoo arɩ hɩɩsɩŋ nɛ a hɩhɛ mɩ lɛ tapʋlɩɩ kala.

JƐRƖMAAYA 41:10

Ŋɩɩ nɛ Ɩsɩmɛl kɛsɛ nɩkaana-la kala sɩ hɛ Mɩzɩpa lɛ ba ŋaa yosi, kuoro toloo arɩ nɩalɩŋ kala sɩ ka lee-la, nɩalɩŋ Nebuzaradaŋ sɩ ŋaa laalɩyuoro-la sɩɩ pɔ kuoro nɩhɩaŋ sɩ lɩɩsɛ Ahɩkam nanʋala Gedalia ʋ bibeŋ. Ŋɩɩ nɛ Nɛtanɩa nanʋala Ɩsɩmɛl kɛsɛba ba ŋaa yosi dɩ ba cholo mʋ Amɔŋ tinteeŋ.

Matiu 9:24

Ŋɩɩ nɛ Yesu bʋla pɩba, “Nʋʋkala lɩɩ, tolo-la bɩ sʋba, ʋ ta pɩŋ doŋ nɛ.” Ŋɩɩ nɛ ba kala mʋmɔmʋ.

Maak 5:40

Ba kala mɩɩra chɩna mʋmɔmʋ. Ŋɩɩ nɛ ʋ kiriba ta ba lɩɩ, aŋ ka ʋ kɛŋ bile nyɩmma arɩ ʋ naaŋ arɩ ʋ harɩ-tooroo ba jʋʋ dɩa-la tʋɔŋ bile sɩ pɩna.

Luuk 23:2

Nɩmɛ nɛ ba suomo dɩdagɛ wɩalɩŋ ʋ sɩ cheye, “La kɛŋ baala deeŋ dɩ ʋ nyɩsɛ la nɩaa dɩ ba vɩa la wombii-la la sɩɩ to, aŋ bʋl dɩ ba sɩ́ lampoo ma time pɩ Rom tinteeŋ kuoru-balɩŋ. Ʋ bɩra bʋla a tɩgɛ ʋ tɩtɩa lɛ dɩ ʋ nɛ ŋaa Kirisito, Nɩɩ-la Wɩa sɩ lɩɩsa, aŋ bʋl dɩ ʋ ŋaa kuoru ma nɛ.”

Jɔɔŋ 19:12

Paalɩt sɩ nɩɩ ŋɩɩ, ʋ fa cho dɩ ʋ joŋ Yesu ta. Ŋɩɩ nɛ Juu tɩŋŋaa faasa kpɩa goŋ a bʋl, “Dɩ ŋ nɛ joŋu ta, ŋ bɩra bɩ la tinteeŋ kuoru-balɩŋ ba sɩɩ yɩrɛ Siiza nandɔŋ ŋaa. Nɩɩ-la kala sɩ kɛŋ ʋ tɩtɩa yɩyɩrɛ kuoru, ʋ tɩɩna ŋaa kuoru-balɩŋ dʋndɔŋ nɛ.”

Tɩntɩŋŋaa 24:5

La na dɩ baala deeŋ ŋaa wʋhɛɛrʋ nɛ. Juu tɩŋŋaa sɩ hɛ dʋnɩa sɛmɛ-na kala lɛ, ʋ yie mʋ lee-la a ŋaa taawɛɩ. Ʋ nɛ ŋaa Nazarɛt nɩaa Wɩɩ-chʋɔlaa kʋhɩaŋ ma.

Hiburu TƖŊŊAA 11:36

Dʋnɩa nɩaa mɔŋ dɔnsʋŋ nɛ. Ba vɩɩrɛ dɔnsʋŋ ma ba yaraa bɩɛlɛ. Ba vɔɔ dɔnsʋŋ ma arɩ chɔrʋmɔɔ aŋ kɛmba tɔ dɩa.