NƐHƖMAAYA 2:13 - WƖA TENIŊ

¹³ Tɩtaŋ-la mɩ to boi-baal-la ba sɩɩ yɩrɛ Fuonaaŋ Boi-baalɩŋ nɛ lɩɩ a chaasɛ vil-la ba sɩɩ yɩrɛ Jolluŋ Viliŋ a mʋ yi boi-baal-la ma ba sɩɩ yɩrɛ Nɛ-bɩnɩŋ Boi-baalɩŋ a gɔllɔɔ beŋ Jerusalɛm jebie-la ba sɩ ŋmoo lo, arɩ ʋ boi-baala-la nyiniŋ sɩ dii chei.

NƐHƖMAAYA 2:13 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 26:9

Uzia fa saa jebii-duduosuŋ hɛ Jerusalɛm boi-baalaa deemba lɛ nɛ: Je-gʋnʋŋ Boi-baalɩŋ, Fuonaaŋ Boi-baalɩŋ arɩ jebii-la loŋgoruŋ lɛ, a leŋ ba dol woruŋ.

NƐHƖMAAYA 1:3

Ŋɩɩ nɛ ba bʋla pɩmɛ, “Nɩalɩŋ sɩ bɩ sʋba yoŋ-baga lɛ mɩɩra kɔ tintee-la nɛ a chaasa hɛ wʋwalɩmaa arɩ hɩɩsɩŋ tʋɔŋ. Jebii-la sɩ golli Jerusalɛm kala nɛ ba ŋmoo lo a nyɩgɛ ʋ boi-baalaa kala.”

NƐHƖMAAYA 12:31

Ŋɩɩ nɛ mɩ leŋ Juda nɩaa sɩpaalaaraa jɩl jebii-la nyuŋ. Ŋɩɩ nɛ mɩ lɩɩsɛ yɩɩlɩ yɩraa sɩ yʋga bugoo balɩa dɩ ba lʋlɔllɛ Wɩa. Bugo-la dɔŋɔ jɩl jebii-la nyuŋ a mʋmʋ nadiiŋ dɩɩrɩŋ, a chaasɛ Nɛ-bɩnɩŋ Boi-baalɩŋ.

NƐHƖMAAYA 2:12

tɩtaŋ kʋbala, mɩ dɩ baalaa baŋmɛnɛ lɩɩ gɔllɛ. Mɩ fa bɩ wɩɩ-la Wɩa sɩ joŋo hɛ mɩ tʋɔŋ lɛ dɩ mɩ ŋaa Jerusalɛm lɛ bʋla pɩ nʋʋkala. Mɩ fa bɩ pʋna kala kaa to mɩ harɩŋ lɩɩ, see kakumo-la mɩ sɩ jɩla dʋndʋŋa.

NƐHƖMAAYA 2:15

Ŋɩɩ nɛ mɩ tuu fuonaa-la tɩtaŋ-la a gɔllɔɔ beŋ jebii-la, a bɩra mɩɩrɛ harɩŋ a to Fuonaaŋ Boi-baal-la mɩ sɩ to kʋ lɩɩ a jʋʋ.

NƐHƖMAAYA 2:17

Ŋɩɩ nɛ mɩ bʋla pɩba, “Ma tɩtɩa na wʋwalɩmɩa-la tʋɔŋ la sɩ hɛ nɛ. Jerusalɛm kala pɩŋ jikpeeŋ nɛ, ba nyɩgɛ ʋ boi-baalaa ma. Má kɔ dɩ la paa Jerusalɛm jebii-la wasa saa, a tɔ la hɩɩsɩŋ.”

NƐHƖMAAYA 2:3

Ama mɩ bʋla pɩ kuoro, “Kuoro, a leŋ dɩ ŋ mɩɩsɩŋ duomi. Mɩ tʋɔŋ cheye bɛɛ wɩaa, tabal-la lɛ ba sɩ hugi mɩ naabalɩmaba pɩŋ jikpeeŋ nɛ, ʋ boi-baalaa ma kala nɛ nyiniŋ dii chei.”

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.