NƐHƖMAAYA 13:13 - WƖA TENIŊ

¹³ Ŋɩɩ nɛ mɩ lɩɩsɛ Sɛlɛmaaya sɩ ŋaa Wɩɩsʋllɩ sɩpaalaara, Zadɔk sɩ ŋaa Wɩa teniŋ kerichi arɩ Levi tɩɩna kʋbala baa yɩrɛ Pedaaya, a leŋ ba nɛ bibeŋ chʋgʋsʋŋ dɩɩsɩ-la. Ŋɩɩ nɛ mɩ bɩra lɩɩsɛ Hanaŋ sɩ ŋaa Zaku nanʋala, a ŋaa Matanɩa ma nihiŋ ʋ tɩtɩgɛ ba lɛ, bɛɛ wɩaa baalaa deemba fa ŋaa nɩa ba sɩ bene dɩ ba ŋaa nɩtɩtɩɩba nɛ. Ba nɛ fa maga dɩ ba kpɩkpaa kɩalɩŋ nɩaa sɩ kaa kɔ a pɩpɩ ba naambiiriŋ.

NƐHƖMAAYA 13:13 ပူးပေါင်းရင်းမြစ်များ

2 KUOROO 12:15

Nɩalɩŋ sɩ beŋ tɩntɩnna-la ba wʋwasɛ Wɩa dɩɩ-bal-la kɛŋ wʋtɩtɩɩ, ŋɩɩ wɩaa nʋʋkala bɩ ba pɩɛsa chɩchɛ dɩ ʋ na ŋɩɩ ba sɩ kɛŋ moribie-la tɩtɩŋ.

2 KUOROO 12:16

Moribie-la ba sɩ time a pɛ cheeriŋ Wɩɩsʋlʋŋ arɩ wʋbɔŋŋɔɔ joŋo chɛnɩŋ Wɩɩsʋlʋŋ lɛ, ba bɩ ba kaa jʋʋ hɛ dagɩ-bie-la sɩ chɩŋ La TƖƖNA dɩɩ-bal-la tʋɔŋ, Wɩɩsʋllɩ sɩpaalaaraa nɛ tɩɩba.

2 KUOROO 22:7

Ama ʋ bɩ maga dɩ ba ŋmʋnsɛ moribie-la ba sɩ die niiŋ a bibil, bɛɛ wɩaa ba ŋaa nɩtɩtɩɩba nɛ.”

NƐHƖMAAYA 10:12

Zaku, Sɛrɛbɩa, Sɛbanɩa,

NƐHƖMAAYA 10:38

Wɩɩsʋllɩ sɩpaalaara Arɔŋ doho nɩaa tʋɔŋ nɛ maga dɩ ʋ pɛ Levi doho nɩaa lɛ dɩ ba laa kpaalɩŋ fii tʋɔŋ kʋbala deeŋ. Levi doho nɩalɩŋ ma jaŋ laa kɩalɩŋ ba sɩ kaa kpaa leree fii a joŋ kʋbala-la a pɩ Wɩa, a ma kaa kpaa leree fii a joŋ kʋbala bil Wɩa dɩa chʋgʋsʋŋ dɩ-biliŋ.

NƐHƖMAAYA 11:22

Banɩ nanʋala Uzi sɩ ŋaa Hasabaɩ ma nihiŋ nɛ fa ŋaa Levi doho nɩhɩaŋ. Ʋ doho nɩaa nɛ Matanɩa, Mɩka arɩ Asaf. Ba nɛ nyɩŋ-nɩalɩŋ sɩɩ beŋ nɩalɩŋ sɩɩ yɩɩ yɩɩlaa Wɩa dɩɩ-bal-la lɛ.

NƐHƖMAAYA 12:35

a pɛ Wɩɩsʋllɩ sɩpaalaaraa sɩ kori nyilliŋ lɛ, arɩ Jonataŋ nanʋala Zɛkarɩya sɩ ŋaa Sɛmaaya nihiŋ. Ba doho nɩaa dɔnsʋŋ ma nɛ ŋ-la: Matanɩa, Mɩkaaya, Zaku arɩ Asaf,

NƐHƖMAAYA 12:44

Bʋa-la lɛ nɛ ba lɩɩsɛ nɩaa ba bibeŋ chʋgʋsʋŋ dɩɩsɩŋ, lee-la nɩaa sɩ yie kɩɛsɛ kɩaa arɩ ba kʋdii falaa kaa kʋʋ bil, a pɛ kpaalɩŋ fii tʋɔŋ kʋbala-la ba sɩ yie joŋo pɩ Wɩa lɛ. Bagɩsɩ-la sɩ golli Jerusalɛm lɛ, ba fa yie kɩɛsɛ kɩaa nɛ a kaa kʋ bil chʋgʋsʋŋ dɩɩsɩ-la lɛ a pɩ Wɩɩsʋllɩ sɩpaalaaraa arɩ Levi doho nɩaa a nagɛ Wɩa wombiiŋ ʋ sɩ bile dɩ ba tuto sɩ dagɛ ŋɩɩ, bɛɛ wɩaa Juda nɩaa tʋɔŋ fa tɔrɛ Wɩɩsʋllɩ sɩpaalaaraa arɩ Levi doho nɩalɩŋ sɩɩ tɩŋ Wɩa tɩntɩŋŋaa lɛ nɛ.

NƐHƖMAAYA 3:30

Sɛlɛmaaya nanʋala Hananaaya arɩ Hanuŋ sɩ ŋaa Zalaf hambolibii-dʋ ma nɛ wasa saa lee-la sɩ tɩga. Bɛrɛkɩa nanʋala Mɛsʋlam ma nɛ wasa saa tɩgɛ ba lɛ a challɛ ʋ dɩa.

NƐHƖMAAYA 7:2

Mɩ joŋ Jerusalɛm hɛ mɩ naambie Hanani arɩ Hananaaya sɩ ŋaa dɩ-duo-la laalɩyuori-hɩaŋ nɩsɩŋ lɛ ba bibeŋ, bɛɛ wɩaa Hananaaya fa ŋaa nʋʋ sɩ jɩŋ ʋ tɩtɩa kɛnɩŋ nɛ a fɩfá Wɩa a kɩɩ nɩaa jesiŋ kala.

NƐHƖMAAYA 8:4

Ba fa kɛŋ daasɩŋ nɛ a ŋaa kʋŋ ʋ sii je wɩɩ-la wɩaa, Ɛzɩra Wɩa teniŋ kerichi-la jɩla chɩŋ ʋ nyuŋ. Matɩtɩa, Sɛma, Anaaya, Yuria, Hɩlɩkaaya arɩ Maasɛya nɛ fa chɩŋ ʋ nadiiŋ sɛmɛ, ka Pedaaya, Mɩsɩɛl, Malɩkɩja, Hasum, Hasɩbadana, Zɛkarɩya arɩ Mesulam ma chɩŋ ʋ nagʋa sɛmɛ.

Luuk 12:42

Ŋɩɩ nɛ La Tɩɩna mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la sɩ magɛ lɛ.

Tɩntɩŋŋaa 4:35

a kaa mʋ Yesu nanzɔɔba-la teeŋ. Ba kaa kpaa magɛ ŋɩɩ kala nʋʋkala sɩɩ chɛ.

Tɩntɩŋŋaa 6:1

Bʋa-la lɛ Yesu harɩ-tooro-la kʋ pʋŋa yʋgɛ. Ŋɩɩ nɛ ba tʋɔŋ Giriik tɩŋŋaa suomo nyɩnyaŋ Hiburu tɩŋŋaa. Ba bʋla arɩ ba sɩ yie joŋ moribie-la a pɩpɩ yo-haalaa tapʋlɩɩ kala, ba yie bee kikieli ba-na yo-haalaa nɛ.

Tɩntɩŋŋaa 6:3

Mɩ naambiiriŋ, má lɩɩsɛ ma tʋɔŋ nɩaa balɩpɛ ma sɩ jɩma dɩ nɩaa ka zilba, ka Wɩa Dɩŋ-zɔmʋŋ hɛ ba lɛ aŋ kɛŋ wʋjɩmɩŋ ma, dɩ la joŋ wɩɩŋ deeŋ hɛ ba nɩsɩŋ lɛ.

1 Kɔrɩntɩ Nɩaa 4:2

Ʋ saa maga dɩ tɩntɩnnʋ kala kɛŋ wʋtɩtɩɩ a tɩtɩŋ ʋ tɩntɩŋŋaa.

1 Timoti 1:12

Mɩɩ lɔllɛ La Tɩɩna Kirisito Yesu, bɛɛ wɩaa ʋ nɛ bene dɩ mɩ maga dɩ mɩ bʋl ʋ niiŋ wɩaa pɩ nɩaa. Ŋɩɩ nɛ tɩɩ ʋ lɩɩsɛmɛ dɩ mɩ tɩma pʋ. Ʋ nɛ pɩmɛ doluŋ dɩ mɩ wuo tɩtɩŋ tɩntɩmɩŋ deeŋ.

1 Timoti 3:10

Ʋ bɩra maga dɩ Wɩa nɩaa nɛ laa sɩpaaŋ a beŋ nɩalɩŋ sɩɩ chɛ dɩ ba pɛ Wɩa nɩaa kʋhɩasɩŋ lɛ, a na dɩ ba maga koo dɩ ba bɩ maga. Dɩ ba nɛ maga, ba leŋ dɩ ba pɛ Wɩa nɩaa kʋhɩasɩŋ lɛ.