NƐHƖMAAYA 2:1 - WƖA TENIŊ

¹ Atazɛzɛs sɩ dii kuoruŋ ʋ jɩsɩŋ mara tʋɔŋ, chɛnɛ-la ba sɩɩ yɩrɛ Nisaŋ lɛ nɛ tapʋlɩɩ kʋbala, ba kɛŋ girep nɛnɛɛ sɩnɩŋ kɔ dɩ ba pʋ. Mɩ laa sɩŋ-la kaa mʋ pɩ kuoro. Mɩ tʋɔŋ ha bɩ cheye ʋ sɩpaaŋ aŋ ka.

NƐHƖMAAYA 2:1 ပူးပေါင်းရင်းမြစ်များ

WƖAA DƖ-SUOMUŊ 40:11

Dɩ Ijipiti tinteeŋ kuoro nyʋnyʋala hɛ mɩ nɩsɩŋ lɛ. Ŋɩɩ nɛ mɩ chagɛ tɩɩnɛnɛ-la lɩɩŋ hɛ nyʋnyʋala-la lɛ a joŋo hɛ kuoro nɩsɩŋ lɛ.”

WƖAA DƖ-SUOMUŊ 40:21

Ʋ leŋ ba bɩra joŋ ʋ nyʋnyʋalɩ koruru-hɩaŋ-la nyʋnyʋala pʋ ʋ bɩra tɩtɩŋ ʋ tɩntɩŋŋaa,

ƐZƖRA 4:7

Pɛsɩa kuoro Atazɛzɛs ma kuoruŋ bʋa lɛ, Bɩsɩlam, Mɛfɩrɛdaf, Tabɛɛl, arɩ nɩalɩŋ kala sɩɩ tɩgɛ ʋ lɛ ŋmʋnsɛ teniŋ pɩ Atazɛzɛs. Aramek yikoro nɛ ba fa kaa ŋmʋnsɛ teŋ-la, dɩ ba karɩmɛ a dagɛ ʋ bʋbʋɔŋ pɩ kuoro.

ƐZƖRA 7:1

Wɩaa deemba kala harɩŋ, Pɛsɩa tinteeŋ kuoro Atazɛzɛs kuoruŋ bʋa lɛ, baal kʋbala nɛ fa hɛ nɩmɛ baa yɩrɛ Ɛzɩra. Ɛzɩra nyɩmma nɛ fa Sɛraaya, a ŋaa Azarɩa ma nihiŋ. Ʋ doho nɩaa dɔnsʋŋ ma nɛ: Hɩlɩkaaya,

ƐZƖRA 7:7

Atazɛzɛs sɩ dii kuoruŋ ʋ jɩsɩŋ balɩpɛ tʋɔŋ nɛ, Iziral tɩŋŋaa dɔnsʋŋ, a pɛ Wɩɩsʋllɩ sɩpaalaaraa, Levi doho nɩaa, yɩɩlɩ yɩɩraa, boi-pɔɔrɔɔ arɩ Wɩa dɩɩ-bal-la tɩntɩnnaa to Ɛzɩra harɩŋ kɔ Jerusalɛm.

NƐHƖMAAYA 1:1

Wɩalɩŋ Hakalɩa nanʋala Nɛhɩmaaya sɩ bʋla: Atazɛzɛs sɩ dii Pɛsɩa tinteeŋ kuoruŋ ʋ jɩsɩŋ mara tʋɔŋ, chɛnɛ-la ba sɩɩ yɩrɛ Kɩsɩlɛ lɛ, dɩ mɩ-na Nɛhɩmaaya hɛ dɩ-duo-la ba sɩɩ yɩrɛ Sʋsa sɩ ŋaa ba tabalɩŋ lɛ.

NƐHƖMAAYA 1:11

Mɩ Tɩɩna, jegile nɩɩ mɩ-na ŋ tɩntɩnna sʋla arɩ ŋ tɩntɩnnaa dɔnsʋŋ Wɩɩsʋlʋŋ, la nɩalɩŋ sɩ choŋ a ziziliŋ. Leŋ dɩ mɩ-na ŋ tɩntɩnna cheŋ nyu-sɩmɩŋ, a leŋ dɩ kuoro tʋɔŋ tɔrɛ mɩ nyuŋ.” Bʋa deeŋ lɛ dɩ mɩ nɛ fa ŋaa nɩɩ-la sɩɩ kori kuoru-la nyʋnyʋala.

ƐSƖTA 3:7

Kuoro Zɛzɛs sɩ dii kuoruŋ, jɩsɩŋ fii arɩ balɩa tʋɔŋ chɛŋ bumbuŋ-la ba sɩɩ yɩrɛ Nɩsaŋ tʋɔŋ nɛ, Hamaŋ bʋl dɩ ba tɔnsɛ dɩ ʋ na tapʋlɩɩ-la arɩ chɛnɛ-la sɩ maga dɩ ʋ ŋaa wɩɩ-la ʋ sɩ bɩɩna dɩ ʋ ŋaa. Ŋɩɩ nɛ ba lɩɩsɛ chɛŋ-fii arɩ balɩa-la ba sɩɩ yɩrɛ Adaa, ʋ tʋɔŋ tapʋlaa fii arɩ batori chɛɛŋ.

DANƖƐL 9:25

Jɩŋ wɩɩŋ deeŋ sɩaa woruŋ: A chɩŋ bʋa-la lɛ ba sɩ pa wombiiŋ dɩ ba paa Jerusalɛm wasa saa, a kaa kɔ bʋa-la lɛ Wɩa sɩ jaŋ lɩɩsɛ sɩpaalaarʋ-la dɩ ʋ kɔ, jaŋ ŋaa yɔɔsʋŋ balɩpɛ sɩ bala lɛ. Ba sɩ jaŋ bɩra bil wombiee ma a lu bʋɔsʋŋ ma a kaa pɔ ba tɩtɩa Jerusalɛm lɛ jaŋ ŋaa jɩsɩŋ zɔɔ-banɛsɛ arɩ mahɩŋ banɛsɛ arɩ batori lɛ. Ama bʋa deeŋ lɛ wʋjʋʋlaa jaŋ hɛ nɩmɛ.