NƐHƖMAAYA 13:10 - WƖA TENIŊ

¹⁰ Mɩ bɩra nɩa arɩ kpaal-la sɩ maga dɩ ba joŋo pɩ Levi doho nɩaa, ba bɩ baa pa. Ŋɩɩ nɛ Levi doho nɩalɩŋ arɩ yɩɩlɩ yɩɩra-la kala sɩ maga dɩ ba tɩtɩŋ Wɩa tɩntɩŋŋaa mɩɩra mʋ tɩtɩŋ ba tɩtɩa bagɩsɩŋ lɛ.

NƐHƖMAAYA 13:10 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 31:4

Ka ʋ bʋla pɩ nɩalɩŋ sɩ hɛ Jerusalɛm lɛ, dɩ ba joŋ Wɩɩsʋlʋŋ kɩalɩŋ sɩ ŋaa Wɩɩsʋllɩ sɩpaalaaraa arɩ Levi doho nɩaa toruŋ pɩba, dɩ ba wuo joŋ ba nyuŋ kala hɛ La TƖƖNA wombiiŋ wɩalɩŋ ba sɩ ŋmʋnsa bil dɩ ba tuto lɛ.

NƐHƖMAAYA 10:37

La ha bɩra jaŋ kɛŋ la mɩɩ-falaa, la tɩɩ-nɛŋ bumbumba, girep nɛnɛɛ sɩ-falɩŋ arɩ la olif nʋʋ-bumbuŋ kaa kɔ Wɩa dɩɩ-balɩŋ a joŋo pɩ Wɩɩsʋllɩ sɩpaalaaraa. La jaŋ kɛŋ la kʋdiilee kpaa leree fii a joŋ kʋbala kaa kʋ pɩ Levi doho nɩaa, bɛɛ wɩaa ba nɩɩ laa kpaalɩŋ fii tʋɔŋ kʋbala deeŋ tasɩ-la kala lɛ la sɩɩ tɩŋ.

NƐHƖMAAYA 10:39

Levi doho nɩaa arɩ Iziral tɩŋŋaa kala, maga ba kɩɛsɛ mɩaa, girep nɛnɛɛ sɩnɩŋ arɩ olif nʋʋŋ nɛ, a kaa mʋ chʋgʋsʋŋ dɩa-la lɛ ba sɩɩ bil Wɩa dɩɩ-bal-la tɩntɩnnɩ kɩaa, arɩ lee-la Wɩɩsʋllɩ sɩpaalaaraa, boi-pɔɔrɔɔ arɩ yɩɩlɩ yɩɩraa sɩɩ jʋʋ. La bɩ jaŋ vɩa la Wɩa dɩɩ-balɩŋ ta.”

NƐHƖMAAYA 12:47

Zerubabɛl arɩ Nɛhɩmaaya ma mɩɩsɩŋ bʋa lɛ, Iziral tɩŋŋaa kala yie kɩɛsɛ kɩaa nɛ tapʋlɩɩ kala aa pɩ nɩalɩŋ sɩɩ yɩɩ yɩɩlaa arɩ nɩalɩŋ sɩɩ pɔ boi-baalaa. Nɩalɩŋ yie joŋ kɩalɩŋ dɔnsʋŋ a pɩ Levi doho nɩaa dɔnsʋŋ, ba ma laa a lɩɩsɛ Arɔŋ doho nɩaa kɩaa pɩba.

AZAAYA 43:23

Ma bɩ piesee kaa kʋ ŋaa kʋnyɩgaa Wɩɩsʋlʋŋ pɩmɛ. Ma bɩ pʋsʋŋ kpʋ a ŋaa Wɩɩsʋlʋŋ a zilmi. Mɩ bɩ ma fʋga dɩ ma kɛŋ mɩaa Wɩɩsʋlʋŋ kɔ, koo a walɩmɛ ma a tɩŋ kʋsʋɔrʋsʋŋ sʋɔra sɩ sɩma wɩaa.

MALAKAƖ 3:8

Ʋ maga dɩ nʋʋ gaa Wɩa nɛɛ? Ama maa gaa mɩ nɛ aŋ yie pɩɛsɛ, ‘Ɛɛ nɛ laa gaaŋ?’ Maa gaa mɩ kɩalɩŋ ma sɩ yie kaa kʋ ŋaa Wɩɩsʋlʋŋ pɩmɛ arɩ kpaalɩŋ fii tʋɔŋ kʋbala-la sɩ ŋaa mɩ kʋa nɛ.

NAMBABA 35:2

“Bʋla pɩ Iziral tɩŋŋaa, tintee-la mɩ sɩ joŋo pɩba lɛ, ba lɩɩsɛ tasɩŋ dɔnsʋŋ a pɩ Levi doho nɩaa, aŋ keri ba pʋsʋŋ dɩ-diiliŋ ma a golli ba tasɩ-la a pɩba,

MOSIS BƖRA WULLI WƖA WOMBIIŊ 12:19

Má fɩɛlɛ ma sɩaa, a sɩ́ Levi doho nɩalɩŋ sɩ hɛ ma tasɩŋ lɛ vɩa ta bʋa-la kala lɛ ma sɩ jaŋ hɔŋ tintee-la lɛ.