NƐHƖMAAYA 12:43 - WƖA TENIŊ

⁴³ Tapʋlɩɩ-la ba kpʋ kɩaa yʋgɛ nɛ woruŋ a ŋaa Wɩɩsʋlʋŋ, aŋ jʋjʋɔsɛ, bɛɛ wɩaa Wɩa leŋe ba tʋɔŋ faasa tɔrɛ nɛ. Haalaa arɩ hambiisiŋ kala nɛ faa jʋɔsʋ. Dɩ ŋ nɛ paala hɛ dɩ-bolii ma, ŋ jaŋ wuo nɩɩ nɩaa sɩ jʋɔsa a ŋɩŋaa goŋ Jerusalɛm lɛ.

NƐHƖMAAYA 12:43 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:13

Juda tɩŋŋaa baalaa arɩ ba haalaa arɩ ba biiriŋ kala fa chɩŋ La TƖƖNA sɩpaaŋ nɛ.

2 IZIRAL TƖŊŊAA NAABARƖŊ 20:27

Ŋɩɩ nɛ Jehosafat laa Juda arɩ Jerusalɛm nɩaa kala sɩpaaŋ, ba jʋɔsɛ a mɩɩra kɔ Jerusalɛm, bɛɛ wɩaa La TƖƖNA leŋe ba yuo dii ba dʋndɔŋŋɔɔ nɛ.

2 IZIRAL TƖŊŊAA NAABARƖŊ 7:10

Chɛŋ-pɛɩ tapʋlaa mara arɩ batori chɛɛŋ, Solomoŋ ta nɩalɩŋ kala ba mʋ ba dɩɩsɩŋ. Ba tʋɔŋ kala tɔrɛ woruŋ a tɩŋ wʋzɔmɔ-la La TƖƖNA sɩ ŋaa pɩ Devit arɩ Solomoŋ arɩ ʋ nɩaa Iziral tɩŋŋaa.

ƐZƖRA 3:13

Nʋʋkala fa bɩ wuo jɩŋ tʋɔtɔrɛ goŋ-la arɩ yele-la bʋa, bɛɛ wɩaa nɩalɩŋ fa chaasa ŋaa goŋ nɛ. Dɩ ŋ nɛ hɛ dɩ-bolii ma, ŋ jaŋ nɩɩ goŋ-la.

NƐHƖMAAYA 12:27

Bʋa-la ba sɩɩ chɛ dɩ ba joŋ Jerusalɛm jebii-la a hɛ La TƖƖNA nɩsɩŋ lɛ, ba yɩrɛ Levi doho nɩaa ba lɩɩ Juda sɛmɛ na-kala nɛ dɩ ba kʋ gbieli arɩ tʋɔtɔrʋŋ a yɩɩ yɩɩlaa a chɩgɩsɛ buguloo, a du chenniŋ arɩ kɔnɛba a dɛnnɛ La TƖƖNA.

NƐHƖMAAYA 12:42

Nɩaa deemba ma nɛ pɛ: Maasɛya, Sɛmaaya, Elieza, Uzi, Jehohanaŋ, Malɩkɩja, Ɛlam arɩ Ɛza. Jɛzɩrahɩa nɛ laa yɩɩlɩ yɩɩra-la sɩpaaŋ baa yɩɩ.

JOB 34:29

Ama dɩ Wɩa nɛ tɔrɛ ʋ niiŋ, kʋbɛɛ nɛ jaŋ wuo joŋ cheeriŋ pʋ? Dɩ ʋ nɛ kɛŋ ʋ sɩaa faa, kʋbɛɛ nɛ jaŋ wuo naʋ? Ʋ nɩɩ beŋ nuhuobiinee arɩ tinteyee kala,

WƖA YƖƖLAA 27:6

Ŋɩɩ nɛ mɩ jaŋ wuo yuo dii mɩ dʋndɔmɔ-la sɩ gollimi, aŋ jʋʋ ŋ lɛbɩ-la tʋɔŋ a kpʋ pʋsʋŋ a sʋl Wɩɩsʋlʋŋ a jʋɔsa ŋaa goŋ a yɩɩ yɩɩlaa a dɛnnɩŋ.

WƖA YƖƖLAA 28:7

Ŋ nɛ ŋaa mɩ doluŋ a nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ a tɔmɛ. Mɩ laaŋ dii nɛ, ŋ pɛ mɩ lɛ, mɩ tʋɔŋ kala tɔrɛ mɩ jʋjʋɔsɛ. Mɩ jaŋ lɔllʋŋ a yɩɩ yɩɩlɩŋ a dɛnnɩŋ.

WƖA YƖƖLAA 9:2

Wɩa sɩ kɩɩ kʋŋkala, mɩ jaŋ yɩɩ yɩɩlaa arɩ tʋɔtɔrʋŋ a tɩŋ ŋ wɩaa. Mɩ jaŋ yɩɩ yɩɩlaa a dɛnnɩŋ.

WƖA YƖƖLAA 92:4

La TƖƖNA, mɩ tʋɔŋ tɔrɛ wʋduoru-la ŋ sɩ ŋaa nyuŋ nɛ, a tɩŋ ŋ wʋŋaalaa wɩaa, mɩ yɩɩ yɩɩlaa arɩ tʋɔtɔrʋŋ nɛ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

JƐRƖMAAYA 31:13

Hatoloo jaŋ gʋa dɩ ba tʋɔŋ tɔrɛ, a pɛ bapʋɔsaa arɩ banɩhɩasɩŋ lɛ. Mɩ jaŋ leŋ dɩ ba yele bɩrɩmɛ tʋɔtɔrʋŋ. Mɩ jaŋ nyagɛ ba bɔyɛ, a leŋ dɩ ba tʋɔ-chei-la bɩrɩmɛ tʋɔtɔrʋŋ.

JƐRƖMAAYA 33:11

tʋɔtɔrɛ goŋ nɩmɛ. Ha-falaa arɩ ba balaba jaŋ bɩra ŋaa goŋ, dɩ nɩalɩŋ ma sɩ kɛŋ Wɩɩsʋlʋŋ kɩaa kɔ mɩ-na ma TƖƖNA dɩa dɩ ba lɔllɛmɛ bʋl, ‘Má lɔllɛ La TƖƖNA doluŋ kala Tɩɩna, bɛɛ wɩaa ʋ wɩaa zɔmɔ ʋ chonuŋ bɩ dɛrɛ.’ Mɩ jaŋ leŋ dɩ tinteeŋ deeŋ bɩra kɛŋ dʋa arɩ ʋ fa sɩ nagɛ ŋɩɩ. Mɩ-na ma TƖƖNA nɛ bʋla.”

NAMBABA 10:10

Dɩ ma nɩɩ gbieli ma tʋɔtɔrɛ-gbielee: chɛŋ-falɩŋ gbielee arɩ ma gbielee dɔnsʋŋ, a ŋaa kʋnyɩgaa Wɩɩsʋlʋŋ arɩ ma nii-magɛ dɔŋɔ Wɩɩsʋlʋŋ, má maga dɩ ma ŋmʋʋ banyilliŋ deemba, a liliisi mɩ wɩaa. Mɩ nɛ ŋaa ma TƖƖNA Wɩa.”

Matiu 21:15

Ama Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba sɩ na wʋmagɩla-la ʋ sɩɩ ŋaa a bɩra na hambiisiŋ sɩɩ ŋaa goŋ ŋɩɩ Wɩa dɩɩ-balɩŋ lɛ, ba na baanɩŋ. Hambiisi-la faa bʋl, “Tabarɩkala Devit nihii.”

Matiu 21:9

Nɩ-daŋ-la sɩ laa Yesu sɩpaaŋ arɩ nɩalɩŋ sɩɩ to ʋ harɩŋ suomo ŋɩŋaa goŋ a bʋl, “Tabarɩkala Devit nihii! Wɩa jaŋ pɛ nɩɩ-la sɩɩ kɔ La Tɩɩna doluŋ lɛ. Má leŋ dɩ la dɛnnɛ Wɩa.”

Jɔɔŋ 16:22

Ŋɩɩ nɛ saa ʋ jaŋ nagɛ ma ma lɛ. Lɛɛlɛ ma tʋɔŋ cheye nɛ, ama mɩ jaŋ bɩra nama dɩ ma tʋɔŋ kala tɔrɛ. Bʋa-la lɛ nʋʋkala bɩ jaŋ wuo ŋaa dɩ ma tʋɔŋ bɩra chei.

Ɛfɛsɩs Nɩaa 5:19

Dɩ ma nɛ kʋ hilimi a bʋl Wɩa wɩaa pɩpɩ dɔŋɔ, má yɩyɩɩ Wɩa yɩɩlaa a dɩdɛnnɛ Wɩa, a yɩɩ yɩɩla-la dɔnsʋŋ ma sɩɩ dagɛ Kirisito wɩaa. Má yɩɩ Wɩa yɩɩlaa a dɩdɛnnɛ La Tɩɩna Kirisito arɩ ma tʋɔŋ kala.

Jeems 5:13

Dɩ nʋʋ nɛ hɛ ma tʋɔŋ dɩ wɩaa wʋwalɩmʋ, má leŋ dɩ ʋ chʋɔlɛ Wɩa a sʋlʋ dɩ ʋ pɛ ʋ lɛ. Dɩ nʋʋ ma nɛ hɛ ma tʋɔŋ, dɩ ʋ tʋɔŋ tɔrɛ, má leŋ dɩ ʋ yɩɩ yɩɩlaa a dɛnnɛ Wɩa.

1 SAMƲƐL 4:5

Ba sɩ kɛŋ La TƖƖNA niiriŋ daga-la kɔ ba buguŋ, Iziral tɩŋŋaa faasa ŋaa goŋ tinteeŋ zigili.