NƐHƖMAAYA 13:28 - WƖA TENIŊ

²⁸ Ɛlɩasɩb sɩ ŋaa Wɩɩsʋllɩ sɩpaalaaraa nɩhɩaŋ nanʋala dɔŋɔ nɛ fa Joyada. Ama Joyada hɩɩlɩ-baala nɛ fa Sambalat, Horo tɩɩna-la. Ŋɩɩ nɛ mɩ kiri Joyada ta mɩ teeŋ.

NƐHƖMAAYA 13:28 ပူးပေါင်းရင်းမြစ်များ

ƐZƖRA 10:8

Dɩ nʋʋkala nɛ bɩ kɔ a kaa mʋ yi tapʋlaa batori pɛgɛ, ba jaŋ laa ʋ dʋa kala, arɩ tɩntɩnnɩ-hɩasɩŋ arɩ nɩhɩasɩŋ sɩ dagɛ ŋɩɩ, aŋ kiru ta nɩalɩŋ sɩ lɩɩ yoŋ-baga kɔ tʋɔŋ.

NƐHƖMAAYA 12:10

Joyakim nyɩmma nɛ fa Jesua, Ɛlɩasɩb ma nyɩmma nɛ Joyakim, Joyada ma nyɩmma nɛ Ɛlɩasɩb,

NƐHƖMAAYA 12:22

Daarus sɩ dii Pɛsɩa tinteeŋ kuoruŋ, bʋa-la lɛ nɛ ba ŋmʋnsɛ Levi doho nɩaa dɩa dɩa nɩhɩasɩŋ yɩraa a bil. Nɩaa deemba nɛ fa ŋaa ba nɩhɩasɩŋ: Ɛlɩasɩb, Joyada, Johanaŋ arɩ Jadʋa, a saa pɛ Wɩɩsʋllɩ sɩpaalaaraa dɩa dɩa yɩraa lɛ.

NƐHƖMAAYA 13:25

Mɩ ŋaa goŋ ba nyuŋ a ŋmɩɛsa hɛ ba lɛ. Mɩ ŋmoo nɩalɩŋ dɔnsʋŋ a lɛrɛ ba nyu-pʋnaa churi. Mɩ leŋ ba ŋmɩɛsɛ Wɩa yɩrɩŋ lɛ a bʋl, “La bɩ jaŋ joŋ la toloo a pɩ ba hambolibiisiŋ dɩ ba jaa, koo a jaa ba toloo a pɩ la hambolibiisiŋ koo la tɩtɩa.

NƐHƖMAAYA 2:10

Sanbalat sɩ ŋaa Horo tɩɩna, arɩ Tobia ma sɩ ŋaa Amɔŋ tɩŋŋaa tɩntɩnnɩ-hɩaŋ sɩ nɩɩ wɩɩ-la, ba faasa na baanɩŋ a tɩŋ nʋʋ sɩ kɔ dɩ ʋ ŋaa wʋzɔmʋŋ a pɩ Iziral tɩŋŋaa wɩaa.

NƐHƖMAAYA 2:19

Ama Sambalat arɩ Tobia a pɛ Arab tɩɩna ma ba sɩɩ yɩrɛ Gesem sɩ nɩɩ wɩɩ-la, ba mɔŋ-la a sisierila a bʋl, “Bɛɛ kʋŋ nɛ maa ŋaa ŋ-la? Maa vɩa kuoro niiŋ nɛ koo?”

NƐHƖMAAYA 3:1

Ŋɩɩ nɛ Ɛlɩasɩb sɩ ŋaa Wɩɩsʋllɩ sɩpaalaaraa nɩhɩaŋ arɩ ʋ tɩntɩnnɩ dɔnsʋ-la ma sɩ ŋaa Wɩɩsʋllɩ sɩpaalaara suomi ba tɩntɩŋŋaa, a wasa paa boi-baal-la ba sɩɩ yɩrɛ Piesee boi-baalɩŋ saa. Ba joŋo pɩ Wɩa, aŋ hɛ ʋ borusuŋ a saaʋ ŋɩɩ a mʋ yi dɩɩ-leŋii-la ba sɩɩ yɩrɛ Zɔlɔ arɩ Hananɛl Dɩɩ-duduoŋ-la a joŋ ba ma pɩ Wɩa.

NƐHƖMAAYA 4:1

Baal kʋbala ba sɩɩ yɩrɛ Sambalat sɩ nɩa dɩ la wasa paa jebii-la a sɩsaa nɛ, ʋ baanɩŋ chaasa sii woruŋ, ʋ sisieri la-na Juu tɩŋŋaa lɛ

WƖA YƖƖLAA 101:8

Tapʋlɩɩ na-kala mɩ jaŋ chei nɩbɔŋŋɔɔ la tinteeŋ lɛ. Mɩ jaŋ kiri wʋbɔŋ-ŋaaraa ta dɩ ba lɩɩ La Tɩɩna tabalɩŋ lɛ.

NAMAGABA 20:26

Kuoru wʋjɩnna yie beŋ nɛ a chagɩsa chaarɛ nɩbɔŋŋɔɔ, a dɔgɩsɛba.

NAMAGABA 20:8

Dɩ kuoro nɛ hɔŋ ʋ kuoru kpasa nyuŋ dɩ ʋ dii sarɩya, ʋ yie beŋ nɛ a chagɩsa jɩŋ wʋbɔmɔ-la kala sɩ hɛ nɩmɛ.