NƐHƖMAAYA 2:17 - WƖA TENIŊ

¹⁷ Ŋɩɩ nɛ mɩ bʋla pɩba, “Ma tɩtɩa na wʋwalɩmɩa-la tʋɔŋ la sɩ hɛ nɛ. Jerusalɛm kala pɩŋ jikpeeŋ nɛ, ba nyɩgɛ ʋ boi-baalaa ma. Má kɔ dɩ la paa Jerusalɛm jebii-la wasa saa, a tɔ la hɩɩsɩŋ.”

NƐHƖMAAYA 2:17 ပူးပေါင်းရင်းမြစ်များ

ƐZƖRA 9:9

La fa ŋaa yosi ma nɛ, ama ŋ-na la Wɩa bɩ la vɩa ta la yoŋ-baga-la lɛ. Ŋ dagɛ ŋ zile pɩla nɛ a leŋ Pɛsɩa tinteeŋ kuoro cho la wɩaa, a leŋ la kɛŋ mɩɩsɩŋ dɩ la wasa saa ŋ dɩa-la a bɩrɩmɛ lere-la kala sɩ cheye, ŋ leŋe la Juda arɩ Jerusalɛm nɩaa hɔŋ nɛ wɩɩ bɩ la walɩmɛ.

NƐHƖMAAYA 1:3

Ŋɩɩ nɛ ba bʋla pɩmɛ, “Nɩalɩŋ sɩ bɩ sʋba yoŋ-baga lɛ mɩɩra kɔ tintee-la nɛ a chaasa hɛ wʋwalɩmaa arɩ hɩɩsɩŋ tʋɔŋ. Jebii-la sɩ golli Jerusalɛm kala nɛ ba ŋmoo lo a nyɩgɛ ʋ boi-baalaa kala.”

NƐHƖMAAYA 2:13

Tɩtaŋ-la mɩ to boi-baal-la ba sɩɩ yɩrɛ Fuonaaŋ Boi-baalɩŋ nɛ lɩɩ a chaasɛ vil-la ba sɩɩ yɩrɛ Jolluŋ Viliŋ a mʋ yi boi-baal-la ma ba sɩɩ yɩrɛ Nɛ-bɩnɩŋ Boi-baalɩŋ a gɔllɔɔ beŋ Jerusalɛm jebie-la ba sɩ ŋmoo lo, arɩ ʋ boi-baala-la nyiniŋ sɩ dii chei.

NƐHƖMAAYA 2:16

Taŋ-la tɩntɩnnɩ-hɩasɩŋ fa bɩ jɩŋ lee-la mɩ sɩ mʋa koo wɩɩ-la mɩ sɩɩ ŋaa. Mɩ fa ha bɩ wɩɩkala bʋla pɩ mɩ Juu tɩŋŋaa dɔnsʋŋ, Wɩɩsʋllɩ sɩpaalaaraa, tintee-la nɩbalaa, ba tɩntɩnnɩ-hɩasɩŋ koo nɩalɩŋ dɔnsʋŋ sɩ jaŋ tɩŋ tɩntɩmɩɩ-la.

NƐHƖMAAYA 3:15

Koli-Hoze nanʋala Salum sɩɩ beŋ Jerusalɛm sɛmɛ-la ba sɩɩ yɩrɛ Mizipa ma nɛ wasa saa Lɩɩ-bul-sɩɩŋ Boi-baal-la. Ʋ saaʋ nɛ a pilimi, a hɛ ʋ borusuŋ arɩ ʋ hɔɔnʋŋ arɩ daasɩ-la ba sɩ jaŋ kaa gɩgɩrɩgɛ borusu-la. Ʋ bɩra wasa saa jebii-la sɩ hɛ Sɛla fuo-la leriŋ a tɩgɛ Kuoro Gaarɩŋ lɛ, a kɛŋ ŋɩɩ mʋ yi lusuŋ-chol-sɩa-la sɩɩ lɩɩ Devit tabal-la lɛ.

WƖA YƖƖLAA 102:15

Tinteyee nɩaa jaŋ fá La Tɩɩna, dʋnɩa kuoroo kala jaŋ zilu a tɩŋ ʋ tʋla wɩaa.

WƖA YƖƖLAA 44:13

Ŋ leŋe la ŋaa mɔmɩa nɛ nɩalɩŋ sɩ jʋʋ kpɩkpagɛla teeŋ. Tinteye-la sɩ gollila ma sisieri la lɛ.

WƖA YƖƖLAA 44:14

Tinteye-la ma tʋɔŋ la sɩ guolo, ŋ leŋe la nagɛ mɔmɩa nɛ ba teeŋ, ba mɔmɔ duduuri.

WƖA YƖƖLAA 79:12

La Tɩɩna, joŋ tinteye-la nɩaa sɩ tʋʋsʋŋ jomo-la chɩmɩŋ a tiŋ ba lɛ naansɩɩŋ bʋlɩpɛ.

WƖA YƖƖLAA 79:4

Tinteye-la nɩaa sɩ gollila tʋʋsɛla, a mɔnla, aŋ sisieri la lɛ.

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JEMBIEE 2:2

La TƖƖNA bɩ ba nenige fá aŋ chei lere-la kala Iziral tɩŋŋaa sɩɩ jʋʋ. Ʋ sɩ na baanɩŋ, ʋ yigi ʋ yigi Juda nɩaa dɩ-duoruŋ lo nɛ. Ʋ kɛŋ ba tinteeŋ arɩ ba sɩpaalaaraa muuri nɛ, a leŋ ba dii hɩɩsɩŋ.

JEMBIEE 3:51

Wɩalɩŋ mɩ sɩ na dɩ ba joŋo ŋaa haala-la kala sɩ hɛ mɩ tabalɩŋ lɛ leŋe mɩ tʋɔŋ chei nɛ.

ƐZƖKƖƐL 5:14

Mɩ jaŋ leŋ dɩ ŋ pɩŋ jikpeeŋ a ŋaa mɔmɩɩ tinteye-la sɩ golluŋ teeŋ arɩ nʋʋkala sɩ jaŋ to lee-la bɩbal.

MƖKA 7:11

Jerusalɛm nɩaa, tapʋlɩɩ-la ma sɩ jaŋ bɩra paa ma kɛrɩsɩŋ saa ka kɔ nɛ, tapʋlɩɩ-la nɛ ma jaŋ kɛŋ ma tinteeŋ bʋa jalla pɛ.

1 SAMƲƐL 11:2

Nahas bʋl, “Dɩ ma nɛ jaŋ sɛɩ dɩ mɩ chaarɛ ma nadiiŋ sɩaa, a hɛ ma Iziral tɩŋŋaa kala hɩɩsɩŋ, mɩ jaŋ leŋ dɩ la hɛ niiŋ pɩ dɔŋɔ.”