NƐHƖMAAYA 13:15 - WƖA TENIŊ

¹⁵ Bʋa-la lɛ, mɩ na Juda nɩaa dɩ baa chagɛ girep nɛnɛɛ sɩnɩŋ chɛ-wiesii-la chɛɛŋ, a kɛŋ ba kakusuŋ chʋchʋŋ mɩaa, girep nɛnɛɛ sɩnɩŋ, girep, tutogi-nambɩlaa arɩ chʋgʋsʋŋ dɔnsʋŋ. Ba chʋŋ kɩaa deemba kala chɛ-wiesii-la chɛɛŋ nɛ a kʋʋ jʋʋ Jerusalɛm. Ŋɩɩ nɛ mɩ bʋla pɩba dɩ ba sɩ kɩaa yallʋ chɛ-wiesii-la chɛɛŋ.

NƐHƖMAAYA 13:15 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 24:19

La TƖƖNA tɩŋ ʋ wʋlaabʋllaa dɩ ba kpʋrɩsɛ nɩalɩŋ dɩgɩlaa dɩ ba mɩɩra kɔ ʋ teeŋ, ama ba vɩa dɩ ba nɩɩ.

NƐHƖMAAYA 10:31

Dɩ tintee-wogusu-la nɩaa nɛ kɛŋ mɩaa koo kɩaa dɔnsʋŋ kɔ dɩ ba yallɛ chɛ-wiesii-la chɛɛŋ koo tapʋl-zɔŋ kala chɛɛŋ, la bɩ jaŋ yɔɔ. Jɩsɩŋ balɩpɛ na-kala, la jaŋ leŋ dɩ la tinteeŋ pɩna wiesi, aŋ joŋ nɩaa chɩŋŋaa kala ma chɛba.

NƐHƖMAAYA 10:32

Jɩna na-kala, la kʋŋkala jaŋ kɩɛsɛ moribiee mʋa mʋa dɩ ba kaa tɩtɩŋ Wɩa dɩɩ-bal-la tɩntɩŋŋaa.

NƐHƖMAAYA 13:16

Chɛ-wiesii-la chɛɛŋ Taaya tɩmma-la sɩ hɛ Jerusalɛm lɛ fa yie kɛŋ chenfilee arɩ kɩaa dɔnsʋŋ kʋʋ yallɛ nɛ Jerusalɛm lɛ a pɩpɩ Juda nɩaa.

NƐHƖMAAYA 13:21

Ŋɩɩ nɛ mɩ kpʋrɩsɛ ba dɩgɩlaa aŋ pɩɛsɛba, “Bɛɛ nɛ tɩɩ ma chʋa jeeŋ harɩŋ? Dɩ ma nɛ bɩra ŋaa wɩɩŋ deeŋ, mɩ jaŋ kɛsɛma.” A chɩŋ bʋa-la lɛ a kaa kɔ ba bɩra bɩ chɛ-wiesii-la chɛɛŋ kɔ.

NƐHƖMAAYA 9:29

Ŋ chagɩlɛ ba nɛ arɩ ba mɩɩra kʋ to ŋ wombiiŋ ŋ sɩ bile dɩ ba tuto, ama ba bigisi ba tɩtɩa lɛ nɛ a bɩ ŋ niiŋ to. Ba vɩa ŋ wombie-la nɩa sɩ jaŋ to a kɛŋ mɩɩsɩŋ nɛ, aŋ ha ŋɩŋaa wʋbɔŋŋɔɔ. Ba kɛŋ nyuduoŋ arɩ dɩgɩlɩŋ-bɩnɩɩ nɛ a joŋ harɩŋ yɩaŋ a bɩ chɛ dɩ ba jegile nɩɩ.

JOB 39:12

Ŋ jaŋ wuo joŋ ŋ yɩɛlaa hɛ ʋ lɛɛ, dɩ ʋ kɛŋ ŋ baga kɩaa kʋ jʋʋ ŋ taha tʋɔŋ a pɩŋ?

WƖA YƖƖLAA 50:7

“Mɩ nɩaa, Iziral tɩmma, má jegile nɩɩ mɩ teeŋ. Mɩ jaŋ bʋl ma teeŋ, mɩ-na nɛ Wɩa, ma Wɩa.

MOSIS KƐŊ IZIRAL TƖŊŊAA LƖƖ 31:12

Ŋɩɩ nɛ La TƖƖNA bʋla pɩ Mosis,

MOSIS KƐŊ IZIRAL TƖŊŊAA LƖƖ 31:16

Ŋɩɩ wɩaa, Iziral tɩŋŋaa doho kala maga dɩ ba tuto chɛ-wiesii-la nɛ, a gbieli a liliisi ʋ wɩaa, dɩ ʋ ŋaa nii sɩ hɛ mɩ dɩ ba pɛgɛ a kaa mʋ wuu.

MOSIS KƐŊ IZIRAL TƖŊŊAA LƖƖ 34:21

Ma jaŋ tɩŋ ma tɩntɩŋŋaa tapʋlaa balɩdʋ, ama tapʋl-pɛɛmɩŋ chɛɛŋ ʋ maga dɩ ma wiesi, dɩ ʋ nɛ paala ŋaa pɛrɩŋ bʋa lɛ koo kɩaa ŋaanɩŋ bʋa lɛ ma.

MOSIS KƐŊ IZIRAL TƖŊŊAA LƖƖ 35:2

Tapʋlaa balɩdʋ nɛ ma jaŋ tɩtɩŋ ma tɩntɩŋŋaa. Ama chɛ-pɛɩ chɛɛŋ ŋaa tapʋl-zɔŋ nɛ a pɩma, a ŋaa chɛ-wiesii a pɩ La TƖƖNA ma. Dɩ nʋʋkala nɛ tɩŋ tɩntɩŋŋaa chɛɛ-la, ʋ maga dɩ ma kpʋʋ nɛ.

NAMAGABA 28:4

Nɩalɩŋ sɩ vɩa Wɩa wombiiŋ nɩɩ bɛsɛ nɩbɔŋŋɔɔ lɛ, ama ba dɩ nɩalɩŋ sɩɩ to wombii-la-na bɩ sugili.

AZAAYA 58:13

La TƖƖNA bɩra sɩ, “Dɩ ma nɛ kɛŋ mɩ chɛ-wiesii-la wɩaa woruŋ, a bɩ ma tɩtɩa tʋɔtɔrɛ wɩaa ka ŋaa mɩ tapʋl-zɔŋ-la, dɩ ma nɛ cho mɩ-na ma TƖƖNA chɛ-wiesii-la a joŋu dɩ ʋ ŋaa tapʋl-zɔŋ dɩ ma zizilu a bɩ ma tʋɔtɔrɛ wɩaa harɩŋ ka to a bɩra bɩ wʋtɔɔnʋŋ maa bʋl chɛɛ-la,

JƐRƖMAAYA 17:24

Mɩ-na ma TƖƖNA sɩ, dɩ ma-na nɛ fɩɛlɛ ma sɩaa a to mɩ niiŋ a bɩ kɩaa chʋŋa to boi-baala-la kʋʋ jʋʋ aŋ lɩlɩɩ tabal-la lɛ chɛ-wiesii-la chɛɛŋ, a bɩ tɩntɩmɩɩ kala ka tɩŋ tapʋlɩɩ-la, aŋ joŋ tapʋlɩɩ-la dɩ ʋ ŋaa tapʋl-zɔŋ,

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 42:19

Ma-na Juda nɩkaanaa, La TƖƖNA bʋla pɩma, ‘Má sɩ́ Ijipiti mʋ.’ Ma jɩŋ wɩɩŋ deeŋ lɛ: Mɩ kpʋrɩsɛ ma dɩgɩlaa nɛ jɩnɩŋ

ƐZƖKƖƐL 20:13

Ama Iziral tɩŋŋaa fa ha vɩa mɩ niiŋ nɛ tintee-hɩlɩɩ-la lɛ. Ba fa vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ dagɛba nɛ, wɩalɩŋ nʋʋ sɩ jaŋ to a kɛŋ mɩɩsɩŋ. Ba fa chaasa chei mɩ chɛ-wiesii-la nɛ. Ŋɩɩ nɛ mɩ sɩ mɩ jaŋ faasa na baanɩŋ ba nyuŋ a cheiba tintee-hɩlɩŋ lɛ.

AMƆS 8:5

Ma yie pɩɛsɛ ma tɩtɩa, ‘Chɛ bɛɛ nɛ chɛŋ-falɩŋ gbiele jaŋ bal ka dɩ la yallɛ mɩaa? Chɛɛ bɛɛ nɛ chɛ-wiesii-la chɛɛŋ jaŋ bal ka dɩ la kɛŋ mɩaa gbaŋa muuri, a hɛ kɩaa yalɩŋ, a kɛŋ sanɩaba-la sɩ bɩ zɔŋ a magɩsa gʋrɛ nɩaa?

MƖKA 6:3

La TƖƖNA sɩ, “Mɩ nɩaa, wʋbɛɛ nɛ mɩ ŋaa ma lɛ? Wʋbɛɛba nɛ mɩ joŋo daŋ ma lɛ? Má bʋla pɩmɛ.

Tɩntɩŋŋaa 2:40

Pɩɩta sɩ bʋl ŋɩɩ, ʋ sʋlba a paala chaasa bʋl wɩaa dɔnsʋŋ yʋgɛ a bʋl, “Má lɩɩsɛ ma tɩtɩa nɩbɔŋŋɔɔ deemba tʋɔŋ.”

Tɩntɩŋŋaa 20:21

Mɩ bʋla pɩ Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala arɩ sɩɩfɩɛsɩŋ dɩ ba bɩrɩma lɩɩ ba wʋbɔŋŋɔɔ lɛ aŋ kʋ to Wɩa, a laa La Tɩɩna Yesu wɩaa dii.

Galiisia Nɩaa 5:3

Mɩ jaŋ bɩra bʋl, dɩ nʋʋkala nɛ sɛyɛ dɩ ba keri ʋ peniŋ, ʋ maga dɩ tɩɩna tuto wɩalɩŋ kala Mosis fa sɩ bile nɛ.

Ɛfɛsɩs Nɩaa 4:17

La Tɩɩna yɩrɩŋ lɛ mɩɩ chɛ dɩ mɩ bʋl wɩɩ nɛ pɩma arɩ sɩɩfɩɛsɩŋ. Má sɩ́ leŋe dɩ ma wʋŋaalaa nagɛ nɩalɩŋ sɩ bɩ Wɩa jɩŋ. Wɩalɩŋ kala ba sɩɩ bɩɩnʋ ŋaa wʋpɛɩba nɛ.

MOSIS BƖRA WULLI WƖA WOMBIIŊ 8:19

Dɩ ma nɛ yʋ ma TƖƖNA Wɩa wɩaa, aŋ mɩɩra tuto vesiŋ harɩŋ, mɩ jaŋ chaasa bʋla pɩma jɩnɩŋ arɩ ŋɩɩ jaŋ leŋ dɩ ʋ cheima.

1 Tɛsalonaaka Nɩaa 4:6

Bɩra, nʋʋkala sɩ́ wɩɩ ŋaa chei ʋ dɔŋɔ tɩɩna a tɩgɛ ʋ haala lɛ. La chaasa bʋla pɩma nɛ faafaa kala a kpʋrɩsɛ ma dɩgɩlaa arɩ Wɩa jaŋ dɔgɩsɛ nɩalɩŋ sɩ ŋaa disiŋ wɩaa.